3 Yohane 1:5 - Kivunjo New Testament 1999

⁵ Mkunde, kyindo-kyo uwutia wana wa wama-wo waiṙikyie Ruwa na wayenu taa nyi kyindo kyilawoṙe ngyeṟo;

3 Yohane 1:5 ပူးပေါင်းရင်းမြစ်များ

Matayo 24:45

“Kyasia nyi wui-ng'u mṟundi muyendelyi, awoṙe wuṟango, mndumii okye alemwenenga wuchilyi kanyi kokye, naenengye wandu kyelya kyiyeri kyiwaṟi?

Matayo 25:16

Cha ilyi ulya aleambilyia talanta tsitaanu kayenda, kakapa natso mbucha, kawona ho kyiira talanta tsingyi tsitaanu.

Luka 12:42

Mndumii kagamba, “Kyasia, nyi wui-ng'u akyeri mṟundi msimiri, amṟango, ulya mndumii okye echimmbika nasongoye maṟunda gakye goose, naenengye wandu shelya kui kyiyeri kyiwaṟi?

Mawuto Ga Wasu 1:15

Mfiri iya Petiro kagoṟoka kyiiṙi kya walya wawekyeosha Yesu (itala lyawo cha igana na makumi gawi),

Waroma 12:13

Mochitarama wandu wa Ruwa shilya wakundi; kui iambilyia wayenu, mochipfuṟukana.

Wagalatia 6:10

Koikyo iṙuana na chandu lowona ṙaawa luwutie wandu shindo shicha; ngoseṟa walya waiṙikyie Yesu.

Wakolosai 3:17

Na orio kyindo mochiwuta, kui ṙeṙo ang'u kui iṟunda, wutenyi shoose rinenyi lya Mndumii Yesu, mochiana Ruwa Awu kui oe.

Waebrania 13:2

Mulawaṙime iambilyia wayenu; kyipfa kui iwuta kuṙo wandu wengyi waleambilyia malaika kulawoṙe imanya.

3 Yohane 1:10

Koikyo ngacha ngyechikumbuo mawuto gakye, chandu awoṙe maṙeṙo mawicho galawoṙe kyiira; maa isho shekyemshika-pfo, kyipfa oe amonyi ekyeambilyia wana wa wama-wo waiṙikyie Ruwa-pfo; na walya wakundi iwaambilyia nekyewashingyia, na iwawuta siṟinyi.

3 Yohane 1:3

Kyipfa ngyilechihiyo mnu kyiyeri wana wa wama waiṙikyie Ruwa waleṟingyishia chandu okyeafutsia shilya oteṟia na chandu okyewuta shindo sha wuloi.