2 Yohane 1:9 - Kivunjo New Testament 1999

⁹ Orio mndu alailosha na ikaa maloshonyi ga Kristo, indi nekyegalega, awoṙe Ruwa-pfo. Indi icho ekyekaa ipfo maloshonyi, nawoṙe Awu na Mana taa.

2 Yohane 1:9 ပူးပေါင်းရင်းမြစ်များ

Matayo 11:27

Kagamba, “Ngyimṙambikye shoose na Awu-yoko, maa kuwoṙe aichi Mana, sile Awu-pfo; maa kuwoṙe aichi Awu, sile Mana-pfo, na orio oose ulya Mana akunda imtambuluya.

Luka 10:22

Kagamba, “Ngyimwenengye shoose nyi Awu-yoko, maa kuwoṙe aichi Mana, sile Awu-pfo; maa kuwoṙe aichi Awu, sile Mana-pfo, na orio oose ulya mana akundi imshukuya.”

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Yohane 15:6

Mndu alandewe kyindo kyimwi na inyi nekyewiyitso cha mbaga na iuma; wandu wakatsisania na itsiwiyitsa moṙonyi tsikasenekyia.

Yohane 5:23

kundu wandu woose waindie Mana chandu wekyeindia Awu. Mndu alekyeindia Mana ekyeindia Awu ulya alemṙuma-pfo.

Yohane 8:31

Kyasia Yesu kawia Wayuda walya wawemwiṙikyie, “Mukoosha shilya ngyimulosha, mochiwa wanalosho wako loi loi;

Mawuto Ga Wasu 2:42

Mfiri yoose wakaosha malosho ga wanalosho, wakyeri kyindo kyimwi shindonyi shoose, na kyiiṙi kya ilya mkate handu hamwi, na kyiiṙi kya iterewa.

Wakolosai 3:16

Ṙeṙo lya Kristo lyiingyikye mrimenyi konyu na wuṟangonyi woose, mochiloshana na itutumana kui shiimbo, na shiimbo shetembecheṟa mrima; kunu mochiimbia Ruwa kui iana mrimenyi konyu.

Tito 2:10

Walawe wandu wekyeiwa; indi waafutsie kyilya wateṟia, kundu wachope malosho ga Mkyiṟa oṙu Ruwa shindonyi shoose.

Waebrania 3:14

Cha kyipfa lowa wandu wekyekaa handu hamwi na Kristo, kokooya lokuwaṙa tapu na kyilya luleloṟa kyiyeri lulewooka iiṙikyia Yesu mṟasa mafurumionyi.

Waebrania 6:1

Kyipfa kya ikyo, lukoṙa ionguo malosho ga kuwooka ga Kristo, lupfuṟukane lushikye masiionyi ga kyaro. Maa lulaṙeṙe-se mbonyi tsa malosho-go ga kuwooka, lulaiwuta-se shindo shilawoṙe kyiiṙa na iiṙikyia Ruwa,

1 Yohane 1:3

Lumuongoya nyoe Ṙeṙo lyilya lulelyiwona na ilyiicho, kundu na nyoe taa muiṙime ikaa hamwi na soe; na ikaa lyaṙu handu hamwi nyi hamwi na Awu, hamwi na Mono-kye Yesu Kristo.

3 Yohane 1:9

Ngyileṟeia siṟi paruo, kyaindi Diotirefe, akundi iwa o kuwooka kyiiṙi kyawo, aleluaṙanyia-pfo.