2 Yohane 1:6 - Kivunjo New Testament 1999

⁶ Na ilyi nyilyo ikunda, luchumie lochiosha mawawaso gakye. Ilyi nyilyo iwawaso lyilya, chandu muleicho wookyia mawookyionyi, kye muchumie kyiiṙi kya ilyo,

2 Yohane 1:6 ပူးပေါင်းရင်းမြစ်များ

Yohane 14:15

“Mukongyikunda mochiosha kyilya mawawaso gako gakundi.

Yohane 14:21

Ulya aambilyia mawawaso gako na igaosha, icho nyi oe angyikundi; na ulya angyikundi Awu oko nechimkunda; na inyi ngyechimkunda na imloṟa mbonyi tsako na pata.”

Yohane 14:23

Yesu kagaluo, kammbia, “Mndu kangyikunda nechiosha kyilya malosho gako gakundi; na Awu oko nechimkunda; na soe lochicha na kokye, na iwika kyiṟaṟo kokye.

Yohane 15:10

Mukoosha kyilya mawawaso gako gakundi, mochikaa ikundenyi lyako; chandu inyi ngyekyeosha mawawaso ga Awu oko na ikaa ikundenyi lyakye.

Yohane 15:14

Nyoe mochiwa mbuya tsako, mukowuta shilya ngammbia.

1 Yohane 2:24

Kyasia nyoe, ikyo mulekyiicho wookyia mawookyionyi, kyikae mrimenyi konyu. Kokooya ikyo mulekyiicho wookyia mawookyionyi kyikyeri mrimenyi konyu na nyoe mochikaa ko Mana, na ko Awu.

1 Yohane 2:5

Kyaindi ulya ekyeosha malosho ga Ṙeṙo lyakye, icho mrimenyi kokye ikunda lya Ruwa lyikyeri pfo loi. Kyipfa kya ikyo luichi kye luwalungye na oe.

1 Yohane 2:7

Wakunde, ngyimuṟeia iwawaso lyihya-pfo, kyaindi iwawaso lya kacha muwekyeri nalyo wookyia mawookyionyi. Na iwawaso-lyo lya kacha nyi mbonyi tsilya muleicho.

1 Yohane 5:15

Na kokooya lomanya kye nekyeluaṙanyia, kyoose loterewa, luichi kye luwoṙe shilya lokyeterewa.

1 Yohane 5:3

Cha kyipfa ipfo nyipfo ikunda Ruwa, kye luoshe shilya mawawaso gakye gagamba; maa mawawaso gakye gamalemeri-pfo.

2 Yohane 1:5

Na wulalu, mama, ngyikuterewa, chi kye ngyikuṟeia iwawaso lyihya-pfo, indi lyilya luwei nalyo wookyia mawookyionyi, kye lukundane.