2 Yohane 1:5 - Kivunjo New Testament 1999

⁵ Na wulalu, mama, ngyikuterewa, chi kye ngyikuṟeia iwawaso lyihya-pfo, indi lyilya luwei nalyo wookyia mawookyionyi, kye lukundane.

2 Yohane 1:5 ပူးပေါင်းရင်းမြစ်များ

Yohane 15:12

Iwawaso lyako nyi ilyi, mukundane, chandu ngyilemukunda nyoe.

Yohane 15:17

Ishi ngammbia nyoe, muiṙime ikundana.”

Wagalatia 5:22

Kyaindi ndunda tsa Mumuyo nyi ikunda, sia, ufoṟo, ikarishia, kyiṙo kyicha, itarama wakyeri wukyiwenyi, iwuta kyilya mndu ateṟia,

Wafilyipi 5:2

Muchumie ikundenyi, chandu na Kristo alemukunda nyoe, lyingyi-se kareka moo okye kyipfa kyaṙu, kyiano na kyiṙaso ko Ruwa, iwa mpfaamo o kyindo kyekyepfaama necha.

1 Watesalonikye 4:9

Ko mbonyi tsa ikundana, kuwoṙe kyimaṙuma kya imuṟeia-pfo; kyipfa nyoe muwenyi muwaloshe nyi Ruwa ikundana.

Waebrania 13:1

Ikundana cha wana wa mka lyikae ho.

1 Petiro 4:8

Ngoseṟa ya isho shoose pfuṟukanenyi nakamwi ikundana; kyipfa ikunda lyekyeshikyia ngyuunyamaṟi tsifoi.

2 Petiro 1:7

Na kyiiṙi kya iowuo na iindia Ruwa, ikundana lya wana wa mka; na kyiiṙi kya ikundana lya wana wa mka, ikunda.

1 Yohane 3:11

Kyipfa itsi nyitso mbonyi muletsiicho wookyia mawookyionyi, kye lukundane.

1 Yohane 3:23

Na ilyi nyilyo iwawaso lyakye, kye luiṙikyie rina lya Mono-kye Yesu Kristo, na ikundana, chandu aleluenenga iwawaso.

1 Yohane 4:20

Mndu kagamba, “Ngyikundi Ruwa,” na oe nasuuye mono-wama okye, nai moṙeṙa wongo; cha kyipfa alakundi mono-wama okye ulya ammbonyi, eiṙima ikunda Ruwa ulya alandemmbone-pfo.

2 Yohane 1:1

Inyi meeku, ngyikuṟeia iyoe paruo-i, wama msambuṟe, na wana wakye ngyiwakundi kyiiṙi kya loi; maa chi inyi ngyimonyi-pfo, indi na woose waichi loi iya,