2 Yohane 1:4 - Kivunjo New Testament 1999

⁴ Ngyilechihiyo mnu kyipfa kya ilyi ngyilewona wana wapfo waata wechichumia kyiiṙi kya loi, chandu luleambilyia iwawaso ko Awu.

2 Yohane 1:4 ပူးပေါင်းရင်းမြစ်များ

1 Wakorinto 13:6

Lyekyechihiyo kyipfa kya wuwicho-pfo, indi lyekyechihiyo hamwi na wuloi.

Wagalatia 2:14

Kyaindi, kyiyeri ngyilewona kye mkaṟo yawo iṙuṙanyi necha na wuloi wo Ndumi Ngyicha-pfo, ngyilewia Kyefa mbele ya wandu woose, “Kokooya iyoe ukyeri Myuda nuosha miichiwie ya wandu walaiṙikyie Yesu, maa chi ya Wayuda-pfo, ny'kyilyi uitika wandu walaiṙikyie Yesu iosha miichiwie ya Wayuda?”

Wafilyipi 5:2

Muchumie ikundenyi, chandu na Kristo alemukunda nyoe, lyingyi-se kareka moo okye kyipfa kyaṙu, kyiano na kyiṙaso ko Ruwa, iwa mpfaamo o kyindo kyekyepfaama necha.

Wafilyipi 5:8

Cha kyipfa kacha nyoe muwekyeri meema, indi wulalu mowa ngyeela kyiiṙi kya Mndumii. Wutenyi cha wana wa ngyeela;

Waefeso 4:10

Ngyilechihiyo mnu kyipfa kya Mndumii, cha kyipfa mafurumionyi mowiyiṟa-se makusaṟo ganyu kyipfa kyako, chandu muwekyekusaṟa mbonyi tsako; kyaindi mulawone ṙaawa.

1 Yohane 2:6

Ulya aigamba kye namlungye na Ruwa, kyimmbaṟi iwuta kuṙo chandu Yesu alewuta.