2 Wakorinto 9:8 - Kivunjo New Testament 1999

⁸ Na Ruwa neiṙima imuenenga orio mboṟa iingikyie, kundu nyoe mfiri yoose muiṙime iwaṙa orio kyindo mukundi, na muwoṙe orio kyindo mukundi muiṙime ienengyia kulawoṙe iehia.

2 Wakorinto 9:8 ပူးပေါင်းရင်းမြစ်များ

Mawuto Ga Wasu 9:36

Na kulya Yafa kuwewoṙe manalosho umwi ekyelago Tabita (kyimwi na igamba Dorikasi ang'u moṟinyi). Mndu mka-chu nawewoṙe mawuto mecha na ienengyia shienengo shetarama wakyiwa.

1 Wakorinto 15:58

Kyasia, wana wa wama wakunde, kuwanzenyi, mulalolome, muengyeṟe mnu iṟundia Mndumii mfiri yoose, cha kyipfa muichi kye iṟunda lyanyu chi wulya kyiiṙi kya Mndumii-pfo.

2 Wakorinto 13:3

Cha kyipfa muipfula chandu Kristo akyeri, icho aiṙeṙa mrimenyi koko, ulya alakyeri mfofo konyu, indi nawoṙe pfinya mrimenyi konyu.

2 Wakorinto 8:19

Maa chi wuṙo tikyi-pfo, indi nalesambuṟo nyi siṟi na iyenda kyaro hamwi na soe mbonyinyi tsa isaṟia-lyi, lulyiṟundia, kundu Mndumii naṟumisho, ikuṟeyeṟa lyaṙu lyimanyikye.

2 Wakorinto 8:2

kyipfa kyiyeri waweiyesho kui wukyiwa wung'anyi, sia yawo na wufofo wowo wung'anyi mnu wuleengyeṟa wunjama wo ilekyia lyawo.

2 Wakorinto 8:7

Kyaindi chandu muwoṙe shindo shifoi, iiṙikyia, iṙeṙa, na wuṟango, na wuragari woose, na ikunda lyanyu koṙu soe; kyasia na wuṙo muambilyie wuingyi wo isaṟia-lyi taa.

2 Wakorinto 9:11

Mochiiritso shindonyi shoose muiṙime iwaṙa ilekyia lyoose, lyekyeenenga Ruwa wandu wafoi waimmbia haika kyipfa kya shienengo shanyu wekyeambilyia iwuka koṙu.

Wafilyipi 2:10

Kyipfa nyi wuṙo luwagumbe, lulegumbo kyiiṙi kya Kristo Yesu, luwute mawuto mecha, igo wookyia kacha Ruwa alegaṟeyeṟa kundu luwute luṙo.

Wafilyipi 3:20

Kyasia naṟumisho oe ekyeiṙima iṟunda shindo sha maṟiyisho mnu kuta shoose lokyeterewa na ikusaṟa, iṙuana na pfinya iṟunda maṟunda mrimenyi koṙu.

Waefeso 4:11

Chi ngyigamba kuṙo kyipfa ngyiuṟie kyindo-pfo; kyipfa ngyikuloshie ishiko na shilya ngyiwoṙe.

Wakolosai 1:10

Mukae chandu Mndumii akundi, mochimchihiṟa piu; mochikumbia ndunda kui orio iṟunda lyicha, na iengyeṟika wuṟangonyi wo Ruwa.

2 Watesalonikye 2:17

namuwiyiṟie moo na imukarisha orio ṙeṙonyi na iṟundenyi lyicha.

2 Timoteo 2:21

Kyasia kokooya mndu nakuilyisha kui ikushowa na isho, nechiwa kyindo kyewona kyiṟumi, kyikyisanje, kyiwoṙie Mndumii kyiira, kyikyiachikyie kui orio iṟunda lyicha.

2 Timoteo 3:17

Kundu mṟundi o Ruwa nawe mndu aafutsie echiiṙima iṟunda orio iṟunda lyicha.

Tito 2:14

ulya alereka moo okye kyipfa kyaṙu, kundu nalukyiṟe lulaolokyio nyi mawicho ga mbaṟe tsoose, na iilyisha wandu wawe wakye oe amonyi, walya wawoṙe wuragari mawutonyi mecha.

Tito 3:14

Wandu waṙu nawo wakuloshe iwuta shindo shicha orio kyiyeri, ko shindo shilya shiwaṟi tikyi; walacheewa wandu waiṟunda wulya.

Tito 3:8

Nyi kyindo kya loi; na shindo-sho ngyikundi ushionguo na pfinya, kundu walya waleiṙikyia Ruwa wakumbuo ikaa mawutonyi mecha. Isho shishicha; lyingyi-se shiwoṙe kyiira ko wandu.

1 Petiro 4:10

orio umwi iṙuana na chandu aleambilyia kyisumbo, ṟundianenyi nakyo; cha waringyi wecha wa isaṟia lya mbaṟe tsifoi lya Ruwa.