2 Wakorinto 9:3 - Kivunjo New Testament 1999

³ Kyaindi ngyileṙuma wana wa wama-wo, kundu ikushela lyaṙu kyipfa kyanyu lyilailachikye kyiiṙi kya kyindo-kyi; muiṙime ikuṟeyeṟa chandu ngyilegamba,

2 Wakorinto 9:3 ပူးပေါင်းရင်းမြစ်များ

2 Wakorinto 7:14

Cha kyipfa kokooya ngyilekushela mbele yakye kyindonyi kyoose kyipfa kyanyu, ngyilewona sonu-pfo; indi chandu lulemmbia mbonyi tsoose kui wuloi, na wuṙo ikushela lyaṙu mbele ya Tito lyiwei lya loi.

2 Wakorinto 7:4

Ngyiwoṙe wukari wung'anyi konyu; ngyiwoṙo nyi ikushela lying'anyi kyipfa kyanyu. Ngyiichuo nyi iwiyiṟio moo, wukyiwenyi woṙu woose ngaichuo sia ya ngosera.

2 Wakorinto 8:6

Mṟasa lukoikyimbia Tito naafutsie isaṟia-lyi konyu chandu oe alekoalyiwooka.

Tito 3:1

Ukumbuṟe wandu ipfereria ko walya wawoṙe pfinya na wuchilyi, na iindia, na orio kyiyeri ikuṟeyeṟa ko orio iṟunda lyicha.