2 Wakorinto 9:2 - Kivunjo New Testament 1999

² Kyipfa ngyiichi ikuṟeyeṟa lyanyu; ikuṟeyeṟa ngyekyekushelyia kyipfa kyanyu ko wandu wa Makyedonia, kye Akaya iwekuṟeyeṟie maka oose; na wuragari wonyu wulekarisha wafoi.

2 Wakorinto 9:2 ပူးပေါင်းရင်းမြစ်များ

Mawuto Ga Wasu 18:12

Na kyiyeri Galyio awekyeri mchilyi o Akaya Wayuda woose piu wakakapa Paulo, wakamwende na handu heanduya wandu,

Mawuto Ga Wasu 24:17

Hamwiṙe maka ifoi ngyilecha ngyiendie wandu wa uruka loko shienengo.

Waroma 15:26

kyipfa kyachihiṟa wandu wa Makyedonia na Akaya wasanie kyindo kyetarama wandu wa Ruwa wai wafofo ipfo Yerusalemu.

1 Wakorinto 16:15

Lyingyi-se, wana wa wama, ngamterewa; (muichi wandu wa kanyi ko Stefana kye nyi wandu wa kuwooka kulya Akaya walegalutso wakaiṙikyia Yesu. Wandu-wa wakuwikyie nakamwi iṟundenyi lyetarama wandu wa Ruwa.)

2 Wakorinto 1:1

Inyi Paulo, ngyikyeri msu o Kristo Yesu chandu Ruwa akundi, na Timoteo mono-wama oṙu; ngaṟeia paruo-i ko siṟi ya Ruwa ikyeri Korinto, hamwi na wandu wa Ruwa woose wakyeri urukyenyi loose lo Akaya.

2 Wakorinto 7:14

Cha kyipfa kokooya ngyilekushela mbele yakye kyindonyi kyoose kyipfa kyanyu, ngyilewona sonu-pfo; indi chandu lulemmbia mbonyi tsoose kui wuloi, na wuṙo ikushela lyaṙu mbele ya Tito lyiwei lya loi.

2 Wakorinto 7:4

Ngyiwoṙe wukari wung'anyi konyu; ngyiwoṙo nyi ikushela lying'anyi kyipfa kyanyu. Ngyiichuo nyi iwiyiṟio moo, wukyiwenyi woṙu woose ngaichuo sia ya ngosera.

2 Wakorinto 8:10

Na inyi kyipfa kya ikyo, ngyigamba kuṙi, kyachia ko ura lonyu muwookye iwuta shilya mulewooka maka ulesia. Nyoe muwekyeri wa kuwooka iwuta kuṙo.

2 Wakorinto 8:11

Kyaindi wulalu afutsienyi kyindo-kyo; kundu chandu muwelangyie itarama, pfuṟukanenyi kuṙo chandu mochiiṙima, muafutsie.

2 Wakorinto 8:19

Maa chi wuṙo tikyi-pfo, indi nalesambuṟo nyi siṟi na iyenda kyaro hamwi na soe mbonyinyi tsa isaṟia-lyi, lulyiṟundia, kundu Mndumii naṟumisho, ikuṟeyeṟa lyaṙu lyimanyikye.

2 Wakorinto 8:24

Kyasia waloṟenyi mbele ya siṟi wuloi wo ikunda lyanyu, na ikushela lyaṙu kyipfa kyanyu.

2 Wakorinto 8:8

Ngyiṙeṙa kundu ngyimutsindikye-pfo, indi kui wuragari wo wandu wengyi ngyimanye wusimiri wo ikunda lyanyu.

1 Watesalonikye 1:7

Mṟasa mukowa mfano mcha ko wandu woose waiṙikyie Yesu urukyenyi lo Makyedonia na Akaya.

Waebrania 10:24

Luambuye chandu lochitaramana na iwutiana shindo shicha na itutumana kui ikunda na iṟunda lyicha.