2 Wakorinto 8:23 - Kivunjo New Testament 1999

²³ Kyasia mndu kakunda mbonyi tsa Tito, oe nyi mongari oko, na mndu ngyekyeṟunda na oe kyipfa kyanyu; na mndu kakunda mbonyi tsa wana wa wama waṙu, wo nyi wandu wawaṙume nyi siṟi, na mng'ano o Kristo.

2 Wakorinto 8:23 ပူးပေါင်းရင်းမြစ်များ

Luka 5:10

Na wuṙo taa kyilewa ko wana wa Sebedayo, wawekyeṟunda hamwi na Simion. Yesu kawia Simion, “Ulaowuoe. Wookyia wulalu nowamoṙega wandu.”

Luka 5:7

Wakatsinia walya waweiṟunda nawo wawekyeri kulya ngalawenyi ya kawi, wachewatarama. Wakacha, wakaichuṟa ngalawa tsilya tsitsiwi, mṟasa tsikakyiṟesoṟowia.

Yohane 13:16

Ny'kyaloi ngammbia, mtumo ang'anyi kuta mndumii okye-pfo; maa moṙiko ndumo ang'anyi kuta ulya amṙuma-pfo.

1 Wakorinto 11:7

Kyipfa loi mndu msoṟo awaṟi ishikyio mṙoe-pfo, kyipfa oe nyi mfano o mng'ano o Ruwa. Kyaindi mndu mka nyi mng'ano o mndu msoṟo.

2 Wakorinto 12:18

Ngyileikyimbia Tito, ngaṙuma mono-wama ulya hamwi na oe. Ngyesa Tito nalemtosa kyindo? Ngyesa lulechumia kui Mumuyo ulya ulya na ndifonyi tsilya tsilya-pfoe?

2 Wakorinto 7:6

Kyaindi Ruwa, ekyewiyiṟia wafofo moo, naleluwiyiṟia moo kui icha lya Tito.

2 Wakorinto 8:16

Kyaindi Ruwa naṟumisho, ulya mowika wuragari wulya wulya kyipfa kyanyu mrimenyi ko Tito.

2 Wakorinto 8:18

Na hamwi na oe lukoṙuma mono-wama ulya kyiṟumi kyakye Nduminyi Ngyicha kyileṙunganana siṟinyi koose.

2 Wakorinto 8:19

Maa chi wuṙo tikyi-pfo, indi nalesambuṟo nyi siṟi na iyenda kyaro hamwi na soe mbonyinyi tsa isaṟia-lyi, lulyiṟundia, kundu Mndumii naṟumisho, ikuṟeyeṟa lyaṙu lyimanyikye.

2 Wakorinto 8:22

Na soe hamwi nawo loṙuma mono-wama oṙu lulemmbona kyiyeri kyileshi kye nawoṙe wuragari, na wulalu nawoṙe wuragari ngoseṟa mnu kyipfa kya ikusuria lying'anyi awoṙe konyu.

2 Wakorinto 8:6

Mṟasa lukoikyimbia Tito naafutsie isaṟia-lyi konyu chandu oe alekoalyiwooka.

Waefeso 2:25

Kyaindi ngyilewona kyingyiwaṟi iṙuma Epafurodito konyu, mono-wama oko, alewuka konyu icheṟunda handu hamwi na inyi.

Waefeso 4:3

Yee, ngyikundi na iyoe taa, mongari o loi, utarame waka-wo; cha kyipfa walepfuṟukana hamwi na inyi ionguo Ndumi Ngyicha, na Kyilementi, na walya wengyi waleṟunda hamwi na inyi, walya marina gawo gakyeri kyitapunyi kyiwoṙe marina ga walya wawoṙe moo o loi uwukyie ko Ruwa.

Wakolosai 1:7

Chandu mulelosho na Epafura, mongari oṙu mkunde iṟundenyi, akyeri mṟundi ekyeafutsia kyilya Ruwa ateṟie ko Kristo kyipfa kyanyu;

1 Watesalonikye 2:2

Kyaindi kuwooka lomulyiso wukyiwa na iinyalo, chandu muichi, kulya Filyipi, lulekaria kyiiṙi kya Ruwa imuongoya nyoe Ndumi Ngyicha ya Ruwa, kui iikapania mnu.

2 Timoteo 4:10

Kyipfa Dema nalengyiṙa echikunda wuyana-wu wo wulalu, kapfunga kyaro iyenda Tesalonikye. Kyiresikye nayenda Galatia; Tito nayenda Dalyimatia.

Tito 1:4

Ngaṟeia paruo-i ko Tito, mono-ko nakamwi iiṙikyienyi lyaṙu. Isaṟia lyikae kopfo na ufoṟo shiwukyie ko Ruwa Awu na Kristo Yesu Mkyiṟa oṙu.

Filemon 1:17

Kyasia kokooya ongyiwona inyi ngyiwoṙe iwaṙana na iyoe, ambilyia ichu kyimwi na inyi ngyimonyi.

Filemon 1:24

na Mariko, Aristariko, Dema, na Luka, wekyeṟunda hamwi na inyi.

3 Yohane 1:8

Kyasia kyiluwaṟi soe iambilyia wandu cha iwo, kundu luwe waṟundi hamwi na wuloi.