2 Wakorinto 8:21 - Kivunjo New Testament 1999

²¹ lukosonguo ikusaṟa gai mecha, chi mbele ya Mndumii tikyi-pfo, indi na mbele ya wandu.

2 Wakorinto 8:21 ပူးပေါင်းရင်းမြစ်များ

Matayo 23:5

Lyingyi-se mmbutie yawo yoose nyi kundu wawono nyi wandu; cha kyipfa shichonyi-sho shishiṟeie maṙeṙo ga Ruwa wekyeṟaa shaamunyi shawo na mawoko nyi shing'anyi mnu, na makyechu ga mkoṟoṟi yawo gangyilesheṟe mnu.

Matayo 5:16

Na wuṙo ngyeela yanyu ilyimikye mbele ya wandu, waiṙime iwona mawuto ganyu mecha, waṟumishe Awu-yonyu akyeri ruwewu.”

Matayo 6:1

“Mulaloṟe wucha wonyu mbele ya wandu, kundu wamuambuye. Kyipfa mukoṟunda muṙo, mowona wori ko Awu-yonyu akyeri ruwewu-pfo.

Matayo 6:4

Kyiano kyapfo kyesaṟia kyiwe kui kyiṟika; na Awu-yopfo ulya ekyewona maa shilya shikuṟiikyie nechikuenenga iṟikoso.”

Waroma 12:17

Maa mulatae mndu wuwicho ko wuwicho. Ṟundenyi shindo shicha mbele ya wandu woose.

Waroma 14:18

Kyipfa ulya aiṟundia Kristo mbonyi-tso tsekyechihiṟa Ruwa, na lyingyi-se nekyeiṙikyio nyi wandu.

2 Wakorinto 2:17

Cha kyipfa soe chi kyimwi na wandu wafoi wekyekapa mbucha na ulogo lo Ruwa-pfo. Soe luonguo ulogo lo Ruwa kui wuwaṙami wo mrima cha wandu waleṙumo nyi Ruwa, luwalungye na Kristo.

2 Wakorinto 8:20

Lochikuringa na kyindo-kyi, mndu alachewona ṙeko lyaṙu mbonyinyi tsa kyisumbo-kyi lukyiṟundia;

2 Wakorinto 8:22

Na soe hamwi nawo loṙuma mono-wama oṙu lulemmbona kyiyeri kyileshi kye nawoṙe wuragari, na wulalu nawoṙe wuragari ngoseṟa mnu kyipfa kya ikusuria lying'anyi awoṙe konyu.

Waefeso 4:8

Naaho-ng'u, wana wa wama, kyindo kyoose kyikyeri kya loi, kyoose kyilai kya sonu, kyoose kyikyeri kya wusumganyi, kyoose kyilawoṙe ukoe, kyoose kyechihiṟa, kyoose kyiwoṙe kyiṟumi kyicha; kokooya kuwoṙe wucha woose, kukowaṙa kyiṟumi kyoose kyicha, kusaṟenyi kyipfa kya shindo sha mbaṟe-yo.

1 Watesalonikye 5:22

Kushowenyi na wuwicho wa orio mbaṟe.

1 Timoteo 3:7

Lyingyi-se nawaṟi iṟingyishio wucha na wandu walya walakyeri poonyi lya walya waiṙikyie Yesu, kundu alachewuta shindo sha sonu na iwingo nyi Mokyiriinzi.

1 Timoteo 5:14

Kyasia ngyikundi wakusu, walawaku, waalyiko, wafee wana, wachilyie kanyi kowo; kundu walaenengye mokyituwa ṙaawa lyegamba kye luwoṙe ṙeko.

1 Petiro 2:12

Muwaṙe mkaṟo mcha kyiyeri mukyeri na walya walaiṙikyie Yesu, kundu kokooya wekyemuiria kye mowuta shindo shiwicho, wakaambuya mawuto ganyu mecha, waṟumishe Ruwa kyiyeri-kyo Yesu echicha lya kawi.