2 Wakorinto 8:1 - Kivunjo New Testament 1999

¹ Lyingyi-se, wana wa wana waṙu, lummbia ulogo lo isaṟia lya Ruwa, siṟi tsa Makyedonia tsileenengo;

2 Wakorinto 8:1 ပူးပေါင်းရင်းမြစ်များ

Matayo 25:22

Na ulya aleambilyia talanta tsiwi kacha, kagamba, ‘Mndumii, nulekooma koko talanta tsiwi; aitsi, talanta tsingyi tsiwi ndewona ho kyiira.’

Mawuto Ga Wasu 11:23

Na oe, amshikye na iwona isaṟia lya Ruwa kachihiyo, katerewa wandu woose waoshane na Mndumii kui iiṙikyia lyiwukyie mrimenyi.

Mawuto Ga Wasu 16:9

Kyiyeri kya kyio Paulo kaloṟo kyindo kyilandewono, akyeri cha mndu ailoṙo. Nalewona mndu awukyie Makyedonia agoṟokyi, echimterewa, na immbia, “Ambaṙa, uche na Makyedonia ulutarame.”

Mawuto Ga Wasu 24:17

Hamwiṙe maka ifoi ngyilecha ngyiendie wandu wa uruka loko shienengo.

Waroma 15:26

kyipfa kyachihiṟa wandu wa Makyedonia na Akaya wasanie kyindo kyetarama wandu wa Ruwa wai wafofo ipfo Yerusalemu.

1 Wakorinto 15:10

Kyaindi kui isaṟia lya Ruwa ngawa kuṙi chandu ngyikyeri; na isaṟia lyikyeri koko chi wulya-pfo, indi ngyileengyeṟa mnu iṟunda kuta wo woose; maa chi inyi-pfo, indi nyi isaṟia lya Ruwa hamwi na inyi.

2 Wakorinto 11:9

Na inyi kyiyeri ngyiwekyeri hamwi na nyoe na ipfula kyindo kyengyitarama, ngyilewa ṟio ko mndu-pfo. Kyipfa wana wa wama walewuka Makyedonia walengyienenga orio kyindo ngyiwekundi; na inyi mbonyinyi tsoose ngyilekuringa ngyilacheewa ṟio konyu maa ale. Lyingyi-se ngyekuringa.

2 Wakorinto 9:12

Kyipfa iṟunda-lya iṟunda-lyi chi lyetarama wandu wa Ruwa shindo shilya wauṟie tikyi-pfo, indi lyekyeengyeṟika mnu iwaṙa kyiira kui iana lying'anyi Ruwa ekyeenengo.

2 Wakorinto 9:2

Kyipfa ngyiichi ikuṟeyeṟa lyanyu; ikuṟeyeṟa ngyekyekushelyia kyipfa kyanyu ko wandu wa Makyedonia, kye Akaya iwekuṟeyeṟie maka oose; na wuragari wonyu wulekarisha wafoi.

2 Wakorinto 9:4

kundu wandu wa Makyedonia wakacha hamwi na inyi, wakamukooya mulakuṟeyeṟie, soe lulacherigo nyi sonu (lulagambe nyoe), kyiiṙi kya mbaṟe-yo iyo ya ikusuria.

Wafilyipi 3:8

Inyi, ngyikyeri mtutu kuta ulya akyeri mtutu o wandu wa Ruwa woose, ngyileenengo isaṟia-lyi lyeongoya wandu walaiṙikyie Ruwa wunjama wo Kristo wulekyeiṙima iyeṟo;

Wakolosai 1:29

Na inyi ngyikuwinisha kui kyindo-kyo ikyo, ngyechipfuṟukana iṙuana na pfinya ing'anyi iwukyie ko Kristo, ekyeṟunda kyiiṙi kyako.

1 Watesalonikye 4:10

Cha kyipfa mukundi wana wa wama woose wakyeri urukyenyi loose lo Makyedonia. Kyaindi lomuterewa, wana wa wama, muengyeṟe ikundana.