2 Wakorinto 7:8 - Kivunjo New Testament 1999

⁸ Cha kyipfa maa chandu paruo iya yako ilemuendie fowa ngyiwihiyo mrimenyi-pfo; maa kokooya ngyilewihiyo mrimenyi, ngyiwonyi kye paruo iya ilemuendie fowa, kyiyeri kyifuhi tikyi.

2 Wakorinto 7:8 ပူးပေါင်းရင်းမြစ်များ

Yohane 16:6

Indi cha kyipfa ngammmbia isho fowa iichuo mrimenyi konyu.

Yohane 21:17

Kammbia-se lya kaṟaaṟu, “Simion mana o Yohane, ungyikundi?” Kammbia, “Mndumii, iyoe nuichi shoose; iyoe nuichi kye ngyikukundi.” Yesu kammbia, “Ambuya moondo gako.”

2 Wakorinto 7:11

Wulalu moiṙima iwona kyindo kyekyeendo nyi iwona fowa chandu Ruwa akundi. Nyoe moiṙima wulalu iwa wandu wawoṙe ipfuṟukana, wawoṙe kyindo kyegamba. Mokyeṙumbuko nyi maṙima na iowuo; mokyepfuṟukana na iwona kye kya wusumganyi kyiṟundo. Nyoe moloṟa na pata kye muwoṙe ṙeko kyiiṙi kya ikyi ngyigamba-pfo.

2 Wakorinto 7:12

Kyasia, maa chandu ngyilemuṟeia paruo, ngyileṟeia kyipfa kya ulya alenyamaṟa, maa chi kyipfa kya ulya alewutio kuṙo-pfo, indi ipfuṟukana lyanyu kyipfa kyaṙu lyiiṙime iṟingyishio konyu mbele ya Ruwa.

2 Wakorinto 7:6

Kyaindi Ruwa, ekyewiyiṟia wafofo moo, naleluwiyiṟia moo kui icha lya Tito.

2 Wakorinto 7:7

Maa chi kui icha lyake tikyi-pfo, indi chandu alewiyiṟio moo nyi nyoe, echiluwia mbonyi tsa ilanga lyanyu, na ṟanyi yanyu, na wuragari wonyu kyipfa kyako, mṟasa ngaengyeṟa ichihiyo.

2 Wakorinto 7:9

Wulalu ngyimchihiye, chi kyipfa kya nyoe iwona fowa-pfo, indi kyipfa kya ilyi mulewona fowa, mṟasa mukoṙumbuya wunyamaṟi. Kyipfa mulewona fowa kyipfa kya Ruwa, kundu mulaṙetse kyindo kyipfa kya kyindo lulewuta soe.

Ulogo 3:19

Woose ngyiwakundi ngyekyewaṟoṟoma na iwatoṟisha. Kyasia waṙa wuragari, uṙumbuye wunyamaṟi.