2 Wakorinto 7:7 - Kivunjo New Testament 1999

⁷ Maa chi kui icha lyake tikyi-pfo, indi chandu alewiyiṟio moo nyi nyoe, echiluwia mbonyi tsa ilanga lyanyu, na ṟanyi yanyu, na wuragari wonyu kyipfa kyako, mṟasa ngaengyeṟa ichihiyo.

2 Wakorinto 7:7 ပူးပေါင်းရင်းမြစ်များ

Matayo 26:75

Petiro kakumbuo kyindo kyilya Yesu alegamba, “Ilying'onyi lyilafuga, nongyikana kaṟaaṟu.” Kafuma na nja katonyitsa mcheṟeṟe ya fowa.

Matayo 5:4

Wagusu iwo wawasokyie nyi fowa; kyipfa iwo wechiwiyiṟio moo.

Luka 22:44

Na oe kyipfa awekyeri wukyiwenyi wung'anyi, kaengyeṟa mnu iterewa; msino okye ukowa cha maṙonyi ga samu gechitonyika wanda.

Mawuto Ga Wasu 11:23

Na oe, amshikye na iwona isaṟia lya Ruwa kachihiyo, katerewa wandu woose waoshane na Mndumii kui iiṙikyia lyiwukyie mrimenyi.

Waroma 1:12

Kyimwi na igamba, luwiyiṟiane moo inyi na nyoe, orio mndu kui iiṙikyia lya oṙoe, lyanyu na lyako.

1 Wakorinto 5:2

Na nyoe mokyekushela, maa mokyewoṙo nyi fowa mrimenyi-pfo, kye nawuto konyu ulya awuta kyindo kya mbaṟe-yo.

2 Wakorinto 1:14

Na wuṙo chandu muleṟingyishia mbonyi tsaṙu kyitutu, kye soe nyi kyimaṙuma kya ikushela lyanyu, chandu nyoe mukyeri koṙu, mfiri ulya Mndumii oṙu Yesu echicha lya kawi.

2 Wakorinto 1:4

ekyeluwiyiṟia moo ngyuukyiwenyi tsaṙu tsoose kundu na soe luiṙime iwawiyiṟia moo walya wakyeri ngyuukyiwenyi tsa mbaṟe tsoose, kui iwiyiṟio moo-lyo, lokyewiyiṟio moo nyi Ruwa.

2 Wakorinto 2:9

Kyipfa ngyileṟeia kyipfa kya ikyo taa, kundu ngyimanye na pata konyu kye muleindia shindo shoose.

2 Wakorinto 5:2

Kyipfa kyiiṙi kya numba-i luiwawio lochilanga mnu ienengo kanyi koṙu kuwukyie ruwewu;

2 Wakorinto 7:6

Kyaindi Ruwa, ekyewiyiṟia wafofo moo, naleluwiyiṟia moo kui icha lya Tito.

2 Wakorinto 7:8

Cha kyipfa maa chandu paruo iya yako ilemuendie fowa ngyiwihiyo mrimenyi-pfo; maa kokooya ngyilewihiyo mrimenyi, ngyiwonyi kye paruo iya ilemuendie fowa, kyiyeri kyifuhi tikyi.

2 Wakorinto 8:16

Kyaindi Ruwa naṟumisho, ulya mowika wuragari wulya wulya kyipfa kyanyu mrimenyi ko Tito.

Waefeso 1:20

chandu ngyileweṙelyia mnu, na ikusuria, kye ngyechirigo nyi sonu maa ale-pfo, indi kui wusimiri woose, cha mfiri yoose, na wulalu nyi wuṙo Kristo echienengo kyiṟumi mmbiunyi koko; kokooya ngyii na moo, ang'u ngyipfiie.

Wakolosai 2:5

Kyipfa maa chandu ngyilakyeri ho kyimmbiu, kyaindi ngyikyeri hamwi na nyoe kyimrima, ngyechihiyo na iwona wuyendelyi wonyu na igoṟoka lyanyu kulawoṙe iloloma lya iiṙikyia lyanyu kyiiṙi kya Kristo.

1 Watesalonikye 3:6

Kyaindi kyiyeri Timoteo alecha na koṙu iwuka konyu, naleluendie mbonyi ngyicha tsa iiṙikyia lyanyu na ikunda lyanyu na kye mokyelukumbuo necha mfiri yoose, mulangyie iluwona chandu soe lulangyie immbona.

1 Watesalonikye 3:8

Cha kyipfa wulalu luwoṙe moo, kokoooya nyoe mulaloloma kyiiṙi kya Mndumii.

Waebrania 2:1

Koikyo kyiluwaṟi iosha nawi shilya luleicho lulacheṙeko.

Yakobo 5:17

Elyiya nawei mndu o mbaṟe imwi cha soe, kapfuṟukana iterewa ko loi kundu mvuo ilakape, na mvuo ilekapa ko maka iṟaṟu na mori iṟandaaṟu-pfo.

2 Yohane 1:4

Ngyilechihiyo mnu kyipfa kya ilyi ngyilewona wana wapfo waata wechichumia kyiiṙi kya loi, chandu luleambilyia iwawaso ko Awu.

Yuda 1:3

Wakunde, kyiyeri ngyiwepfuṟukana mnu imuṟeia mbonyi tsa wukyiṟo wukyeri nyi woṙu loose, ngyilewona kyangyikooya imuṟeia, kundu ngyimtutume kye mukapanie iiṙikyia lyileenengo wandu wa Ruwa lyimwi tikyi.