2 Wakorinto 7:2 - Kivunjo New Testament 1999

² Luenengyenyi ṙaawa mrimenyi. Lulelyiiya mndu oose mbaka-pfo, maa lulenyamaṟa mndu-pfo, maa lulandewutie mndu kyindo kundu luwone ho kyiira-pfo.

2 Wakorinto 7:2 ပူးပေါင်းရင်းမြစ်များ

Matayo 10:14

Na mndu alandemuambilyie na iaṙanyia maṙeṙo ganyu, ilyi mowuka ipfo kokye, ang'u ipfo mṟinyi, kute-kutenyi kyilulyi ipfo maṙendenyi ganyu, iloṟa mowalega nakamwi.

Matayo 10:40

“Amuambilyia nyoe nangyiambilyia inyi, na oe angyiambilyia inyi, naambilyia ulya alengyiṙuma.

Luka 10:8

Na orio mṟi mochiiṙa napfo, wakamuambilyia, lyenyi shelya shechiwikyio mbele yanyu.

Mawuto Ga Wasu 20:33

Ngyilelanga heleri maa sahapu maa nguwo tsa mndu-pfo.

Waroma 16:18

Kyipfa wandu wa mbaṟe-yo waiṟundia Mndumii oṙu Yesu Kristo-pfo, indi nyi ndewu tsawo wawenyi; na kui maṙeṙo ga wulembi na maṙeṙo gekuloṟa kye wawecha kundu wakundo, wailemba wandu wanyotsu.

2 Wakorinto 1:12

Cha kyipfa ikushela lyaṙu nyi ilyi, iṟingyishia lya kyilya mrima yaṙu iwonyi kye kyikyicha, kye kui wuele na ngoo ngyiilyi iwukyie ko Ruwa; chi kui wuṟango wo mmbiu-pfo, indi kui isaṟia lya Ruwa; lulewaṙa mchumie wuyanenyi, na ngoseṟa konyu nyoe.

2 Wakorinto 11:16

Ngyigamba-se, mndu alakusaṟe kye inyi ngyimtondo. Kyaindi maa mukokusaṟa kyako kuṙo, mungyiambilyie cha tondo; kundu na inyi ngyiiṙime ikushela kyitutu.

2 Wakorinto 11:9

Na inyi kyiyeri ngyiwekyeri hamwi na nyoe na ipfula kyindo kyengyitarama, ngyilewa ṟio ko mndu-pfo. Kyipfa wana wa wama walewuka Makyedonia walengyienenga orio kyindo ngyiwekundi; na inyi mbonyinyi tsoose ngyilekuringa ngyilacheewa ṟio konyu maa ale. Lyingyi-se ngyekuringa.

2 Wakorinto 4:2

Kyaindi lulelega mbonyi tsa sonu tsikuṟiikyie, maa luichumia kui mtambo-pfo, maa isanza-sanza Ṙeṙo lya Ruwa na wongo, indi kui iṟingyishia loi lukuloṟa kye luwoṙe wusumganyi, kyilya mrima ya wandu iwonyi kye kyikyicha kyeluṟingyishia mbele ya Ruwa.

Waefeso 2:29

Kyasia muambilyienyi kyiiṙi kya Mndumii kui sia yoose, mochiwona wandu cha ichu kye nyi wandu wawoṙe rina.

Wakolosai 4:10

Arisitariko, ampfungye hamwi na inyi, namuiṟikyiṟa; na Mariko, washiṙie o Barinaba, icho muleambilyia mawawaso kui mbonyi tsakye; kashika konyu mwambilyienyi.

1 Watesalonikye 2:10

Nyoe nyi waṟingyishi, na Ruwa taa, chandu lulekaa konyu nyoe muiṙikyie Yesu, kui wuele, na kui wusumganyi, kulawoṙe igamba kye lowuta kyindo kyiwicho.

Filemon 1:12

Ngyilemṙuma kopfo, oe amonyi, kyipfa ngyimkundi mnu.

Filemon 1:17

Kyasia kokooya ongyiwona inyi ngyiwoṙe iwaṙana na iyoe, ambilyia ichu kyimwi na inyi ngyimonyi.

2 Yohane 1:10

Mndu kacha na konyu, na oe aiende malosho-go-pfo, maa mulamwambilyie kanyi konyu, maa imwiṟikyiṟa.