2 Wakorinto 7:14 - Kivunjo New Testament 1999

¹⁴ Cha kyipfa kokooya ngyilekushela mbele yakye kyindonyi kyoose kyipfa kyanyu, ngyilewona sonu-pfo; indi chandu lulemmbia mbonyi tsoose kui wuloi, na wuṙo ikushela lyaṙu mbele ya Tito lyiwei lya loi.

2 Wakorinto 7:14 ပူးပေါင်းရင်းမြစ်များ

Yohane 17:19

Na kyipfa kyawo ngakuṙambika kopfo ngyikuṟundie, kundu nawo wakuṙambikye kopfo wakuṟundie, wailyisho nyi Ṙeṙo lyapfo lyii lya loi.

2 Wakorinto 10:8

Kyipfa maa ngakushela ngoseṟa kyitutu kyipfa kya wuchilyi woṙu (luleenengo nyi Ruwa, luiṙime imugoṟotsa maa chi imuolotsa-pfo), ngyerigo nyi sonu-pfo;

2 Wakorinto 12:6

Kyipfa kokooya ngyiwekundi ikushela ngyiwechiwa tondo-pfo, kyipfa ngyegamba loi. Kyaindi ngyekushela-pfo, kundu mndu alachengyitalyia ngoseṟa ya isho awonyi koko ang'u ishiicho koko.

2 Wakorinto 2:13

Ngyilewona sia mrimenyi koko-pfo, kyipfa ngyilewona mono-wama oko Tito-pfo, indi ngyilesamana nawo, ngafuma iyenda Makyedonia.

2 Wakorinto 7:13

Koikyo lulewiyiṟio moo. Lyingyi-se kyiiṙi kya iwiyiṟio moo lyaṙu lulechihiyo mnu ngoseṟa kyipfa kya sia ya Tito; kyipfa nyoe moose mulechihiṟa mrima okye.

2 Wakorinto 7:4

Ngyiwoṙe wukari wung'anyi konyu; ngyiwoṙo nyi ikushela lying'anyi kyipfa kyanyu. Ngyiichuo nyi iwiyiṟio moo, wukyiwenyi woṙu woose ngaichuo sia ya ngosera.

2 Wakorinto 7:6

Kyaindi Ruwa, ekyewiyiṟia wafofo moo, naleluwiyiṟia moo kui icha lya Tito.

2 Wakorinto 8:24

Kyasia waloṟenyi mbele ya siṟi wuloi wo ikunda lyanyu, na ikushela lyaṙu kyipfa kyanyu.

Waefeso 1:26

mṟasa muengyeṟe ikushela kyiiṙi kya Kristo kyipfa kyako, kyipfa kya ikaa lyako hamwi na nyoe-se.

2 Watesalonikye 1:4

Mṟasa na soe luwenyi lukushela kyipfa kyanyu siṟinyi tsa Ruwa kyipfa kya isimiria lyanyu, na iiṙikyia muwoṙe fowenyi tsanyu tsoose na wukyiwa wung'anyi muikarishia.