2 Wakorinto 6:9 - Kivunjo New Testament 1999

⁹ Cha walaichio, indi waichio mnu; cha waipfa, ate lukyeri na moo; cha waitoṟisho, indi walaiwoogo.

2 Wakorinto 6:9 ပူးပေါင်းရင်းမြစ်များ

Mawuto Ga Wasu 17:18

Na wandu waata wawekyelosha malosho ga Waepikureo na Wastoiko, wakagaluana na oe. Wengyi wakagamba, “Tondo-lyi lyikundi igamba kyi?” Wengyi wakagamba, “Nai cha mndu aionguo mbonyi tsa waruwa wengyi, cha kyipfa naweionguo mbonyi tsa Yesu na iṟutso lya wapfu.”

Mawuto Ga Wasu 19:26

Lyingyi-se muwonyi na iicho kye chi kyiiṙi kya Efeso tupu-pfo indi urukyenyi loose lo Asia taa, Paulo-cho nalelemba wandu wafoi na iilacha makusaṟo gawo, echigamba kye iwo wekyeachikyio kui mawoko chi waruwa-pfo.

Mawuto Ga Wasu 25:19

Indi wawewoṙe shindo shifoi walewesa kyipfa kyakye na kyipfa kya mwiṙikyie owo wawenyi, mbonyinyi tsa mndu umwi ekyelago Yesu, alekoampfa, ulya Paulo alegamba kye nai na moo.

Mawuto Ga Wasu 25:26

Na inyi mbonyinyi tsakye ngyilewona kyindo kya loi kyeṙikyia Kaisari-pfo. Koikyo ngamwende na iha mbele yanyu, maa mbele yapfo iyoe, mangyi Akyiṟipa, kundu lukomruwa-ruwa mbonyi tsakye ngyiwone kyindo kyeṟeia.

Waroma 15:19

kui pfinya tsa kyiṟingyishio na maṟiyisho, pfinyenyi tsa Mumuyo Mweele; mṟasa kyikawa wookyia Yerusalemu, na mṟasenyi mṟasa Ilyiriko, ngamwonguo Ndumi Ngyicha ya Kristo chandu kyiwaṟi.

Waroma 8:36

Chandu kyikyiṟeie kye, “Kyipfa kyapfo luiwoogo kyingoto puti, luwatale cha moondo geshinja.”

1 Wakorinto 11:32

Indi kyiyeri loanduyo, lotoṟisho nyi Mndumii, kundu nyashi ya Ruwa wawaṟi wandu wa wuyana ilacheluolokyia.

1 Wakorinto 15:31

Yee, wana wa wama, ikushela-lyi lyako ngyikyeri nalyo kyipfa kyanyu kyiiṙi kya Kristo Yesu Mndumii oṙu, ngyekyepfa orio mfiri.

1 Wakorinto 4:9

Kyipfa ngakusaṟa kye Ruwa nalelusambuṟa soe wasu mafurumionyi, cha wandu wawaanduye wawoogo; cha kyipfa lowa kyindo kyesetsa wandu; ko malaika na wandu.

2 Wakorinto 11:6

Kyaindi maa kokooya inyi nyi mndu alaichi iṙeṙa, ikyo chi mbaṟe yako wuṟangonyi-pfo, indi ko orio kyindo luleṟingyishio konyu.

2 Wakorinto 4:2

Kyaindi lulelega mbonyi tsa sonu tsikuṟiikyie, maa luichumia kui mtambo-pfo, maa isanza-sanza Ṙeṙo lya Ruwa na wongo, indi kui iṟingyishia loi lukuloṟa kye luwoṙe wusumganyi, kyilya mrima ya wandu iwonyi kye kyikyicha kyeluṟingyishia mbele ya Ruwa.

2 Wakorinto 5:11

Kyasia lukomanya iowuo Ruwa, lukuruo wandu; indi loṟingyishio mbele ya Ruwa. Na inyi ngyikusurie kye luwaṟingyishie mrimenyi konyu taa.