2 Wakorinto 6:8 - Kivunjo New Testament 1999

⁸ Kui kyiṟumi na sonu; kui iṙeṙo uwicho na iṙeṙo necha; cha wandu wailemba, indi lukyeri wandu wa loi.

2 Wakorinto 6:8 ပူးပေါင်းရင်းမြစ်များ

Matayo 10:25

Kyishikyie manalosho iwa cha mlosha okye, na kyisinga iwa cha mndumii okyo. Kokooya walelaga monyi kanyi Beelyisebulyi ngyesa chi ngoseṟa walya wai wa kanyi kokye-pfoe?”

Matayo 22:16

Wakaṙuma kokye wanalosho wawo hamwi na Maherodi, wakagamba, “Mlosha, luichi kye iyoe nyi mndu o loi, na njia ya Ruwa nokyeilosha kui wuloi, maa okyesaṟa rina lya mndu oose-pfo, cha kyipfa okyeambuya fana tsa wandu-pfo.

Matayo 27:63

wakagamba, “Mndumii, lokumbuo kye ulya ekyeṙeṙa wongo nalegamba kyiyeri-kyo awei na moo, ‘Numa ya mfiri iṟaṟu nechiṟuka!’

Mariko 12:14

Na kyiyeri waleafukyia walemmbia, “Mlosha, luichi kye iyoe nyi mndu o loi, maa okyesaṟa kyiṟumi kya mndu-pfo; cha kyipfa okyeambuya fana tsa wandu-pfo kyaindi kyiiṙi kya wuloi nokyelosha njia ya Ruwa. Ngyesa nyi sungusinyi ienenga Kaisari kodi ang'u ote?

Yohane 7:12

Kukowaṙa mnunuwo ifoi kyipfa kya Yesu kyiiṙi kya walya wawesanzie halya. Wengyi wakagamba, “Nyi mndu mcha.” Na wengyi wakagamba, “Chi wuṙo-pfo; nailemba walya wasanzie iha.”

Mawuto Ga Wasu 10:22

Wakagamba, “Mchilyi Korinelyio, mndu ulya msumganyi, aowuye na ikunda Ruwa, awoṙe kyiṟumi kyicha ko isanga lyoose lya Wayuda, nalewio nyi malaika mweele iṙuma wandu kopfo, wakuwie uyende kokye, kundu naicho kyilya okyelosha.”

Mawuto Ga Wasu 16:39

Wakacha wakawaterewa; na wamuwafumiṟie nja, wakawaterewa wawukye kulya mṟinyi.

Mawuto Ga Wasu 22:12

Kyasia mndu umwi, Anania, mndu akundi na iowuo Ruwa kui iosha mawawaso, aleṟingyishio wucha nyi Wayuda woose wawekyekaa pfo,

Mawuto Ga Wasu 24:5

Cha kyipfa lowona mndu-chu kye namlang'a, nekyewooka wuṟiingyi kyiiṙi kya Wayuda woose wuyanenyi; lyingyi-se nyi msongoru o mwiṙikyie o Wanasorayo.

Mawuto Ga Wasu 28:22

Kyaindi lukundi iicho chandu uwonyi iyoe; cha kyipfa mbonyi tsa wandu-wa iyoe ukyeri umwi owo kyimanyikyie koṙu kye tsiṙeṙe uwicho orio handu.”

Mawuto Ga Wasu 4:21

Nawo kyiyeri walemarisa iwaowesha-se wakawapfunguo, walawone kyindo kyewaenenga iwakapa, kyipfa kya iowuo wandu, cha kyipfa wandu woose waweṟumisha Ruwa kyipfa kya isho shilewutika;

Mawuto Ga Wasu 5:13

na kyiiṙi kya wandu woose kuwoṙe maa mndu umwi alekaria ioshana na wasu-pfo; indi wandu walewaṟumisha.

Mawuto Ga Wasu 6:3

Kyasia, wana wa wama, sambuṟenyi wandu mfungaaṙe kyiiṙi kyanyu, wawaṟingyishie kye wai wecha, waichuo Mumuyo, wawoṙe wuṟango, kundu luwaṙambikye iṟunda-lyi lyeambuya heleri;

Waroma 3:8

Kyitewe ny' kyi lulagambe (chandu luleirio, na chandu wengyi waigamba na pfinya kye kyi wuṙo luigamba), luwute shiwicho kundu kuche mecha? Ruwa nechiwaolotsia ngapo chandu wawaṟi iwutio.

2 Wakorinto 1:18

Kyaindi chandu Ruwa ai msimiri, ṙeṙo lyaṙu konyu chi “Yee” na “Ote-pfo.”

2 Wakorinto 11:21

Ngyiṙeṙa kui mbaṟe ya wufofo cha ilyi luwewafofo. Kyaindi kokooya mndu awoṙe wuṟango na wukari kyindonyi kyoose (ngyiṙeṙa kyitondo), maa inyi ngyiwoṙe wuṟango na wukari.

2 Wakorinto 12:16

Kyaindi kyikuwiie kuṙo, inyi ngyilewa ṟio konyu-pfo; indi nyoe muigamba kye kui iwa mṟango ngyilewawaṙa kui ngyeṟo.

2 Wakorinto 4:2

Kyaindi lulelega mbonyi tsa sonu tsikuṟiikyie, maa luichumia kui mtambo-pfo, maa isanza-sanza Ṙeṙo lya Ruwa na wongo, indi kui iṟingyishia loi lukuloṟa kye luwoṙe wusumganyi, kyilya mrima ya wandu iwonyi kye kyikyicha kyeluṟingyishia mbele ya Ruwa.

1 Watesalonikye 2:3

Cha kyipfa imterewa lyaṙu muambilyie ulogo lokyeonguo chi lya wuṙetsi, maa chi lya ukoe, maa lya ngyeṟo-pfo;

1 Timoteo 3:7

Lyingyi-se nawaṟi iṟingyishio wucha na wandu walya walakyeri poonyi lya walya waiṙikyie Yesu, kundu alachewuta shindo sha sonu na iwingo nyi Mokyiriinzi.

1 Timoteo 4:10

kye lokyekulyisa wukyiwa na itambagana kyipfa kya ikyo, na luwikyie ikusuria lyaṙu ko Ruwa ai na moo, akyeri Mkyiṟa o wandu woose, ngoseṟa o walya waiṙikyie.

Waebrania 13:13

Kyasia lufume luyende kokye nja ya handu wandu wekyekaa, na imino hamwi na oe.

1 Petiro 4:14

Mukowio kye mowuta shiwicho kyipfa kya rina lya Kristo nyi nanga; cha kyipfa Mumuyo o kyiṟumi na o Ruwa nakyeri na nyoe.

3 Yohane 1:12

Demetirio naṟingyishio nyi wandu woose, lyingyi-se na wuloi wulya wumonyi. Na soe taa loṟingyishia, na iyoe nuichi kye wuṟingyishi woṙu nyi loi.

Ulogo 3:9

Ngakuenenga wandu wafoi wakyeri wa sinagogi lya Satana, wekyegamba kye nyi Wayuda, nawo chi Wayuda-pfo, indi wekyeṙeṙa wongo. Ngyechiwaitika wachepfiria ndi maṙendenyi gapfo, na imanya kye ngakukunda.