2 Wakorinto 6:5 - Kivunjo New Testament 1999

⁵ Ngaponyi, shipfungonyi, wuṟiingyinyi, ilya wukyiwa, ilaa kyiṙombo, ikuretekyia.

2 Wakorinto 6:5 ပူးပေါင်းရင်းမြစ်များ

Matayo 14:10

Kaṙuma mndu, kaṙumbuo Yohane mṙoe kulya kyipfungonyi.

Matayo 14:3

Kyipfa Herode nalekoawaṙa Yohane, kampfunga, kammbika kyipfungonyi, kyipfa kya Herodia, mka o Filyipo mono-wamae.

Matayo 9:15

Yesu kawawia, “Wawalage wolyinyi weiṙima kuṙa ikapa ṟanyi kyiyeri monyi wolyi akyeri handu hamwi nawo? Kyaindi kochicha mfiri monyi wolyi echiwuto kowo, nyilyo wechikuretekyia.

Mawuto Ga Wasu 13:3

Naaho-ng'u wamkuretekyie na iterewa, wakawayekyia mawoko, wakawaṙuma.

Mawuto Ga Wasu 14:19

Kyaindi Wayuda wakacha wawuka Antiokyia na Ikonio, wakawanzia wuingyi wo wandu wawesanzie halya wakakapa Paulo na magoe, wakamkuruya nja ya mṟi, wakusaṟie kye ampfa.

Mawuto Ga Wasu 14:23

Na wamsambuṟe wameeku wa siṟi kulya siṟinyi, na iterewa hamwi na ikuretekyia, wakawawika mawokonyi ga Ruwa ulya wawemwiṙikyie.

Mawuto Ga Wasu 17:5

Na Wayuda wakawoṙo nyi wunyenyi, wakasania wandu wa mbocha, wakaende kyituṟu mṟinyi. Wakayenda ko wandu wa kanyi ko Yason, wakakunda iwaṙuo mbele ya wandu wa mṟi.

Mawuto Ga Wasu 20:31

Koikyo laenyi kyiṙombo, mochikumbuo kye maka iṟaṟu, kyio na kyingoto, ngyileṙa iṙeṙia orio umwi onyu, ngyechilya wukyiwa wung'anyi mnu-pfo.”

Mawuto Ga Wasu 23:10

Kyiyeri halewaṙa iluyana lying'anyi, asikari ulya o shiṙa kaowuo Paulo alachepaṟika kawi, kawia asikari wache wammbute halya ko pfinya, na imwitsa na moombonyi.

Mawuto Ga Wasu 23:35

kagamba, “Ngyechiicho kyindo ukundi igamba kyiyeri wechicha walya walekushitakyi.” Kagamba naringo akyeri numbenyi ya Herode ya wuchilyi.

Mawuto Ga Wasu 24:27

Na kyiyeri maka iwi ileiṙa Filekyisi kaambilyia Porikyio Festo nawaṙe wuchilyi handu ha Filekyisi. Na Filekyisi akundi Wayuda wamkunde kaṙa Paulo kyipfungonyi.

Mawuto Ga Wasu 26:10

na inyi ngawuta isho kulya Yerusalemu; ngyilewika wandu wafoi wa Ruwa kyipfungonyi, ngamwenengo momu na wang'anyi wa makohanyi, na kyiyeri walewoogo ngyilegamba nyi sungusinyi.

Mawuto Ga Wasu 26:29

Paulo kagaluo, kammbia, “Ngyiterewa Ruwa kye, kokooya nyi kui maṙeṙo maangu ang'u kui maṙeṙo gafoi, chi iyoe tupu-pfo indi na iwo woose waingyiaṙanyia inyi wawe cha inyi, kyaindi ngyiterewa mulawiko kyipfungonyi cha inyi.”

Mawuto Ga Wasu 28:30

Paulo kakaa kyiyeri kya maka iwi kulya numbenyi awekyekaa, kaambilyia wandu woose wawekyeyenda kokye,

Mawuto Ga Wasu 5:18

Wakawaṙa wasu walya wakawawika kyipfungonyi;

1 Wakorinto 15:10

Kyaindi kui isaṟia lya Ruwa ngawa kuṙi chandu ngyikyeri; na isaṟia lyikyeri koko chi wulya-pfo, indi ngyileengyeṟa mnu iṟunda kuta wo woose; maa chi inyi-pfo, indi nyi isaṟia lya Ruwa hamwi na inyi.

1 Wakorinto 4:11

Maa kyiyeri kya wulalu, luwoṙo nyi njaa na nyoṙa, lukyeri kyiṟanguoe, lukapo nzina, lyingyi-se luwoṙe kanyi-pfo.

1 Wakorinto 7:5

Maa mulaimane, sile kofia kyiyeri moiṙikyiana ko kyiyeri kyifuhi, kundu muwone ṙaawa lyeterewa Ruwa; mukooyane-se kyimmbiu, Satana alachemuyesha kyipfa kya iuṟa meena.

2 Wakorinto 11:27

Wukyiwenyi na matuuronyi; ilaa kyiṙombo kafoi; njaenyi na wuangarinyi; kyiiṙi kya ikuretekyia kafoi; mbehonyi na iṙio kyiṟanguoe.

Wafilyipi 3:1

Kyipfa kya ikyo inyi Paulo nyi mpfungo o Kristo Yesu kyipfa kyanyu nyoe wandu mulaiṙikyie Ruwa;

Waefeso 1:13

Kyipfa kya ikyo, maa asikari woose wekyeringa numba iya Kaisari ekyekaa ilyi ai maṟundenyi na wandu wengyi woose waichi kye inyi ngyikyeri kyipfungonyi kyipfa ngyii mṟundi o Kristo.

1 Watesalonikye 2:9

Kyipfa wana wa wama, mukumburie wukyiwa woṙu na iṟaisho lyaṙu; cha kyipfa kyingoto na kyio luleṟunda lulacheewa ṟio ko mndu o konyu oose, lukomuongoya kuṙo Ndumi Ngyicha ya Ruwa.

1 Timoteo 4:10

kye lokyekulyisa wukyiwa na itambagana kyipfa kya ikyo, na luwikyie ikusuria lyaṙu ko Ruwa ai na moo, akyeri Mkyiṟa o wandu woose, ngoseṟa o walya waiṙikyie.

2 Timoteo 1:8

Kyasia ularigo nyi sonu kyipfa kya iṟingyishia lyaṙu. Ularigo nyi sonu kyipfa kyako inyi mpfungo okye, indi ukarishie mawicho hamwi na inyi kyipfa kya Ndumi Ngyicha, iṙuana na pfinya ya Ruwa.

2 Timoteo 2:9

Na inyi kyiiṙi kyayo ngyiletuuro mṟasa ipfungo cha mndu awutie mawicho; kyaindi Ṙeṙo lya Ruwa lyekyepfungo-pfo.

2 Timoteo 4:5

Indi iyoe uwaṙe meena shindonyi shoose. Karishia mawicho, ṟunda iṟunda lyeonguo Ndumi Ngyicha, ṟunda kyilya kyikuwaṟi cha mṟundi o Ruwa.

Waebrania 11:36

Wengyi waleyesho kui imino na ikapo. Yee, kui shipfungo, na kui iwiko kyipfungonyi.

Waebrania 13:17

Indienyi walya wekyemusongoya, na iwapfereria; kyipfa wo wekyelaa kyiṙombo kyipfa kya mrima yanyu. Kyipfa wechiwia Ruwa mbonyi tsa wuṟundi wowo, kundu kye wawute kuṙo kui sia maa chi kui fowa-pfo; kyipfa kyiwechimuenenga nyoe kyiira-pfo.

Waebrania 13:23

Manyenyi kye mono-wama oṙu Timoteo ammbuto kyipfungonyi; ulya, kacha iwinyi, ngyechiwonana na nyoe hamwi na oe.

Ulogo 2:10

Ulaowuoe shindo shechikukooya. Manya kye Mokyiriinzi-cho nechiṟukucha wengyi kyiiṙi kyanyu kyipfungonyi kundu muyesho, na nyoe mochilya wukyiwa mfiri ikumi. Uwe msimiri mṟasa ipfa, na inyi ngyechikuenenga oṟo ya moo.