2 Wakorinto 6:4 - Kivunjo New Testament 1999

⁴ Indi orio kyindonyi luiwuta luwone kyiṟumi kyicha, cha waṟundi wa Ruwa; kui wusimiri wung'anyi, wukyiwenyi, fowenyi, matuuronyi.

2 Wakorinto 6:4 ပူးပေါင်းရင်းမြစ်များ

Luka 21:19

Na nyoe kui wusimiri wonyu mochikyiṟa mrima yanyu.”

Yohane 16:33

Isho ngammbia muiṙime iwaṙa ufoṟo muwaṙanyi na inyi. Kunu wuyanenyi muwoṙe fowa; kyaindi kuwanzenyi; inyi ngyilewinga wuyana.”

Mawuto Ga Wasu 2:22

“Nyoe wasoṟo wa Isiraelyi, aṙanyienyi mbonyi-tsi: Yesu awukyie Nasareti, mndu Ruwa alemloṟa konyu kui ṟigo na shindo sheṟiyisha, Ruwa aletsiwuta amonyi, chandu nyoe muichi.

Mawuto Ga Wasu 20:34

Nyoe muichi kye ngyileṟunda kui mawoko gako ngawona kyengyitarama hamwi na walya wawekyeri hamwi na inyi.

Mawuto Ga Wasu 9:16

Kyipfa ngyechimloṟa chandu echilyiso ngyuukyiwa tsifoi kyipfa kya iongoya wandu wengyi mbonyi tsako kundu wangyimanye.”

Waroma 14:18

Kyipfa ulya aiṟundia Kristo mbonyi-tso tsekyechihiṟa Ruwa, na lyingyi-se nekyeiṙikyio nyi wandu.

Waroma 16:10

Ngyiiṟikyiṟienyi Apele, amwiṙikyie kyiiṙi kya Kristo. Ngyiiṟikyiṟienyi wandu wa kanyi ko Aristobulo.

Waroma 3:5

Kyaindi kokooya wuwicho woṙu wuṟingyishia wusumganyi wo Ruwa, lugambe kyikyi? Ruwa nyi mmbicho aiende nyashi? (Ngyigamba kui mbaṟe ya kyimndu.)

Waroma 5:8

Indi Ruwa naloṟa ikunda lyakye oe amonyi koṙu soe, kyipfa Kristo nalepfa kyipfa kyaṙu, kyiyeri luwei wanyamaṟi.

1 Wakorinto 3:5

Kyasia Apolo nyi wui? Na Paulo nyi wui? Nyi waṟundi walya kui wo muleiṙikyia Ruwa na orio mndu chandu Ruwa alemuenenga wuiṙimi.

1 Wakorinto 4:1

Mndu naluwone kye lukyeri waṟundi wa Kristo, na wandu Ruwa awaenengyie iṟunda lyeonguo wuloi wokye wukuṟiikyie.

1 Wakorinto 9:11

Kokooya soe lulemuṙongyia shindo sha kyimrima, ngyesa nyi kyindo kying'anyi lukosambuo shindo shanyu sha kyimmbiu?

2 Wakorinto 11:23

Wo nyi waṟundi wa Kristo? (Ngyiṙeṙa cha msuko), inyi nyi ngoseṟa. Wukyiwenyi nyi ngoseṟa mnu; shipfungonyi nyi ngoseṟa mnu; kyiiṙi kya ikapo nyi ngoseṟa na kuta; kyiiṙi kya ikyia upfu kyiyeri kyileshi.

2 Wakorinto 11:27

Wukyiwenyi na matuuronyi; ilaa kyiṙombo kafoi; njaenyi na wuangarinyi; kyiiṙi kya ikuretekyia kafoi; mbehonyi na iṙio kyiṟanguoe.

2 Wakorinto 11:9

Na inyi kyiyeri ngyiwekyeri hamwi na nyoe na ipfula kyindo kyengyitarama, ngyilewa ṟio ko mndu-pfo. Kyipfa wana wa wama walewuka Makyedonia walengyienenga orio kyindo ngyiwekundi; na inyi mbonyinyi tsoose ngyilekuringa ngyilacheewa ṟio konyu maa ale. Lyingyi-se ngyekuringa.

2 Wakorinto 12:10

Koikyo ngyichihiṟo nyi wufofo, shilahio, ngyuukyiwa tsa orio mbaṟe, kyipfa kya Kristo. Kyipfa kyiyeri ngyikyeri mfofo nyi lyo-ndu ngyiwoṙe pfinya.

2 Wakorinto 12:12

Nyi loi shiṟingyishio shekyeoshana na wasu shileṟundika konyu kui wusimiri woose, kui shiṟingyishio na maṟiyisho na ṟigo.

2 Wakorinto 2:17

Cha kyipfa soe chi kyimwi na wandu wafoi wekyekapa mbucha na ulogo lo Ruwa-pfo. Soe luonguo ulogo lo Ruwa kui wuwaṙami wo mrima cha wandu waleṙumo nyi Ruwa, luwalungye na Kristo.

2 Wakorinto 3:6

Na oe nyi oe alelutarama iwa waṟundi wa mma mhya; chi wa kyiṟeio-pfo, indi wa Mumuyo; cha kyipfa kyiṟeio kyekyewaaga, indi Mumuyo okyekyiṟa.

2 Wakorinto 4:17

Kyipfa matuuro gaṙu gai maangu, gakyeri ga kyiyeri kyifuhi tikyi, gekyeluwutia mng'ano o mlungana uingyikyie mnu.

2 Wakorinto 4:2

Kyaindi lulelega mbonyi tsa sonu tsikuṟiikyie, maa luichumia kui mtambo-pfo, maa isanza-sanza Ṙeṙo lya Ruwa na wongo, indi kui iṟingyishia loi lukuloṟa kye luwoṙe wusumganyi, kyilya mrima ya wandu iwonyi kye kyikyicha kyeluṟingyishia mbele ya Ruwa.

2 Wakorinto 4:8

Ngyuura tsoose luilya wukyiwa, indi luiwingo-pfo; lukapa kawi, indi luiloṟa lupfiiyo nyi mṙoe-pfo.

2 Wakorinto 7:11

Wulalu moiṙima iwona kyindo kyekyeendo nyi iwona fowa chandu Ruwa akundi. Nyoe moiṙima wulalu iwa wandu wawoṙe ipfuṟukana, wawoṙe kyindo kyegamba. Mokyeṙumbuko nyi maṙima na iowuo; mokyepfuṟukana na iwona kye kya wusumganyi kyiṟundo. Nyoe moloṟa na pata kye muwoṙe ṙeko kyiiṙi kya ikyi ngyigamba-pfo.

Wakolosai 1:11

Mochitaramo kui wuiṙimi woose, iṙuana na pfinya ya mng'ano okye, muiṙime iwaṙa wusimiri wo orio mbaṟe na ikarishia hamwi na ichihiyo.

Wakolosai 1:24

Wulalu ngyimchihiye kyipfa kya matuuro ngyiwoṙe kyipfa kyanyu. Lyingyi-se ngyiafutsia mmbiunyi koko shilya shilaleafutsio sha matuuro ga Kristo, kyipfa kya mmbiu okye, kyimwi na igamba kye nyi Siṟi yakye.

1 Watesalonikye 3:7

Kyipfa kya ikyo, wana wa wama, mbonyi tsanyu tsileluwiyiṟia moo, ngyuukyiwenyi tsaṙu tsoose, kui iiṙikyia lyanyu.

1 Watesalonikye 5:14

Wana wa wama, lomuterewa, ṙeṙienyi walya walawoṙe wuyendelyi wucha; karishenyi wafofo, iṟichenyi wafafa; karishienyi wandu woose.

1 Timoteo 2:15

Kyaindi mndu mka nechikyiṟo kui iwaṙa wana, kokooya awaṙa iiṙikyia Yesu na ikunda na iilyisho, hamwi na mrima uwoṙe meena.

1 Timoteo 4:6

Ukumbuṟe wandu shindo-sho, na iyoe nochiwa mṟundi mcha o Kristo Yesu, na mndu uichiwie mbonyi tsa iiṙikyia, na malosho mecha galya uleosha.

1 Timoteo 6:11

Indi iyoe mndu o Ruwa, uṙiche shindo-sho; uoshe wusumganyi, iowuo na ikunda Ruwa, iiṙikyia, ikunda, wusimiri, na wuhoo.

2 Timoteo 1:8

Kyasia ularigo nyi sonu kyipfa kya iṟingyishia lyaṙu. Ularigo nyi sonu kyipfa kyako inyi mpfungo okye, indi ukarishie mawicho hamwi na inyi kyipfa kya Ndumi Ngyicha, iṙuana na pfinya ya Ruwa.

2 Timoteo 2:24

Lyingyi-se kyiwaṟi mṟundi o Mndumii iwa mndu moluyana-pfo; indi iwa muoloru ko wandu woose, eiṙima ilosha, aichi ikarishia;

2 Timoteo 4:5

Indi iyoe uwaṙe meena shindonyi shoose. Karishia mawicho, ṟunda iṟunda lyeonguo Ndumi Ngyicha, ṟunda kyilya kyikuwaṟi cha mṟundi o Ruwa.

Waebrania 12:1

Kyasia na soe taa, cha kyipfa luwaiṟiwie nyi waṟingyishi wafoi mbaṟe-i, luwikyie mbai orio ṟio lyilemeri, na wunyamaṟi wulya wokyeluwaṙa tapu. Lupfuṟukane kui wusimiri kulya iṟundenyi lyilyiṙambikye koṙu,

Ulogo 1:9

Inyi Yohane, mono-wama onyu ekyelya wukyiwa hamwi na nyoe, na Wumangyi na iweṙelyia Yesu Kristo, ngyiwekyeri kyiṟingyitinyi kyekyelago Patimo, kyipfa ngyilekongaonguo Ṙeṙo lya Ruwa na wuṟingyishi wuleloṟo nyi Yesu.

Ulogo 3:10

Cha kyipfa noosha mawawaso gako ga ikarishia, inyi ngyechikuringa, ulekane na kyiyeri kyilya kya iyesho kyikyiṟeyeṟe icha na wuyanenyi, iyesha walya wekyekaa urukyenyi.