2 Wakorinto 6:16 - Kivunjo New Testament 1999

¹⁶ Lyingyi-se hawoṙe iiṙikyiana lya mbaṟe iha kyiiṙi kya hekalu lya Ruwa na ifano? Cha kyipfa soe nyi hekalu lya Ruwa akyeri na moo; chandu Ruwa alegamba kye, “Ngyechikaa mrimenyi kowo na ichumia kyiiṙi kyawo na inyi ngyewa Ruwa owo, nawo wechiwa wandu wako.”

2 Wakorinto 6:16 ပူးပေါင်းရင်းမြစ်များ

Matayo 16:16

Simion Petiro kagaluo, kagamba, “Iyoe nyi oe Kristo, Mono-Ruwa ai na moo mlungana.”

Matayo 6:24

“Kuwoṙe mndu echiiṙima iṟundia wandumii wawi-pfo; cha kyipfa nechisuo ichu, na ikunda ichu; ang'u nechikuwaṙa na ichu na imina ichu. Moiṙima iṟundia Ruwa na masaa-pfo.

Luka 5:36

Kawawia mfano, “Kuwoṙe mndu ekyewika kyiṙami kya nguwo ngihya nguwonyi ngyiku-pfo. Na kokooya awika naṙumbuo iya ngyihya, na kyiṙami kya nguwo iya ngyihya kyechiwa cha kyilya kyiku-pfo.

Yohane 14:23

Yesu kagaluo, kammbia, “Mndu kangyikunda nechiosha kyilya malosho gako gakundi; na Awu oko nechimkunda; na soe lochicha na kokye, na iwika kyiṟaṟo kokye.

Yohane 6:56

Mndu alya mmbiu oko na inyo samu yako nekyekaa kyiiṙi kyako na inyi ngyekyekaa kyiiṙi kyakye.

Waroma 8:11

Kyaindi kokooya Mumuyo okye ulya aleṟutsa Yesu ko wapfu nakyeri mrimenyi konyu, ulya aleṟutsa Kristo Yesu ko wapfu naiṟutsa na mmbiu yanyu ikyeri mbaṟenyi ya ipfa, kui Mumuyo okye akyeri mrimenyi konyu.

Waroma 8:9

Kyaindi kokooya Mumuyo o Ruwa nakyeri mrimenyi konyu, nyoe muiosha mmbiu-pfo; indi muiosha Mumuyo. Kyaindi kokooya mndu oose alawoṙe Mumuyo o Kristo, icho chi okye-pfo.

Waroma 9:26

Lyingyi-se kyechiwa handu halya walewio, nyoe chi wandu wako-pfo, iho welago wana wa Ruwa ai na moo.”

1 Wakorinto 10:21

Moiṙima inyo kyindo iwuka kyiṙoonyi kya Mndumii na kyiṙoonyi kya waṟufui wa Satana-pfo.

1 Wakorinto 6:19

Ang'u muichi kye mmbiu yanyu nyi hekalu lya Mumuyo Mweele akyeri mrimenyi konyu, muleenengo nyi Ruwa-pfoe? Maa nyoe chi masaa ganyu muwenyi-pfo;

Wafilyipi 2:20

Muwawikye urendenyi lo wasu na weonguo shisuku, na Kristo Yesu amonyi nyi igoe lying'anyi lya ndumbenyi.

Wafilyipi 2:22

Kyiiṙi kyakye nyoe muwawikye handu hamwi ikaa kanyi ko Ruwa Mumuyonyi.

Wafilyipi 3:17

Kristo nakae mrimenyi konyu kui iiṙikyia, muwakarishe ikundenyi.

1 Timoteo 3:15

Kyaindi ngakyelyio, umanye chandu kyiwaṟi wandu iwuta kyiyeri-kyo wakyeri numbenyi ya Ruwa, ikyeri Siṟi ya Mndumii ai na moo, ngoe na urende lo loi.

2 Timoteo 1:14

Ringa kyindo kyilya kyicha kui Mumuyo Mweele ekyekaa mrimenyi koṙu.

Waebrania 3:6

indi Kristo, cha mana ekyechilyia numba ya Ruwa; ulya numba yakye ikyeri nyi soe, kokooya loengyeṟa iwaṙa wuṟango na wukari na ikushela lya iweṙelyia lyaṙu mṟasa mafurumionyi.

Waebrania 8:10

Kyipfa ichu nyicho mma ngyechiwika na wandu wa Isiraelyi numa ya mfiri iya, Ruwa nagamba, ‘Ngyechiwika mawawaso gako makusaṟonyi gawo, na ngyechigaṟeia mrimenyi kowo. Na inyi ngyechiwa Ruwa kowo, nawo wechiwa wandu wako.’

Yakobo 4:5

Ang'u mokusaṟa kye shiṟeio shiṙeṙa wulya? Mumuyo-cho ekyekaa mrimenyi koṙu chi nekyelulanga mṟasa iluwaṙia wunyeng'i-pfoe?

1 Petiro 2:5

Na nyoe, cha magoe Ruwa agaenengyie moo, muwawikye muwe numba ya Mumuyo, wukohanyi wuele, muwute shiṙaso sha mrima, shichihiṟie Ruwa, kui njia ya Yesu Kristo.

1 Yohane 4:12

Kuwoṙe mndu alemmbona Ruwa kyiyeri kyoose-pfo. Lukokundana, Ruwa nekyekaa mrimenyi koṙu, na ikunda lyakye lying'anyi mnu mrimenyi koṙu.

1 Yohane 4:15

Orio mndu aiṙikyie kye Yesu nyi Mono-Ruwa, Ruwa nekyekaa kokye, na oe nekyekaa ko Ruwa.

Ulogo 2:1

“Ko malaika o siṟi ikyeri Efeso ṟeia: ‘Ishi nyisho agamba ulya awoṙe nyenyeri-tso mfungaaṙe kuwokonyi kokye ko kulyoe, ulya ekyechumia ipfo shindonyi mfungaaṙe sha sahapu.

Ulogo 21:3

Ngaicho ṟui lying'anyi iwuka kyiṙinyi kya mng'ano lyechigamba, “Handu ha Ruwa hekaa nyi hamwi na wandu, na oe nechikaa handu hamwi nawo, nawo wechiwa wandu wakye na oe nechiwa Ruwa owo.

Ulogo 21:7

Ulya mowinga nechioṟa ishi, na inyi ngyechiwa Ruwa okye, na oe nechiwa mono-ko.