2 Wakorinto 6:10 - Kivunjo New Testament 1999

¹⁰ Cha wandu wawoṙo nyi fowa, indi mfiri yoose luwoṙe sia; cha wakyiwa indi lochiiritsa wafoi; cha walawoṙe kyindo, indi luwoṙe shido shoose.

2 Wakorinto 6:10 ပူးပေါင်းရင်းမြစ်များ

Matayo 5:12

Chihiyonyi, na ikyesa; kyipfa wori wonyu nyi wung'anyi ruwewu. Kyipfa nyi wuṙo walepfulutsa nyashi weonguo shisuku walemusongoya nyoe.”

Matayo 5:4

Wagusu iwo wawasokyie nyi fowa; kyipfa iwo wechiwiyiṟio moo.

Luka 6:21

Wagusu nyoe muwoṙo nyi njaa wulalu, kyipfa mochiiguṙa. Wagusu nyoe muifiiṟa wulalu, kyipfa mochiseka.”

Yohane 16:22

Kyasia nyoe wulalu muwoṙo nyi fowa; kyaindi inyi ngyechimmbona-se; na mrima yanyu yechichihiyo, na sia yanyu kuwoṙe mndu echimusoka-pfo.

Mawuto Ga Wasu 16:25

Kyaindi kyiyeri kya kyio kya mayeleyele Paulo na Sila waweiterewa Ruwa na imwimbia shiimbo sha imṟumisha, na wandu wengyi wawewawikye kulya kyipfungonyi waweiwaaṙanyia.

Mawuto Ga Wasu 3:6

Kyaindi Petiro kagamba, “Inyi ngyiwoṙe heleri, maa sahapu-pfo, indi kyilya ngyiwoṙe ny'kyo ngyikuenenga. Ko rina lya Yesu Kristo awukyie Nasareti, goṟoka uyende.”

Mawuto Ga Wasu 5:41

Nawo wakawuka halya mengyenyi, wechihiyo cha kyipfa watalo kye wawaṟi isutso kyipfa kya Rina lya Yesu.

Waroma 11:12

Kyasia, kokooya ṙeko lyawo lyawa nyi wunjama wo wuyana, na wufofo wowo wo kyimrima wuleende mboṟa ing'anyi ko wandu wa masanga wengyi, ngyesa kyechiwa ngoseṟa iafutsia lyawo-pfoe?

Waroma 12:15

Chihiyonyi hamwi na iwo waichihiyo; fiiṟenyi hamwi na walya waifiiṟa.

Waroma 15:13

Kyasia-ng'u Ruwa mokusuria namuichuṟe nyoe sia yoose na ufoṟo iiṙikyienyi, kundu muengyeṟikye mnu iwaṙa ikusuria, pfinyenyi tsa Mumuyo Mweele.

Waroma 8:32

Ulya alalelekyia Mono-kye amonyi, indi kammbuta kyipfa kyaṙu soe loose nechilemo kuṙa iluenenga necha shindo shoose hamwi na oe?

Waroma 9:2

kye ngyiwoṙo nyi fowa ing'anyi na mawawio galekyesia mrimenyi koko.

1 Wakorinto 1:5

Kyipfa kyiiṙi kya orio kyindo mulewa wanjama kyiiṙi kyakye, mbonyinyi tsoose, na wuṟangonyi woose.

2 Wakorinto 2:4

Ngyilemuṟeia paruo kui mcheṟeṟe ifoi na mrima uwoṙe fowa na ikuinyṙia lying'anyi. Chi kye muwaṙe ikuinaṙia-pfo, indi muiṙime imanya ikunda lyako konyu chandu lying'anyi.

2 Wakorinto 4:15

Cha kyipfa mbonyi tsoose nyi kyipfa kyanyu, kundu isaṟia-lyo lyikaengyeṟika mnu, ko iwo wakyeri wafoi kyiano kyiengyeṟikye, na Ruwa nang'anyiso.

2 Wakorinto 4:7

Kyaindi luwoṙe wunjama-wu shindonyi sha teri, kundu pfinya ing'anyi ya wuiṙimi iwe ko Ruwa, maa chi iwuka koṙu-pfo.

2 Wakorinto 8:9

Kyipfa mommanya isaṟia lya Mndumii oṙu Yesu Kristo, maa chandu awekyeri mnjama, kyipfa kyanyu, nalewa mkyiwa kundu nyoe muiṙime iwa wanjama kui wufofo wokye.

Wafilyipi 3:16

Namutarame, iṙuana na wunjama wo mng'ano okye, ikarisha kui pfinya, kui iṟunda lya Mumuyo okye, naengyeṟe imukarisha.

Wafilyipi 3:8

Inyi, ngyikyeri mtutu kuta ulya akyeri mtutu o wandu wa Ruwa woose, ngyileenengo isaṟia-lyi lyeongoya wandu walaiṙikyie Ruwa wunjama wo Kristo wulekyeiṙima iyeṟo;

Waefeso 2:17

Yee, maa kokooya ngyechiwoogo na kuṙo ngyiwe cha samu yawuto iwe kyiṙaso kyilya iiṙikyia lyanyu lyekyeenenga Ruwa. Ngachihiyo; lyingyi-se ngachihiyo hamwi na nyoe moose.

Waefeso 4:4

Chihiyonyi kyiiṙi kya Mndumii mfiri yoose; lyingyi-se ngagamba, chihiyonyi.

Wakolosai 1:24

Wulalu ngyimchihiye kyipfa kya matuuro ngyiwoṙe kyipfa kyanyu. Lyingyi-se ngyiafutsia mmbiunyi koko shilya shilaleafutsio sha matuuro ga Kristo, kyipfa kya mmbiu okye, kyimwi na igamba kye nyi Siṟi yakye.

Wakolosai 3:16

Ṙeṙo lya Kristo lyiingyikye mrimenyi konyu na wuṟangonyi woose, mochiloshana na itutumana kui shiimbo, na shiimbo shetembecheṟa mrima; kunu mochiimbia Ruwa kui iana mrimenyi konyu.

1 Watesalonikye 1:6

Na nyoe mukoluosha na iosha Mndumii, momuambilyie Ṙeṙo lya Ruwa kyiiṙi kya ilya wukyiwa, hamwi na sia ya Mumuyo Mweele.

1 Watesalonikye 5:16

Chihiyonyi mfiri yoose;

1 Timoteo 4:8

Cha kyipfa ikuichiwiṟa iwaṙa pfinya tsa mmbiu kuwoṙe kyiira kyitutu, kyaindi iowuo na ikunda Ruwa shindonyi shoose nyi kyindo kyicha. Kyimwi na igamba, nuwoṙe kyiteṟio kya moo o wulalu, na ulya ochikouipfo mfiri-yo iicha.

1 Timoteo 6:18

Wawute shindo shicha, wawe wanjama kui iwuta wucha, waenengyie masaa gawo, wakae na wandu wengyi kui mrima;

Waebrania 10:34

Kyipfa mulewonia wukyiwa walya wawewapfungye. Lyingyi-se mukoiṙikyia kui sia isoko masaa ganyu, muichi kye mrimenyi konyu kuwoṙe masaa gai mecha ngoseṟa, galekyesia.

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”

1 Petiro 4:13

Kyaindi chandu mulelya wukyiwa wo Kristo, chihiyonyi; kundu na kyiyeri kyiṟumi kyakye kyechiloṟo muchihiyo kui ikapa ngulyilyi na ngoru.

Ulogo 2:9

Ngyiichi wukyiwa wopfo na wufofo wopfo (kyaindi nui mnjama.) Ngyiichi na shilahio sha walya wekyegamba kye nyi Wayuda, nawo chi Wayuda-pfo, indi nyi sinagogi lya Satana.

Ulogo 21:7

Ulya mowinga nechioṟa ishi, na inyi ngyechiwa Ruwa okye, na oe nechiwa mono-ko.