2 Wakorinto 6:1 - Kivunjo New Testament 1999

¹ Na soe lukoṟunda handu hamwi na oe lumuterewa maa mulaambilyie isaṟia lya Ruwa wulya.

2 Wakorinto 6:1 ပူးပေါင်းရင်းမြစ်များ

Matayo 23:37

“Iyoe Yerusalemu, Yerusalemu, uiwaaga weonguo shisuku na ikapa na magoe walya wawaṙume kopfo! Nyi kyenga ngyilekunda ikusania hamwi na wana wapfo, chandu nguku yekyesania handu hamwi maalea gayo wanda ya makungo gayo, kyaindi mulekunda-pfo?

Mawuto Ga Wasu 11:23

Na oe, amshikye na iwona isaṟia lya Ruwa kachihiyo, katerewa wandu woose waoshane na Mndumii kui iiṙikyia lyiwukyie mrimenyi.

Mawuto Ga Wasu 14:3

Kyasia wakakaa pfo kyiyeri kyileshi, wechiṙeṙa kulawoṙe wuowu mbonyi tsa Mndumii, aleṟingyishia Ṙeṙo lya isaṟia lyakye, echiwasaṟia ṟigo na shindo sha maṟiyisho shiwutikye kui shilya aweiwuta.

Waroma 12:1

Kyasia, wana wa wama wako, ngyimuterewa, kui ihooṟia lya Ruwa, wutenyi mmbiu yanyu iwe kyiṙaso kyiwoṙe moo, kyiele, kyechihiṟa Ruwa, ilyi nyilyo iindia na iterewa Ruwa lyilyicha na lya loi.

1 Wakorinto 3:9

Kyipfa soe lukyeri waṟundi hamwi na Ruwa; nyoe nyi ṙema lya Ruwa, nyi numba ya Ruwa.

2 Wakorinto 10:1

Kyasia, inyi Paulo ngyimonyi ngyimuterewa kui wuhoo na wuyendelyi wo Kristo, inyi ngyikyeri msimiri ngyikyeri hamwi na nyoe, indi ngyilakyeri ho ngyiwoṙe wuṟango na wukari konyu.

Wagalatia 2:21

Ngyikundi iwiyitsa kuleshi ikunda lya Ruwa ko wandu-pfo; kyipfa kokooya wusumganyi wokyewono kui njia ya mawawaso, kyasia Kristo nalepfa wulya.

Wagalatia 3:4

Ngyesa molya wukyiwa wung'anyi kuṙi wulya? Loi chi wulya-pfo. Kyilya kyilemmbutikyia kyiwaṟi imuenenga ikusaṟa chandu kyiweng'anyi.

1 Watesalonikye 3:5

Koikyo na inyi kyiyeri ngyilaleiṙima ikarishia-se, ngyileṙuma mndu kundu ngyimanye iiṙikyia lyanyu, Satana alache namuyeshe, na ilya wukyiwa lyanyu lyikawa lyiwoṙe kyiira-pfo.

Tito 2:11

Kyipfa isaṟia lya Ruwa lyekyekyiṟa wandu woose lyamloṟo.

Waebrania 12:15

mochiambuya mnu mndu alauṟe isaṟia lya Ruwa. Na mndu oose alawe cha iṟa lyekyewawa, namulyise nyoe wukyiwa na ifanyiṟa mkaṟo ya wandu.

Waebrania 12:25

Ambuyenyi mulalege ulya ekyeonguo. Kyipfa kokooya walalekyia walya walelega ulya alewaikyimbia urukyenyi, ngoseṟa mnu lochikyia soe lukokushowa na ulya ekyeluikyimbia ai ruwewu-pfo.

Waebrania 4:1

Kyasia, kokooya kuwoṙe kyaasa kya iiṙa na handu ha Ruwa heonyonyia, luowuoe, maa umwi oṙu alechewono kye nawuṟa kyaasa-kyo.

1 Petiro 4:10

orio umwi iṙuana na chandu aleambilyia kyisumbo, ṟundianenyi nakyo; cha waringyi wecha wa isaṟia lya mbaṟe tsifoi lya Ruwa.