2 Wakorinto 5:9 - Kivunjo New Testament 1999

⁹ Koikyo-se, kokooya lukyeri iha ang'u lukyeri iha-pfo, luipfuṟukana imchihiṟa oe.

2 Wakorinto 5:9 ပူးပေါင်းရင်းမြစ်များ

Yohane 6:27

Mulapfuṟukane ipfula kyelya kyekyenyamaṟika, indi pfulenyi kyelya kyilekyesia kyekyeende moo o mlungana; kyelya kyilya Mana o Adamu echimuenenga cha kyipfa icho nyi oe aṟingyishio nyi Ruwa kye nyi o sungusinyi.”

Mawuto Ga Wasu 10:35

indi kyiiṙi kya orio isanga mndu ekyeindia Ruwa na iwuta sha sungusinyi Ruwa nekyemwiṙikyia.

Waroma 14:18

Kyipfa ulya aiṟundia Kristo mbonyi-tso tsekyechihiṟa Ruwa, na lyingyi-se nekyeiṙikyio nyi wandu.

Waroma 14:8

Cha kyipfa kokooya lokaa na moo, lui na moo kyiiṙi kya Mndumii, ang'u kokooya lopfa, lopfa ko Mndumii. Kyasia kokooya lokaa na moo ang'u kokooya lopfa, soe nyi masaa ga Mndumii.

Waroma 15:20

Na wuṙo-se ngyechitambagana ionguo Ndumi Ngyicha, ngyilaonguo handu rina lya Kristo lyammarise igambo, ngyilachewika numba wuye ya mndu ungyi.

1 Wakorinto 15:58

Kyasia, wana wa wama wakunde, kuwanzenyi, mulalolome, muengyeṟe mnu iṟundia Mndumii mfiri yoose, cha kyipfa muichi kye iṟunda lyanyu chi wulya kyiiṙi kya Mndumii-pfo.

2 Wakorinto 5:6

Kyasia mfiri yoose luwoṙe wukari; lyingyi-se luichi kye, kyiyeri lukyeri iha na mmbiu-chu, lukyeri kuleshi na Mndumii.

2 Wakorinto 5:8

Kyaindi luwoṙe mrima ngyikarishe; na soe luwonyi nyi nanga ilekana na mmbiu-i na ikaa hamwi na Mndumii.

Wafilyipi 1:6

Mng'ano o isaṟia lyakye uṟumisho, alelusaṟia kyiiṙi kya icho Mkunde.

Wakolosai 1:10

Mukae chandu Mndumii akundi, mochimchihiṟa piu; mochikumbia ndunda kui orio iṟunda lyicha, na iengyeṟika wuṟangonyi wo Ruwa.

Wakolosai 1:29

Na inyi ngyikuwinisha kui kyindo-kyo ikyo, ngyechipfuṟukana iṙuana na pfinya ing'anyi iwukyie ko Kristo, ekyeṟunda kyiiṙi kyako.

1 Watesalonikye 4:1

Kyatsugaa ho, wana wa wama, luimuterewa na imuikyimbia kye muwaṙe mkaṟo iṙuṙanyi na shilya Mndumii Yesu akundi; chandu mulewona na ishiicho koṙu nyi wuṙo muwaṟi iwuta muchihiṟe Ruwa; chandu mokyewuta, wutenyi kuṙo na ngoseṟa.

1 Watesalonikye 4:11

Lyingyi-se mutambagane iṙa iṙicha-ṙicha, na iṟunda maṟunda ganyu, na iṟunda kui mawoko ganyu muwenyi, chandu lulemmbia;

1 Timoteo 4:10

kye lokyekulyisa wukyiwa na itambagana kyipfa kya ikyo, na luwikyie ikusuria lyaṙu ko Ruwa ai na moo, akyeri Mkyiṟa o wandu woose, ngoseṟa o walya waiṙikyie.

Waebrania 12:28

Kyasia, cha kyipfa luiambilyia Wumangyi wulechiiṙima iṙeṙemsho, luwaṙe isaṟia, lyilya kyipfa kya ikyo luterewe Ruwa na imwindia kui njia yechimchihiṟa, hamwi na wupfereri na wuowu;

Waebrania 4:11

Kyasia, lupfuṟukane iiṙa na kyiiṙi kya sia-yo, kundu kye mndu oose alacheoloka cha wandu-wo walaleindia Ruwa.

2 Petiro 3:14

Koikyo, wakunde, kyipfa muiweṙelyia mbonyi-tso, pfuṟukanenyi kundu muwono ufoṟonyi kye muwoṙe ṙeko maa sonu mbele yakye-pfo.