2 Wakorinto 5:20 - Kivunjo New Testament 1999

²⁰ Kyasia soe luiṙeṙa handu ha Kristo, cha ilyi Ruwa naiterewa kui maṙumbu gaṙu, lumuterewa nyoe kyipfa kya Kristo musanzo na Ruwa.

2 Wakorinto 5:20 ပူးပေါင်းရင်းမြစ်များ

Luka 10:16

Momuaṙanyia nyoe, nangyiaṙanyia inyi; na amulega nyoe nangyilega inyi; na angyilega inyi nalega ulya alengyiṙuma.”

Luka 14:23

Mndumii kawia mṟundi, ‘Fuma na nja uyende mtandaṟenyi na mṟasenyi, undewaitika iiṙa na numba, numba yako iiṙime iichuo.

Yohane 20:21

Yesu kawawia-se “Ufoṟo lukae konyu. Chandu Awu alengyiṙuma inyi, na inyi ngyimṙuma nyoe.”

Waroma 5:10

Cha kyipfa kokooya kyiyeri luwewoṙe kyituwa na Ruwa lulesanzo kui upfu lo Mono-kye; ngoseṟa mnu lukomsanzo lochikyiṟo kui moo okye.

2 Wakorinto 12:10

Koikyo ngyichihiṟo nyi wufofo, shilahio, ngyuukyiwa tsa orio mbaṟe, kyipfa kya Kristo. Kyipfa kyiyeri ngyikyeri mfofo nyi lyo-ndu ngyiwoṙe pfinya.

2 Wakorinto 3:6

Na oe nyi oe alelutarama iwa waṟundi wa mma mhya; chi wa kyiṟeio-pfo, indi wa Mumuyo; cha kyipfa kyiṟeio kyekyewaaga, indi Mumuyo okyekyiṟa.

2 Wakorinto 5:11

Kyasia lukomanya iowuo Ruwa, lukuruo wandu; indi loṟingyishio mbele ya Ruwa. Na inyi ngyikusurie kye luwaṟingyishie mrimenyi konyu taa.

2 Wakorinto 6:1

Na soe lukoṟunda handu hamwi na oe lumuterewa maa mulaambilyie isaṟia lya Ruwa wulya.

Wafilyipi 6:20

Ndumi Ngyicha iya kyipfa kyayo inyi ngyiṙeṙa handu ha Kristo maa chandu ngyimpfungye, ngyiwaṙe wuṟango na wukari wo ionguo chandu kyingyiwaṟi ionguo.

Wakolosai 1:20

Na kyiiṙi kyakye isanza shindo shoose na oe amonyi, amwende ufoṟo kui samu ya msalaba okye; kokooya nyi shindo shikyeri urukyenyi, ang'u shikyeri ruwewu.

1 Watesalonikye 4:8

Kyasia ulya ailega, ailega mndu-pfo indi Ruwa, ekyemuenenga nyoe Mumuyo okye Mweele.