2 Wakorinto 5:14 - Kivunjo New Testament 1999

¹⁴ Kyipfa ikunda lya Kristo lyiluchilyia kyipfa lowona kuṙi, kye umwi nalepfa kyipfa kya woose, kyasia walepfa woose.

2 Wakorinto 5:14 ပူးပေါင်းရင်းမြစ်များ

Matayo 20:28

Chandu Mono-Adamu alalecha iṟundio, kyaindi iṟunda, na ireka moo uwe kyindo kyekyiṟa wanyamaṟi.”

Luka 15:24

Cha kyipfa mana-chu oko nawepfiie, na oe naṟuka; naweṙekyie, na oe nawono.’ Wakawooka ianga na ichihiyo.

Luka 15:32

Lyingyi-se, ichihiyo na ishina kyiwaṟi cha kyipfa mono-wama-chu opfo nawepfiie, na oe naṟuka; naweṙekyie, na oe nawono.’ ”

Luka 24:29

Wakamterewa, wechigamba, “Kaa hamwi na soe, cha kyipfa komiila na kyio kyamcha.” Kaiṙa na numba ikaa nawo.

Yohane 1:29

Ilya-ngama kawona Yesu echicha na kokye, kagamba, “Aikyi Kyiondo kya Ruwa, kyechiwuta ngyuunyamaṟi tsa wuyana!

Yohane 11:25

Yesu kammbia, “Inyi nyi ulya ekyeende wuṟutsi-wo, na moo. Ulya angyiiṙikyie inyi, maa kapfa, nechiwaṙa moo o mlungana.

Yohane 5:25

Ny'kyaloi ngammbia, kyiyeri kyiicha, nakyo kyamcha, wapfu wechiicho ṟui lya Mono-Ruwa, na walya wechilyiaṙanyia wechiwaṙa moo.

Mawuto Ga Wasu 18:5

Na Sila na Timoteo wamsokye iwuka Makyedonia, Paulo alawute kyindo kyingyi kyoose sile iṟingyishia Wayuda kye Yesu nyi Kristo.

Waroma 2:2

Na soe luichi kye ianduyo lyiwukyie ko Ruwa nyi lya sungusinyi ko iwo wekyewuta isho.

Waroma 5:15

Kyaindi kyisumbo kyilya kyiwekyeri cha ṙeko lyilya-pfo. Cha kyipfa kokooya kyipfa kya iṙeko lya ulya umwi wafoi walepfa, ngoseṟa mnu isaṟia lya Ruwa na kyienengo kyikyeri isaṟienyi lyakye mndu umwi Yesu Kristo kyileengyeṟika kyipfa kya walya wafoi.

Waroma 6:13

Maa mulaengyeṟe iwuta shiwungo shanyu shiwe shisha sha mbaka ko wunyamaṟi. Indi kuwutenyi muwenyi ko Ruwa cha wai na moo numa ya ipfa, na shiwungo shanyu ko Ruwa iwa shisha sha wusumganyi.

Waroma 6:6

Luichi mbonyi-tsi kye, mkaṟo oṙu o kacha ulekapio msalabenyi hamwi na oe, kundu mmbiu o wunyamaṟi uilachikye lulachilyio-se nyi wunyamaṟi.

1 Wakorinto 16:22

Mndu oose alakundi Mndumii nawe namsese. Maranata (kyimwi na igamba Mndumii oṙu naicha.)

1 Wakorinto 2:14

Kyasia mndu alakyeri o kyimrima ekyeambilyia shindo sha Mumuyo o Ruwa-pfo; cha kyipfa kokye icho nyi wutondo, maa eiṙima ishimanya-pfo, cha kyipfa shekyemanyika kui njia ya kyimrima.

2 Wakorinto 3:7

Kyasia, kokooya iṟunda lya upfu lyilekolyaṟeio na itaricho magoenyi, lyilecha mng'anonyi, mṟasa Waisiraelyi walaiṙime iitukuya kyaam kya Mose karii, kyipfa kya mng'ano o kyaam kyakye, nacho nyi-we mng'ano uweiilachika.

2 Wakorinto 3:9

Cha kyipfa kokooya iṟunda lya ianduyo lyiwoṙe mng'ano, iṟunda lya wusumganyi lyiwoṙe mng'ano o ngoseṟa.

Wagalatia 2:20

Ngyilekapio msalabenyi hamwi na Kristo; kyaindi ngyiwoṙe moo; maa chi inyi-se-pfo, indi Kristo nai na moo mrimenyi koko. Na moo ngyiwoṙe wulalu mmbiunyi ngyiuwoṙe kyiiṙi kya iiṙikyia Mana o Ruwa, ulya alengyikunda kareka moo okye kyipfa kyako.

Wafilyipi 6:24

Isaṟia lyikae na woose wakundi Mndumii oṙu Yesu Kristo kui njia ilawoṙe inyamaṟika.

Wakolosai 2:13

Na nyoe kyiyeri muwepfiie kyipfa kya maṙeko ganyu na kyipfa kya ilyi mulawekyeri Wayuda, nalemuṟutsa hamwi na oe, amluhooṟie maṙeko goose.

Wakolosai 3:3

Cha kyipfa mulepfa, na moo onyu umṟikye hamwi na Kristo kyiiṙi kya Ruwa.

1 Timoteo 2:6

Ulya alekuwuta amonyi kundu naendie wandu woose wukyiṟo; ikuwuta lyileloṟa kyiyeri Ruwa akundi ikyiṟa wandu woose.

1 Timoteo 5:6

Indi, ulya alekyeringa mrima okye napfiie maa chandu ai na moo.

Tito 3:3

Kyipfa mfiri ya ipfo numa maa soe luwewoṙe wuṟango-pfo. Luwewanyamaṟi, luwalembe, kunu lochiosha lango na shindo sha mamoona sha mbaṟe tsifoi, lochiwaṙa mkaṟo ya wuwicho na wunyeng'i, lochisuiṟana na isuana.

Waebrania 2:9

indi lowona ulya alegumbo kawa mtutu kuta malaika, Yesu, kyipfa kya mawawio ga upfu, amwenengye kyiṟumi na mng'ano, kundu kui isaṟia lya Ruwa napfe kyipfa kya orio mndu.

Waebrania 6:10

Cha kyipfa Ruwa ammbicho mṟasa nawaṙime iṟunda lyanyu-pfo, na ikunda lyilya mulelyiṟingyishia kui rina lyakye, cha kyipfa muleṟundia wandu wa Ruwa, na mṟasa wulalu muwaṟundia.

1 Petiro 1:8

Na oe mumkundi, maa chandu mulammbonyi; ulya maa chandu mulammbonyi wulalu, mumwiṙikyie; na ichihiyo mnu, kui sia ilekyewono, iwoṙe kyiṟumi.

1 Yohane 5:19

Luichi kye soe lukyeri wana wa Ruwa; na wandu wa wuyana woose taa wekyekaa ko Satana.