2 Wakorinto 5:1 - Kivunjo New Testament 1999

¹ Cha kyipfa luichi kye mmbiu yaṙu lukyeri nayo iha wuyanenyi ikamnyamaṟika, luwoṙe numba iwukyie ko Ruwa, numba ilangyiwikye kui mawoko, ikyeri ya mlungana ruwewu.

2 Wakorinto 5:1 ပူးပေါင်းရင်းမြစ်များ

Mariko 14:58

“Soe lulemwicho echigamba, ‘Inyi ngyechiunduo hekalu-lyi lyilyiachikyie kui mawoko, na kyiiṙi kya mfiri iṟaṟu ngyechiwika lyingyi lyilalyiachikyie kui mawoko.’ ”

Mawuto Ga Wasu 7:48

Indi ulya ekyekaa wuye ruwewu ekyekaa numbenyi tsingyiwikye kui mawoko-pfo; chandu moonguo shisuku agambie,

1 Wakorinto 3:9

Kyipfa soe lukyeri waṟundi hamwi na Ruwa; nyoe nyi ṙema lya Ruwa, nyi numba ya Ruwa.

2 Wakorinto 4:7

Kyaindi luwoṙe wunjama-wu shindonyi sha teri, kundu pfinya ing'anyi ya wuiṙimi iwe ko Ruwa, maa chi iwuka koṙu-pfo.

2 Wakorinto 5:4

Cha kyipfa soe lukyeri kyiiṙi kya mmbiu-i luwawio, lochilemio; chi kye lukundi iwuta mmbiu-chu okyepfa-pfo, indi lulangyie iṟiko ulya ulekyepfa, kundu kyilya kyekyepfa kyimeṟo piu nyi moo.

Wakolosai 2:11

Kyiiṙi kyakye muleṙino kui iṙino lyilekyewuto kui mawoko, kui iṙa lango tsa mmbiu, kui iṙino lya Kristo.

2 Timoteo 1:12

Kyipfa kya ikyo ngyileolokyio matuuro-ga maa ngyirigo nyi sonu-pfo; kyipfa ngyiichi icho ngyimwiṙikyie, na imanya piu kye neiṙima iringa kyilya ngyilekooma kokye mṟasa mfiri ulya.

Waebrania 11:10

Kyipfa Abrahamu naweiweṙelyia mṟi Ruwa aleukusaṟa na iuwika, mṟi ochikaa ho mlungana.

Waebrania 9:11

Kyaindi Kristo kamcha, akyeri Mkohanyi ang'anyi kuta woose o mbonyi tsicha tsechicha, ko tengo lyilya lying'anyi ngoseṟa na lyiafutsie, lyilalyiachikyie nyi wandu, kyimwi na igamba lyilakyeri lya wuyana-wu,

Waebrania 9:24

Cha kyipfa Kristo aleiṙa na handu haele haleachikyio nyi wandu-pfo, nyicho mfano o handu haele ha loi; indi naleiṙa na ruwewu ya loi nawono wulalu mbele ya Ruwa kyipfa kyaṙu.

1 Petiro 1:4

Luwone na kyioṟa kyilekyenyamaṟika, kyilawoṙe ukoe, kyilekyesia, kyilekoomo ruwewu kyipfa kyanyu.

2 Petiro 3:11

Kyasia, cha kyipfa shindo-shi shoose sherumatso kuṙo, kyamukooya nyoe muwe wandu wa mkaṟo ya mbaṟe iha kyiiṙi kya ichumia lyanyu lya wuele na iowuo na ikunda Ruwa,

1 Yohane 3:14

Soe luichi kye lomuiṙa iwuka upfunyi iiṙa na moonyi, cha kyipfa lukundi wana wa wama kyiiṙi kya Kristo. Ulya alakundi, nakyeri upfunyi.

1 Yohane 3:19

Kyipfa kya ikyo lochimanya kye lukyeri wa loi, na soe lochiwiyiṟia mrima yaṙu moo mbele yakye,

1 Yohane 3:2

Wakunde, wulalu lukyeri wana wa Ruwa, maa kyilandemanyikye chandu lochiwa-pfo; kyaindi luichi kye kyiyeri Kristo echiloṟo, lochiwa cha oe; cha kyipfa lochimmbona chandu akyeri.