2 Wakorinto 4:4 - Kivunjo New Testament 1999

⁴ wakyeri kye kyiiṙi kyawo ruwa o wuyana-wu naleshingyia makusaṟo ga iwo walaiṙikyie, walachekooyo nyi ngyeela ya Ndumi Ngyicha ya mng'ano okye Kristo akyeri fana ya Ruwa.

2 Wakorinto 4:4 ပူးပေါင်းရင်းမြစ်များ

Matayo 13:22

Na iya ingyiṙongye mshenyi, icho nyi mndu ekyeicho ṙeṙo lyilya; na mawino ga wuyana, na wulembi wo masaa wokyeilama ṙeṙo lyilya; lyilawaṙe ndunda.

Yohane 1:14

Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Yohane 1:18

Kuwoṙe mndu alemmbona Ruwa kyiyeri kyoose-pfo. Mana kyimuumwi ai cha Ruwa nyi oe aleshukuo mbonyi tsakye.

Yohane 12:31

Wulalu nyi kyiyeri kyeanduya wuyana. Wulalu Satana, mchilyi o wuyana-wu, nechiwiyitso nja.

Yohane 12:35

Kyasia Yesu kawawia, “Ngyeela ikyeri na nyoe kyiyeri kyifuhi. Yendenyi kyiyeri-kyo muwoṙe ngyeela, meema ulachemuolokyia; kyipfa aichumia meemenyi aichi kundu aiyenda-pfo.

Yohane 12:40

“Nalewagaluo shipfupfuṟe, mrima yawo kaiumiṟa; kundu meso gawo galawone, na mṙoe yawo ilamanye; wakangyigalukyia, ngawakyiṟa.”

Yohane 12:45

Na ulya angyiambuya inyi naambuya ulya alengyiṙuma.

Yohane 14:30

Inyi ngyechiṙeṙa-se na nyoe shindo shifoi-pfo, cha kyipfa Satana, mchilyi o wuyana-wu naicha, na echiiṙima ingyiwutia kyindo-pfo.

Yohane 15:24

Wawechikumbuṟo kya wunyamaṟi wowo kokooya ngyilalewuta kyiiṙi kyawo shindo shilandewuto mndu ungyi oose-pfo; kyaindi wulalu wammbona shilya ngawuta, wakangyisuo inyi na Awu oko.

Yohane 16:11

Kye wechianduyo kyipfa Satana, mchilyi o wuyana-wu, amwanduyo.

Yohane 8:12

Kyasia Yesu kawia-se Mafarisayo walya, “Inyi nyi ngyeela ya wuyana. Ulya angyiosha inyi nechiwaṙa ngyeela yekyeenenga wandu moo, na echichumia handu hawoṙe meema-pfo.”

Mawuto Ga Wasu 26:18

Uwapfunguoe meso, na iwaweṟutsa waṙe meema na iyenda saenyi, waṙe pfinya tsa Satana na iyenda ko Ruwa; naaho-ng'u Ruwa nawahooṟie ngyuunyamaṟi tsawo na wechikaa halya-ndu walya Ruwa awailyishie wechikaa kui ingyiiṙikyia inyi.’ ”

Mawuto Ga Wasu 26:23

kye Kristo nawaṟi ilyiso wukyiwa na kye oe kuwooka kui iṟutso ko wapfu nechionguo mbonyi tsa ngyeela ko wandu wakye na ko wandu walamwiṙikyie.”

1 Wakorinto 10:20

Chi wuṙo-pfo, kyaindi shindo shoose wandu walaiṙikyie Yesu wekyeṙasa wekyeshienenga waṟufui wa Satana, maa chi Ruwa-pfo; na inyi ngyikundi muṟundie masatana-pfo.

2 Wakorinto 2:11

Satana alaenengo ṙaawa lyelulemba; cha kyipfa lolemo imanya ngyeṟo tsakye-pfo.

2 Wakorinto 2:12

Kyasia kyiyeri ngyileshika Tiroa kyipfa kya Ndumi Ngyicha ya Kristo, Mndumii kangyipfunguya moongo.

2 Wakorinto 3:11

Cha kyipfa kokooya lyilya lyiweilachika lyiwewoṙe mng'ano, ngoseṟa mnu lyilya lyekyekaa ho mlungana lyiwoṙe mng'ano ung'anyi ngoseṟa.

2 Wakorinto 3:14

indi makusaṟo gawo galewiko meema. Kyipfa maa mṟasa inu, kyiyeri Mma Mku okyesomo, kyindo-kyo kyeshikyia kyaam kyekyeweṙio ho. Kyimwi na igamba kye, kyileloṟo kye kyindo-kyo kyeshikyia kyewuto ho kyiiṙi kya Kristo-pfo.

2 Wakorinto 3:18

Kyaindi soe loose, kui kyaam kyilakyishikyie nyi kyindo, luloṟa mng'ano o Mndumii, cha mng'ano uwukyie kyiyewonyi, lokyeilacho luwe cha mfano-cho icho, iwuka mng'ano mṟasa mng'ano ung'anyi ngoseṟa cha mng'ano uwukyie ko Mndumii, akyeri Mumuyo.

2 Wakorinto 4:6

Cha kyipfa Ruwa, icho alegamba, “Ngyeela yewaa iwuka meemenyi,” nyi oe alewaa mrimenyi koṙu, naluenengye ngyeela ya wuṟango wo mng'ano o Ruwa kyaamunyi kya Yesu Kristo.

Wagalatia 1:4

Ulya alereka mrima okye kyipfa kya ngyuunyamaṟi tsaṙu, kundu nalukyiṟe mawicho ga kunu wuyanenyi lukyeri wulalu, chandu Ruwa, Awu oṙu, alekunda.

Wafilyipi 2:2

Ngyuunyamaṟi muletsiwuta kacha kui iosha mchilyi ang'anyi o waṟufui wa ngyinenyi, mṟufui ulya o Satana aiṟunda maṟunda wulalu kyiiṙi kya walya waiwingana na Ruwa;

Wafilyipi 6:12

Kyipfa ikapana lyaṙu soe chi na wandu-pfo; indi nyi na ngyuumangyi na pfinya, na wang'anyi wa meema-chu, nguulyimalyi tsa waṟufui wawicho wuyanenyi wo waṟufui.

Waefeso 2:6

ulya ipfo mawookyionyi awei Ruwa, kyaindi alalewona kulya iwa kyimwi na Ruwa kye nyi kyindo kyemwenenga ikuyeṟa na Ruwa;

Wakolosai 1:15

Kristo nyi mfano o Ruwa alekyewono, mmbele o shindo shoose shishigumbe.

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

1 Timoteo 1:11

Chandu kyikyionguoe Nduminyi Ngyicha ya kyiṟumi kya Ruwa ekyeṟumisho, Ndumi Ngyicha ngyileenengo iṟunda lyeionguo.

Tito 2:13

Lochiambuya ikusuria lyiwoṙe mboṟa na iloṟo kyiṟumi kya Kristo Yesu, Ruwa ang'anyi na Mkyiṟa oṙu;

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

Waebrania 6:4

Cha kyipfa walya walemuenengo ngyeela, na isonja kyisumbo kya ruwewu, na iambilyia ṙombo lya Mumuyo Mweele,

2 Petiro 1:19

Na soe luiṙikyie necha shilya weonguo shisuku wagambie, shilya nyoe mukoshiambuya necha, cha taa ilyimika meemenyi, mowuta necha mṟasa kyiyeri kochikya na nyenyeri ya ngamenyi iwaa mrimenyi konyu.

1 Yohane 2:11

Indi ulya asuuye mono-wama okye nakyeri meemenyi, lyingyi-se naichumia meemenyi, maa aichi kundu aiyenda-pfo, cha kyipfa meema omgaluo kyipfupfuṟe.

1 Yohane 2:8

Lyingyi-se ngamuṟeia iwawaso lyihya; mbonyi tsikyeri loi kokye na konyu; kyipfa meema uiṙa na ngyeela iya ya loi yamlyimika.

1 Yohane 5:19

Luichi kye soe lukyeri wana wa Ruwa; na wandu wa wuyana woose taa wekyekaa ko Satana.