2 Wakorinto 4:16 - Kivunjo New Testament 1999

¹⁶ Koikyo luiloloma-pfo; indi maa chandu kyanja mmbiu yaṙu iloṟa iuṟa pfinya; mrimenyi koṙu lukokohoka orio mfiri.

2 Wakorinto 4:16 ပူးပေါင်းရင်းမြစ်များ

Luka 11:3

Uluenengye kando kaṙu mfiri yoose.

Waroma 12:2

Maa mulaoshe mbaṟe ya wuyana-wu; indi mugalukye kundu Ruwa naiṙime igaluo makusaṟo ganyu. Iho nyi lyo-ndu moiṙima imanya kyilya Ruwa akundi, imanya kyilya kyii kyicha, kyemchihiṟa na kyikyiafutsie.

Waroma 7:22

Cha kyipfa mrimenyi koko ngyimchihiye kyipfa kya iwawaso lya Ruwa.

1 Wakorinto 15:58

Kyasia, wana wa wama wakunde, kuwanzenyi, mulalolome, muengyeṟe mnu iṟundia Mndumii mfiri yoose, cha kyipfa muichi kye iṟunda lyanyu chi wulya kyiiṙi kya Mndumii-pfo.

2 Wakorinto 12:15

Na inyi kui sia ing'anyi ngyikuṟeyeṟie iwuta kyoose ngyiwoṙe, maa ikuwuta inyi ngyimonyi kyipfa kya mrima yanyu. Ngyesa mongyikunda kyitutu kyipfa kya ilyi inyi ngyimukundi mnu-pfoe?

2 Wakorinto 4:1

Kyipfa kya ikyo, cha kyipfa luwoṙe iṟunda-lyi, chandu lulewona isaṟia, luiloloma-pfo.

Wafilyipi 3:16

Namutarame, iṙuana na wunjama wo mng'ano okye, ikarisha kui pfinya, kui iṟunda lya Mumuyo okye, naengyeṟe imukarisha.

Wafilyipi 4:23

Mugalutso muwe wandu wahya ikusurienyi lya mrima yanyu.

Wakolosai 3:10

mochiṟaa mkaṟo mhya. Ikyi nyikyo kyindo kyihya Ruwa ulya alekyigumba aikyigumba orio mfiri kui mfano okye, kundu namuenengye pfinya ya immanya nakamwi.

Tito 3:5

Chi kyipfa kya mawuto ga wusumganyi lulewuta soe-pfo; indi kui isaṟia lyakye, kui isanjo na ifeo lya kawi na kui iwa wahya Mumuyonyi Mweele.

1 Petiro 3:4

Indi lyiwe wucha wo mrimenyi wulekyewono; shindonyi shekuchopa shilekyenyamaṟika; wucha wo mrima o wuhoo na wuramiri, wuwoṙe woguru wung'anyi ushangyunyi lo Ruwa.

1 Petiro 4:14

Mukowio kye mowuta shiwicho kyipfa kya rina lya Kristo nyi nanga; cha kyipfa Mumuyo o kyiṟumi na o Ruwa nakyeri na nyoe.