2 Wakorinto 4:15 - Kivunjo New Testament 1999

¹⁵ Cha kyipfa mbonyi tsoose nyi kyipfa kyanyu, kundu isaṟia-lyo lyikaengyeṟika mnu, ko iwo wakyeri wafoi kyiano kyiengyeṟikye, na Ruwa nang'anyiso.

2 Wakorinto 4:15 ပူးပေါင်းရင်းမြစ်များ

Waroma 8:28

Na soe luichi kye shindonyi shoose Ruwa nekyeṟunda hamwi na walya wamkundi kyiiṙi kya iwanenga mecha, kyimwi na igamba soe luwalage chandu Ruwa akundi.

2 Wakorinto 8:19

Maa chi wuṙo tikyi-pfo, indi nalesambuṟo nyi siṟi na iyenda kyaro hamwi na soe mbonyinyi tsa isaṟia-lyi, lulyiṟundia, kundu Mndumii naṟumisho, ikuṟeyeṟa lyaṙu lyimanyikye.

2 Wakorinto 1:11

Na nyoe mukotaramana na soe kyipfa kyaṙu kyiiṙi kya iterewa, kundu kyipfa kya kyisumbo kyilya luenengo soe kui itarama wandu wafoi, wandu wafoi waane kyipfa kyaṙu.

1 Petiro 4:11

Mndu kaṙeṙa, naṙeṙe chandu Ruwa akundi; mndu kaṟunda, naṟunde kui pfinya amwenengye nyi Ruwa; kundu Ruwa naṟumisho shindonyi shoose kui Yesu Kristo. Kyiṟumi na pfinya shikae na oe mlungana na mlungana. Amen.

1 Petiro 2:9

Indi nyoe nyi kyishari kyisambuṟe, wukohanyi wo kyimangyi, isanga lyiele, wandu wa wuchilyi wo Ruwa, muiṙime ionguo mbonyi tsa mawuto gakye ga maṟiyisho. Ulya alemulaga muwukye meemenyi muiṙe na ngyeelenyi yakye ya maṟiyisho.

2 Timoteo 2:10

Kyipfa kya ikyo ngyikarishia mbonyi tsoose, kyipfa kya wasambuṟe, kundu nawo waambilyie wukyiṟo wulya wukyeri kyiiṙi kya Kristo Yesu, hamwi na mng'ano o mlungana.

Wagalatia 1:24

Wakaṟumisha Ruwa kyipfa kyako.

Wakolosai 1:24

Wulalu ngyimchihiye kyipfa kya matuuro ngyiwoṙe kyipfa kyanyu. Lyingyi-se ngyiafutsia mmbiunyi koko shilya shilaleafutsio sha matuuro ga Kristo, kyipfa kya mmbiu okye, kyimwi na igamba kye nyi Siṟi yakye.

1 Wakorinto 9:19

Kyipfa, maa chandu ngyilakyeri mtumo o mndu oose, ngyekyekugaluo cha ilyi ngyikyeri mtumo o wandu woose, kundu ngyigalutsie ura lo Yesu wandu wafoi ngoseṟa.

1 Timoteo 1:14

Na isaṟia lya Mndumii oṙu lyileengyeṟika mnu, hamwi na iiṙikyia na ikunda lyikyeri kyiiṙi kya Kristo Yesu.