2 Wakorinto 4:10 - Kivunjo New Testament 1999

¹⁰ Mfiri yoose luṙuṙe mmbiunyi yaṙu iwoogo lya Yesu, kundu moo o Yesu uṟingyishio mmbiunyi yaṙu.

2 Wakorinto 4:10 ပူးပေါင်းရင်းမြစ်များ

Yohane 14:19

Hatsugae kyiyeri kyitutu wandu wa wuyana walechingyiwona-se; indi nyoe mungyiwonyi. Na kyipfa inyi ngyiwoṙe moo, maa nyoe mochiwaṙa moo.

Waroma 6:5

Cha kyipfa chandu lulelungana na oe mfanonyi o upfu lokye na wuṙo lowelungana na oe mfanonyi o iṟuka lyakye.

Waroma 6:8

Kyaindi lui kye lulepfa hamwi na Kristo, luiṙikyie kye lochiwaṙa moo hamwi na oe;

Waroma 8:36

Chandu kyikyiṟeie kye, “Kyipfa kyapfo luiwoogo kyingoto puti, luwatale cha moondo geshinja.”

2 Wakorinto 1:5

Kyipfa chandu matuuro ga Kristo gaiengyeṟika koṙu, na wuṙo iwiyiṟio moo lyaṙu lyiengyeṟika kui rina lya Kristo.

2 Wakorinto 1:9

Yee, soe luwenyi luwewoṙe ianduyo lya upfu mrimenyi koṙu, kundu lulachekusuria kya mrima yaṙu, indi lukusurie Ruwa, moṟutsa wapfu.

2 Wakorinto 13:4

Kyipfa nalewoogio msalabenyi, wufafenyi, kyaindi nai na moo kui pfinya tsa Ruwa. Kyipfa maa soe lukyeri wafafa kyiiṙi kyakye; indi lochikaa na moo hamwi na oe kui pfinya tsa Ruwa.

2 Wakorinto 4:11

Kyipfa soe lukyeri na moo, mfiri yoose lokyewuto lupfe kyipfa kya Yesu, kundu moo o Yesu uṟingyishio mmbiunyi yaṙu yekyepfa.

Wagalatia 6:17

Wookyia wulalu mndu alangyilyise wukyiwa; cha kyipfa ngyiṙuṙe ngoru tsa Kristo mmbiunyi koko.

Wakolosai 1:24

Wulalu ngyimchihiye kyipfa kya matuuro ngyiwoṙe kyipfa kyanyu. Lyingyi-se ngyiafutsia mmbiunyi koko shilya shilaleafutsio sha matuuro ga Kristo, kyipfa kya mmbiu okye, kyimwi na igamba kye nyi Siṟi yakye.

2 Timoteo 2:11

Nyi mbonyi iwaṟi iiṙikyio, cha kyipfa kokooya lopfa hamwi na oe, lochiwaṙa moo hamwi na oe taa.

1 Petiro 4:13

Kyaindi chandu mulelya wukyiwa wo Kristo, chihiyonyi; kundu na kyiyeri kyiṟumi kyakye kyechiloṟo muchihiyo kui ikapa ngulyilyi na ngoru.

1 Petiro 4:14

Mukowio kye mowuta shiwicho kyipfa kya rina lya Kristo nyi nanga; cha kyipfa Mumuyo o kyiṟumi na o Ruwa nakyeri na nyoe.

Ulogo 1:17

Na inyi kyiyeri ngyilemmbona, ngyileoloka maṙendenyi gakye cha mndu apfiie. Kayekyia kuwoko kokye ko kulyoe wuye yako, echigamba, “Molaowuoe. Inyi nyi o kuwooka na o mafurumionyi,