2 Wakorinto 3:5 - Kivunjo New Testament 1999

⁵ Chi kye soe lochiiṙima iwuta kyindo kyoose kui pfinya tsaṙu luwenyi-pfo, wuiṙimi woṙu woose wuwukyie ko Ruwa.

2 Wakorinto 3:5 ပူးပေါင်းရင်းမြစ်များ

Luka 21:15

cha kyipfa inyi ngyemuenenga maṙeṙo na wuṟango watuuri wanyu woose walechiiṙima iwingana nawo maa imulega.

Luka 24:49

Na inyi ngyimuendie kyaasa kya Awu oko; kyaindi ṙionyi kunu mṟinyi, mṟasa muṟiko pfinya tsiwukyie wuye.”

Yohane 15:5

Inyi nyi msabibu; nyoe nyi mbaga; ulya awa kyindo kyimwi na inyi, nekumbia ndunda tsifoi mnu; kyipfa ngyilai ho inyi moiṙima iwuta kyindo kyoose-pfo.

Waroma 15:18

Kyipfa ngyekaria igamba kyindo Kristo alakyiwutie kui iṟunda lyako-pfo, wandu walakyeri Wayuda waiṙime iindia kui iṙeṙa ang'u kui mawuto,

1 Wakorinto 15:10

Kyaindi kui isaṟia lya Ruwa ngawa kuṙi chandu ngyikyeri; na isaṟia lyikyeri koko chi wulya-pfo, indi ngyileengyeṟa mnu iṟunda kuta wo woose; maa chi inyi-pfo, indi nyi isaṟia lya Ruwa hamwi na inyi.

1 Wakorinto 3:10

Iṙuana na isaṟia lya Ruwa ngyileenengo, inyi cha msongoru o wewika numba wawoṙe wuṟango, ngyilewika urende, na mndu ungyi naiwika numba wuye ya urende-lo. Kyaindi orio mndu naambuye chandu aiwika numba wuye ya urende-lo.

1 Wakorinto 3:6

Inyi ngyilewaaya, Apolo kanyosa; indi mong'anyisa nyi Ruwa.

2 Wakorinto 12:9

Na oe kangyiwia, “Isaṟia lyako lyikushikyie; kyipfa wuiṙimi woko wokyeafukyia wufofonyi.” Kyasia ngyekushelyia wufofo woko kui sia ing'anyi, kundu wuiṙimi wo Kristo wukae na inyi.

2 Wakorinto 2:16

Ko iwo wa kawi mpfaamo o upfu okyeende upfu; ko iwo wa kuwooka mpfaamo o moo okyeende moo. Na oe nyi wui echiiṙima shindo-sho?

2 Wakorinto 4:7

Kyaindi luwoṙe wunjama-wu shindonyi sha teri, kundu pfinya ing'anyi ya wuiṙimi iwe ko Ruwa, maa chi iwuka koṙu-pfo.

Waefeso 2:13

Cha kyipfa nyi oe Ruwa aiṟunda maṟunda mrimenyi konyu, iambilyia lyanyu na iṟunda lyanyu, kui iafutsia makusaṟo gakye mecha.

Waefeso 4:13

Ngyekyeiṙima shindo shoose kyiiṙi kya ulya ekyengyienenga pfinya.

2 Timoteo 2:2

Na shindo shilya uleshiicho koko mbele ya waṟingyishi wafoi, isho ushiṙambikye wandu wasimiri wechiiṙima ilosha wengyi.

Yakobo 1:17

Orio ienengyia lyikyeri lyicha, na orio kyindo kyekyewuto kyiafutsie, kyekyewuka wuye, kyekyesoka ko Awu agumbie mnengyeṟi, mori na nyenyeri. Kokye kuwoṙe iilachika lyekyeende meema-pfo.