2 Wakorinto 3:3 - Kivunjo New Testament 1999

³ Muṟingyishio kye mowa paruo iwukyie ko Kristo lulemṙambika nyoe, ingyiṟeie chi kui wiino-pfo, indi na Mumuyo o Ruwa ai na moo; chi shibaunyi sha magoe-pfo; indi shibaunyi shikyeri nyi mrima ya nyama.

2 Wakorinto 3:3 ပူးပေါင်းရင်းမြစ်များ

Matayo 16:16

Simion Petiro kagaluo, kagamba, “Iyoe nyi oe Kristo, Mono-Ruwa ai na moo mlungana.”

1 Wakorinto 3:5

Kyasia Apolo nyi wui? Na Paulo nyi wui? Nyi waṟundi walya kui wo muleiṙikyia Ruwa na orio mndu chandu Ruwa alemuenenga wuiṙimi.

2 Wakorinto 3:6

Na oe nyi oe alelutarama iwa waṟundi wa mma mhya; chi wa kyiṟeio-pfo, indi wa Mumuyo; cha kyipfa kyiṟeio kyekyewaaga, indi Mumuyo okyekyiṟa.

2 Wakorinto 3:7

Kyasia, kokooya iṟunda lya upfu lyilekolyaṟeio na itaricho magoenyi, lyilecha mng'anonyi, mṟasa Waisiraelyi walaiṙime iitukuya kyaam kya Mose karii, kyipfa kya mng'ano o kyaam kyakye, nacho nyi-we mng'ano uweiilachika.

2 Wakorinto 6:16

Lyingyi-se hawoṙe iiṙikyiana lya mbaṟe iha kyiiṙi kya hekalu lya Ruwa na ifano? Cha kyipfa soe nyi hekalu lya Ruwa akyeri na moo; chandu Ruwa alegamba kye, “Ngyechikaa mrimenyi kowo na ichumia kyiiṙi kyawo na inyi ngyewa Ruwa owo, nawo wechiwa wandu wako.”

1 Watesalonikye 1:9

Cha kyipfa wo wawenyi waionguo mbonyi tsaṙu, chandu mbonyi tsaṙu tsilewa kyiyeri lulecha na konyu; na chandu muleindukyia Ruwa mukolekana na mafano, kundu muṟundie Ruwa ai na moo, o loi.

Waebrania 10:16

“Ichu nyi mma ngyechiwika nawo numa ya mfiri iya, Ruwa nagamba, ‘Ngyechiwika mawawaso gako mrimenyi kowo, na igaṟeia makusaṟonyi gawo.’ ” Nyi lyo-ndu ekyegamba,

Waebrania 8:10

Kyipfa ichu nyicho mma ngyechiwika na wandu wa Isiraelyi numa ya mfiri iya, Ruwa nagamba, ‘Ngyechiwika mawawaso gako makusaṟonyi gawo, na ngyechigaṟeia mrimenyi kowo. Na inyi ngyechiwa Ruwa kowo, nawo wechiwa wandu wako.’

Waebrania 9:14

kyasia chi ngoseṟa samu ya Kristo, ulya kye kui Mumuyo o mlungana alereka moo ko Ruwa iwa kyienengo kyilawoṙe tewe, kyechisanja shilya mukusaṟie mrimenyi konyu na mṟumoe ilawoṙe kyiira, muiṙime iindia na iterewa Ruwa ai na moo?

Ulogo 2:1

“Ko malaika o siṟi ikyeri Efeso ṟeia: ‘Ishi nyisho agamba ulya awoṙe nyenyeri-tso mfungaaṙe kuwokonyi kokye ko kulyoe, ulya ekyechumia ipfo shindonyi mfungaaṙe sha sahapu.

Ulogo 2:12

“Na ko malaika o siṟi ikyeri Perigamo ṟeia: ‘Ishi nyisho agamba ulya awoṙe ushu-lo luohi, lo mmbega kuwi.

Ulogo 2:18

“Na ko malaika o siṟi ikyeri Tiatira ṟeia: ‘Ishi nyisho agamba Mono-Ruwa, ulya awoṙe meso gakye cha ulumi lo moṙo na maṙende gakye mfano o aṟeṟa ngyiilyiṟe mnu.

Ulogo 2:8

“Na ko malaika o siṟi ikyeri Simirina ṟeia: ‘Ishi nyisho agamba ulya akyeri o kuwooka na o mafurumionyi, awepfiie, numa ya iho kawaṙa moo.

Ulogo 3:1

“Na ko malaika o siṟi ikyeri Saridi ṟeia: ‘Ishi nyisho agamba ulya awoṙe mumuyo-yo mfungaaṙe ya Ruwa, na nyenyeri tsilya mfungaaṙe. Ngyiichi mawuto gapfo, kye nuwoṙe rina lya iwaṙa moo, na iyoe nupfiie.

Ulogo 3:14

“Na ko malaika o siṟi ikyeri Laodikyia ṟeia: ‘Ishi nyisho agamba ulya akyeri Amen. Mṟingyishi ekyeafutsia shilya ateṟia na o loi, mawookyionyi ga shindo shoose Ruwa agumbie.

Ulogo 3:22

Ulya awoṙe kuṙwi, naicho mbonyi-tsi Mumuyo aiwia siṟi.’”

Ulogo 3:7

“Na ko malaika o siṟi ikyeri Filadelyifia ṟeia: ‘Ishi nyisho agamba ulya akyeri mweele, na akyeri o loi, awoṙe na upfunguo lo Dawidi, ulya mopfunguo maa kulawoṙe mopfunga, na oe nekyepfunga maa kuwoṙe ekyepfunguo-pfo. Ngyiichi mawuto gapfo.