2 Wakorinto 3:17 - Kivunjo New Testament 1999

¹⁷ Kyasia “Mndumii” nyi oe Mumuyo; kyaindi handu akyeri Mumuyo o Mndumii, iho nyi ho-ndu hawoṙe ikaa kulawoṙe ichilyio nyi kyindo.

2 Wakorinto 3:17 ပူးပေါင်းရင်းမြစ်များ

Yohane 6:63

Mumuyo o Ruwa nyi oe ekyeenenga wandu moo, pfinya ya mndu iwoṙe kyiiṙa kyoose-pfo. Mbonyi-tsi ngamuongoya nyi Mumuyo, ngoseṟa nyi moo.

Yohane 8:32

lyingyi-se mochimanya wuloi wo mbonyi tsa Ruwa, na wuloi-wo wochimmbuta wusingyenyi.”

Waroma 8:2

Cha kyipfa iwawaso lya Mumuyo o moo ulya ukyeri kyiiṙi kya Kristo Yesu lyilengyilekyia, kuleshi na iwawaso lya wunyamaṟi na upfu.

1 Wakorinto 15:45

Nyi wuṙo kyikyiṟeie, “Mndu o kuwooka, Adamu, nalewa kyindo kyiwoṙe moo, Adamu o mafurumionyi nyi mumuyo okyeende moo.”

2 Wakorinto 3:18

Kyaindi soe loose, kui kyaam kyilakyishikyie nyi kyindo, luloṟa mng'ano o Mndumii, cha mng'ano uwukyie kyiyewonyi, lokyeilacho luwe cha mfano-cho icho, iwuka mng'ano mṟasa mng'ano ung'anyi ngoseṟa cha mng'ano uwukyie ko Mndumii, akyeri Mumuyo.

2 Wakorinto 3:6

Na oe nyi oe alelutarama iwa waṟundi wa mma mhya; chi wa kyiṟeio-pfo, indi wa Mumuyo; cha kyipfa kyiṟeio kyekyewaaga, indi Mumuyo okyekyiṟa.

Wagalatia 4:6

Na kyipfa nyoe mowa wana, Ruwa naleṙuma Mumuyo o Mono-kye mrimenyi konyu, ekyegamba, “Aba,” kyimwi na igamba Awu.

Wagalatia 5:1

Kyiiṙi kya iwa wana wa mka o wolyi Kristo nalelugaluo wandu walakyeri wuchilyinyi wo kyindo kyoose. Koikyo maa mulalolome, maa ichilyio-se nyi wutumo.

Wagalatia 5:13

Kyipfa nyoe, wana wa wama, mulelago muwe wandu mulawachilyie nyi kyindo. Kyaindi kulya iwa wandu walawachilyie nyi kyindo kulawe kyimaṙuma kyeosha lango tsa mmbiu, indi ṟundianenyi kui ikunda.

2 Timoteo 1:7

Kyipfa Ruwa aleluenenga mrima o wuowu-pfo, indi o pfinya na o ikunda na uwoṙe meena.