2 Wakorinto 3:12 - Kivunjo New Testament 1999

¹² Kyasia, kyipfa luwoṙe iweṙelyia lya mbaṟe-i luwika wuragari na wukari wung'anyi.

2 Wakorinto 3:12 ပူးပေါင်းရင်းမြစ်များ

Yohane 10:24

Kyasia Wayuda wakamwiṟiwia, wakammbia, “Nolyisa mrima yaṙu wukyiwa mṟasa indi? Kokooya iyoe nyi oe Kristo uluwie na pata.”

Yohane 16:25

“Isho ngamuongoya kui mbia. Kyiyeri kyiicha ngyilechiṙeṙa-se na nyoe kui mbia; kyaindi mbonyi tsa Awu ngyechimuongoya na pata.

Yohane 16:29

Kyasia wanalosho wakye wakagamba, “Wulalu nuionguo na pata; uiṙeṙa-se kui mbia-pfo.

Mawuto Ga Wasu 14:3

Kyasia wakakaa pfo kyiyeri kyileshi, wechiṙeṙa kulawoṙe wuowu mbonyi tsa Mndumii, aleṟingyishia Ṙeṙo lya isaṟia lyakye, echiwasaṟia ṟigo na shindo sha maṟiyisho shiwutikye kui shilya aweiwuta.

Mawuto Ga Wasu 4:13

Kyasia kyiyeri walewona wuṟango na wukari wo Petiro na Yohane, na imanya kye nyi wandu walasomie, walaichi shindo shifoi, wakaṟiyio, wakamanya kye wawekyeri hamwi na Yesu.

Mawuto Ga Wasu 9:27

Kyaindi Barinaba kaṙuo Saulyi ko wasu, kawawia chandu alewona Mndumii Yesu njienyi, na kye naleṙeṙa na oe, na chandu aleonguo mbonyi ngyicha tsa Yesu kulya Dameskyi kui wuṟango na wukari.

Mawuto Ga Wasu 9:29

Kaonguo mbonyi tsa Mndumii Yesu kui wukari, echiṙeṙa na igaluana na Wayuda wawekyeṙeṙa mṙeṙie o Kyikyiṟikyi. Nawo wakatambagana immbaaga.

1 Wakorinto 14:19

Kyaindi siṟinyi ngyikundi iṙeṙa maṙeṙo gataanu kui wuṟango woko, ngyiiṙime ilosha wengyi, ngoseṟa ya iṙeṙa maṙeṙo shiku ikumi kui mṙeṙie wandu walaiichi.

2 Wakorinto 10:1

Kyasia, inyi Paulo ngyimonyi ngyimuterewa kui wuhoo na wuyendelyi wo Kristo, inyi ngyikyeri msimiri ngyikyeri hamwi na nyoe, indi ngyilakyeri ho ngyiwoṙe wuṟango na wukari konyu.

2 Wakorinto 3:11

Cha kyipfa kokooya lyilya lyiweilachika lyiwewoṙe mng'ano, ngoseṟa mnu lyilya lyekyekaa ho mlungana lyiwoṙe mng'ano ung'anyi ngoseṟa.

2 Wakorinto 4:13

Kyaindi cha kyipfa luwoṙe Mumuyo ulya ulya o iiṙikyia; chandu kyileṟeio, “Ngyileiṙikyia, na kyipfa kya ikyo ngyileṙeṙa.” Soe na soe luiṙikyie, na kyipfa kya ikyo luṙeṙa.

2 Wakorinto 7:4

Ngyiwoṙe wukari wung'anyi konyu; ngyiwoṙo nyi ikushela lying'anyi kyipfa kyanyu. Ngyiichuo nyi iwiyiṟio moo, wukyiwenyi woṙu woose ngaichuo sia ya ngosera.

Waefeso 1:14

Na wana wa wama wengyi wakyeri kyiiṙi kya Kristo, wechikarisho nyi iwiko lyako kyipfungonyi, waleengyeṟa mnu ionguo Ṙeṙo lya Ruwa kulawoṙe wuowu.

Waefeso 1:20

chandu ngyileweṙelyia mnu, na ikusuria, kye ngyechirigo nyi sonu maa ale-pfo, indi kui wusimiri woose, cha mfiri yoose, na wulalu nyi wuṙo Kristo echienengo kyiṟumi mmbiunyi koko; kokooya ngyii na moo, ang'u ngyipfiie.

Wakolosai 4:4

kundu ngyiwuloṟe na pata, chandu kyingyiwaṟi iṙeṙa.

1 Watesalonikye 2:2

Kyaindi kuwooka lomulyiso wukyiwa na iinyalo, chandu muichi, kulya Filyipi, lulekaria kyiiṙi kya Ruwa imuongoya nyoe Ndumi Ngyicha ya Ruwa, kui iikapania mnu.

1 Timoteo 3:13

Cha kyipfa wekyeṟunda necha iṟunda lya ushemasi wekyewona rina lyicha, na wekyeiṙima ionguo kulawoṙe wuowu mbonyi tsa iiṙikyia lyikyeri kyiiṙi kya Kristo Yesu.

Filemon 1:8

Koikyo, maa chandu ngyiwoṙe wukari kyiiṙi kya Kristo ikuwia kyikuwaṟi;