2 Wakorinto 3:1 - Kivunjo New Testament 1999

¹ Ngyesa luwooka-se ikushela luwenyi? Ang'u lukundi-se cha iwo wengyi, paruo tsiwoṙe kyiṟumi tsiche na konyu, ang'u iwuka konyu?

2 Wakorinto 3:1 ပူးပေါင်းရင်းမြစ်များ

Mawuto Ga Wasu 18:27

Na kyiyeri awekundi iambaṙa nayende mṟasa Akaya, wandu walya waweiṙikyie Yesu wakamtarama, wakaṟeia wanalosho walya paruo kundu wamwambilyie. Na oe kyiyeri aleshika katarama mnu walya walekowamwiṙikyia kui isaṟia lya Ruwa.

Waroma 16:1

Ngyimanyisha konyu mshikyi oṙu Foibe; akyeri mṟundi siṟinyi ya Kyenkrea.

1 Wakorinto 10:33

Nyi wuṙo chandu inyi ngyekyechihiṟa wandu woose shindonyi shoose, ngyilalepfula kyiira kyako ngyimonyi, indi kyiira kya wandu wafoi, kundu wakyiṟo.

1 Wakorinto 16:3

Na inyi ilyi ngyeafukyia ngyeṙuma walya mochiwasambuṟa waṙuṙe paruo, waṙuo Yerusalemu heleri tsilya mosania.

1 Wakorinto 3:10

Iṙuana na isaṟia lya Ruwa ngyileenengo, inyi cha msongoru o wewika numba wawoṙe wuṟango, ngyilewika urende, na mndu ungyi naiwika numba wuye ya urende-lo. Kyaindi orio mndu naambuye chandu aiwika numba wuye ya urende-lo.

1 Wakorinto 4:15

Cha kyipfa maa kokooya muwoṙe walosha shiku ikumi kyiiṙi kya Kristo muwoṙe waawu wafoi-pfo. Kyipfa inyi ngyilemfee kyiiṙi kya Kristo Yesu kui njia ya Ndumi Ngyicha.

2 Wakorinto 10:12

Cha kyipfa lochikaria ikutala hamwi na wandu waata wa iwo wekyekushela wawenyi, maa ikulyingatsana nawo-pfo. Wandu wekyekuloṟa kye wo nyi kyiyeṟo kyekuyeṟa, na wandu wekyekulyingatsana wo wenyi ko wenyi nyi matondo.

2 Wakorinto 10:18

Kyipfa mndu moiṙikyio chi ulya ekyekushela-pfo, indi nyi ulya ekyeṟumisho nyi Mndumii.

2 Wakorinto 10:8

Kyipfa maa ngakushela ngoseṟa kyitutu kyipfa kya wuchilyi woṙu (luleenengo nyi Ruwa, luiṙime imugoṟotsa maa chi imuolotsa-pfo), ngyerigo nyi sonu-pfo;

2 Wakorinto 12:11

Ngawa tondo, nyi nyoe mulengyitewe. Kyipfa kyiwekyiwaṟi nyoe mungyiṟumishe, kyipfa kuwoṙe kyindo wasu wang'anyi walengyiiṟa nakyo-pfo, maa chandu ngyilakyeri kyindo.

2 Wakorinto 12:19

Mokusaṟa kye maa wulalu luṙeṙa mbonyi tsekuringa konyu! Mbele ya Ruwa luiṙeṙa kyiiṙi kya Kristo. Na isho shoose, wakunde, nyi kyipfa kya imukarisha nyoe.

2 Wakorinto 2:17

Cha kyipfa soe chi kyimwi na wandu wafoi wekyekapa mbucha na ulogo lo Ruwa-pfo. Soe luonguo ulogo lo Ruwa kui wuwaṙami wo mrima cha wandu waleṙumo nyi Ruwa, luwalungye na Kristo.

2 Wakorinto 5:12

Kyipfa luikushela luwenyi mbele yanyu-se-pfo, indi lumuenenga kyimaṙuma kya ikushela kyipfa kyaṙu, kundu muiṙime iwaṙa kyindo kyeloṟa mbele ya iwo waikushela ko shindo sha nja tikyi, maa chi shindo sha mrimenyi-pfo.