2 Wakorinto 2:17 - Kivunjo New Testament 1999

¹⁷ Cha kyipfa soe chi kyimwi na wandu wafoi wekyekapa mbucha na ulogo lo Ruwa-pfo. Soe luonguo ulogo lo Ruwa kui wuwaṙami wo mrima cha wandu waleṙumo nyi Ruwa, luwalungye na Kristo.

2 Wakorinto 2:17 ပူးပေါင်းရင်းမြစ်များ

Matayo 24:24

Cha kyipfa wechiwoneka makristo wa wongo, na weonguo shisuku ga wongo, nawo wechiwuta ṟigo tsing'anyi na shiṟiyisho; waiṙime imuṙetsa, cha kyikaiṙimika, mṟasa wai wasambuṟe.

Mawuto Ga Wasu 20:20

Kye ngyileṙa imuongoya kyindo kyoose kyechimuendie nyoe kyiira-pfo, kyaindi ngyilemulosha kulawoṙe iṟikyia kyindo, na numba kui numba,

Mawuto Ga Wasu 20:27

Cha kyipfa ngyileṙa imuongoya mbonyi tsa orio kyindo Ruwa akundi-pfo.

1 Wakorinto 5:8

Kyasia luwaṙe mṟumoe, chi kui chachu ya kacha-pfo, maa kui chachu ya wuwicho-pfo, indi kui shindo shilechitarang'ia, nyiwo wuilyi wo mrima na wuloi.

2 Wakorinto 1:12

Cha kyipfa ikushela lyaṙu nyi ilyi, iṟingyishia lya kyilya mrima yaṙu iwonyi kye kyikyicha, kye kui wuele na ngoo ngyiilyi iwukyie ko Ruwa; chi kui wuṟango wo mmbiu-pfo, indi kui isaṟia lya Ruwa; lulewaṙa mchumie wuyanenyi, na ngoseṟa konyu nyoe.

2 Wakorinto 1:18

Kyaindi chandu Ruwa ai msimiri, ṙeṙo lyaṙu konyu chi “Yee” na “Ote-pfo.”

2 Wakorinto 11:11

Kyitewe ny' kyi? Ngyesa nyi kyipfa nygilamukundi nyoe? Ruwa naichi.

2 Wakorinto 12:19

Mokusaṟa kye maa wulalu luṙeṙa mbonyi tsekuringa konyu! Mbele ya Ruwa luiṙeṙa kyiiṙi kya Kristo. Na isho shoose, wakunde, nyi kyipfa kya imukarisha nyoe.

2 Wakorinto 4:2

Kyaindi lulelega mbonyi tsa sonu tsikuṟiikyie, maa luichumia kui mtambo-pfo, maa isanza-sanza Ṙeṙo lya Ruwa na wongo, indi kui iṟingyishia loi lukuloṟa kye luwoṙe wusumganyi, kyilya mrima ya wandu iwonyi kye kyikyicha kyeluṟingyishia mbele ya Ruwa.

2 Wakorinto 6:7

Ṙeṙonyi lya loi, pfinyenyi ya Ruwa; kui shisha sha wusumganyi sha kuwoko ko kulyoe na sha kuwoko ko kumoso.

Wagalatia 1:6

Ngyimṟiyie kyipfa muiṙa iwinyi kuṙo ulya alemulaga isaṟienyi lya Kristo, na igalukyia malosho ga mbaṟe ingyi gaigambo kye nyi ndumi ngyicha.

1 Watesalonikye 2:4

indi chandu luleenengo momu o ionguo Ndumi Ngyicha, nyi wuṙo luonguo. Chi cha wandu waichihiṟa wandu-pfo, indi waichihiṟa Ruwa ekyeluyeṟa mrimenyi koṙu.

Tito 1:11

Wawaṟi iimo walaṙeṙe. Iwo wekyefoga-foga woose wa kanyi ko wandu, wechilosha shindo shilawawaṟi kyipfa kya ipfula masaa ga sonu.

Waebrania 11:27

Kui iiṙikyia kawuka Misiri, alaowuoe nyashi ya mangyi, kyipfa nalekarishia cha mndu awonyi ulya alekyewono.

1 Petiro 4:11

Mndu kaṙeṙa, naṙeṙe chandu Ruwa akundi; mndu kaṟunda, naṟunde kui pfinya amwenengye nyi Ruwa; kundu Ruwa naṟumisho shindonyi shoose kui Yesu Kristo. Kyiṟumi na pfinya shikae na oe mlungana na mlungana. Amen.

1 Yohane 4:1

Wakunde, mulaiṙikyie orio mndu agamba kye nawoṙe Mumuyo, indi wayeshenyi mumanye kokooya mumuyo-yo waigamba wawoṙe iwukyie ko Ruwa; cha kyipfa weonguo shisuku wa wongo wafoi wammboneka wuyanenyi.

Yuda 1:4

Kyipfa kuwoṙe wandu walekuwika pfo kui kyiṟika, wandu waleṟeio wookyia kacha ianduyo-lyi, mando mawicho, gekyegaluo isaṟia lya Ruwa oṙu lyiwe ukoe, nawo wekyemkana icho akyeri Ruwa amonyi tikyi, na Mndumii oṙu Yesu Kristo.

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.

Ulogo 19:20

Indo lyilya lyikawoṙo, na moonguo shisuku ulya o wongo hamwi nalyo, ulya alewuta shindo-sho sha maṟiyisho mbele yalyo, shilya alelemba nasho wandu walya waleambilyia kyindo kyilya kyeloṟa kye wo nyi wa indo-lyo, na walya waleterewa na iindia ifano lyalyo. Wewawi wakawiyitso wai na moo iruwenyi lya moṙo lyekyeaka kui kyipiriti.

Ulogo 2:20

Kyaindi ngyiwoṙe ṙeṙo kyipfa kyapfo, kye okyelega kyindo mndu mka ulya ekyelago Yesebelyi akundi-pfo. Ulya ekyegamba kye nyi moonguo shisuku na ilosha waṟundi wako na iwaṙetsa, kundu wawute shindo sha wuṟui na ilya shindo shaṙasio mafano.