2 Wakorinto 2:11 - Kivunjo New Testament 1999

¹¹ Satana alaenengo ṙaawa lyelulemba; cha kyipfa lolemo imanya ngyeṟo tsakye-pfo.

2 Wakorinto 2:11 ပူးပေါင်းရင်းမြစ်များ

Matayo 4:10

Naaho-ng'u Yesu alemmbia, “Wuka iha, Satana, kyipfa kyikyiṟeie, ‘India Mndumii Ruwa opfo, umterewe oe amonyi.’ ”

Luka 22:31

Kagamba, “Simion, Simion; Satana namlanga nyoe namuele cha nganu.

Yohane 13:2

Na kyiyeri kya kyelya kya kyukonyi; Mokyiriinzi naleenenga Yuda, mana o Simion Isikariote, ngoo yemṟiinga.

Mawuto Ga Wasu 1:25

nawe msu handu ha Yuda; kyipfa Yuda nalelekana na soe kayenda handu alewutikyio kyilya kyimmbaṟi.”

1 Wakorinto 7:5

Maa mulaimane, sile kofia kyiyeri moiṙikyiana ko kyiyeri kyifuhi, kundu muwone ṙaawa lyeterewa Ruwa; mukooyane-se kyimmbiu, Satana alachemuyesha kyipfa kya iuṟa meena.

2 Wakorinto 11:14

Maa chi kyindo kyeṟiyio-pfo. Kyipfa Satana oe amonyi nekyekuloṟa cha ilyi nyi malaika o ngyeela.

2 Wakorinto 11:3

Kyaindi ngyiowuo; chandu njoka iya ilelemba Eva kui ngyeṟo tsayo, ilachenyamaṟa makusaṟo ganyu, mukoṙa wunyotsu na wucha wonyu ko Kristo.

2 Wakorinto 4:4

wakyeri kye kyiiṙi kyawo ruwa o wuyana-wu naleshingyia makusaṟo ga iwo walaiṙikyie, walachekooyo nyi ngyeela ya Ndumi Ngyicha ya mng'ano okye Kristo akyeri fana ya Ruwa.

2 Timoteo 2:25

echiikyimbia kui wuoloru iwo waiwingana na oe, kundu kokooya kyaiṙimika, Ruwa nawaenengye iṙumbuya wunyamaṟi na imanya wuloi wo Ndumi Ngyicha.

1 Petiro 5:8

Muwaṙe meena na ilaa kyiṙombo; cha kyipfa mokyituwa onyu Mokyiriinzi, cha simba isepfuo, nekyetenga-tenga, echipfula mndu nammeṟe.

Ulogo 13:8

Na wandu woose wekyekaa urukyenyi wechilyiterewa na ilyiindia, orio mndu rina lyakye lyilalyiṟeie kyitapunyi kya moo kya Kyiondo kya Ruwa, kyileshinjo wookyia wuyana wulagumbo.

Ulogo 2:24

Kyaindi ngammbia nyoe mukyeri Tiatira, woose walawoṙe malosho-go, walaichi ngyeṟo tsa Satana, chandu wekyegamba, ngyechimṙika ṟio lyingyi-pfo.