2 Wakorinto 12:4 - Kivunjo New Testament 1999

⁴ Kye naleiro mṟasa Paradiso, kaicho maṙeṙo galekyeiṙima iṙeṙo, galakyeri sungusinyi mndu igaṙeṙa.

2 Wakorinto 12:4 ပူးပေါင်းရင်းမြစ်များ

Luka 23:43

Yesu kammbia, “Ny'kyaloi, ngakuwia, inu kuṙi nochikaa hamwi na inyi paradiso heonyonya mlungana.”

Mawuto Ga Wasu 8:39

Numa ya iho, kyiyeri walewuka kulya mṟingyenyi, Mumuyo o Mndumii Ruwa karakuo Filyipo; mndu ulya o Kushi alammbone-se. Kayenda kanyi amchihiye.

1 Wakorinto 13:1

Ngaṙeṙa kui mṙeṙie ya wandu na ya malaika, kokooya ngyilawoṙe ikunda, ngawa cha menya iwuta ṟui na mmanga uiṙeṙa.

2 Wakorinto 12:2

Ngyiichi mndu umwi kyiiṙi kya Kristo, hamsia cha maka ikumi na ina wulalu (kye nawekyeri kyiiṙi kya mmbiu ngyiichi-pfo; kye nawekyeri nja ya mmbiu ngyiichi-pfo; Ruwa naichi). Mndu-cho naleirio wuye mṟasa ngyinenyi ya kaṟaaṟu.

1 Watesalonikye 4:17

Naaho-ng'u soe lui ho na moo, luletsugaa ho, Ruwa nechilurakuo na iluṙosia handu hamwi mapuchinyi; kundu luambilyie Mndumii ruwewu; na kuṙo lochikaa hamwi na Mndumii mlungana.

Ulogo 12:5

Na oe kafee mana o kyisoṟo, ulya echichilyia masanga goose kui upoi lo kyichakari. Na mana-cho okye malaika kamrakuo mṟasa ko Ruwa, na kyitimenyi kyakye kya mng'ano.

Ulogo 2:7

Ulya awoṙe kuṙwi, naicho mbonyi-tsi Mumuyo aiwia siṟi. Ulya mowinga, ngyechimwenenga ilya ndunda tsa ikyiṙi lya moo, lyikyeri bustanyinyi ya Ruwa.’ ”