2 Wakorinto 12:2 - Kivunjo New Testament 1999

² Ngyiichi mndu umwi kyiiṙi kya Kristo, hamsia cha maka ikumi na ina wulalu (kye nawekyeri kyiiṙi kya mmbiu ngyiichi-pfo; kye nawekyeri nja ya mmbiu ngyiichi-pfo; Ruwa naichi). Mndu-cho naleirio wuye mṟasa ngyinenyi ya kaṟaaṟu.

2 Wakorinto 12:2 ပူးပေါင်းရင်းမြစ်များ

Luka 24:51

Na kyiyeri aweiwawikyia mboṟa, nalelekana nawo; kaṙoo wuye ruwewu.

Yohane 6:56

Mndu alya mmbiu oko na inyo samu yako nekyekaa kyiiṙi kyako na inyi ngyekyekaa kyiiṙi kyakye.

Mawuto Ga Wasu 14:6

nawo wakamanya mbonyi-tso, waleṙicha wakayenda Lyistira na Deribe, mṟi ya Lyikaonia, na ngyuuruka tsa mṟasenyi;

Mawuto Ga Wasu 22:17

“Kyikawa-ng'u kyiyeri ngyiwewuya na Yerusalemu, kyiyeri ngyiweiterewa ngyikyeri hekalunyi, ngawa cha mndu ailoṙo.

Waroma 16:10

Ngyiiṟikyiṟienyi Apele, amwiṙikyie kyiiṙi kya Kristo. Ngyiiṟikyiṟienyi wandu wa kanyi ko Aristobulo.

Waroma 16:3

Ngyiiṟikyiṟienyi Pirisikyila na Akyila, wandu wai waṟundi hamwi na inyi kyiiṙi kya Kristo Yesu,

Waroma 16:7

Ngyiiṟikyiṟienyi Andironiko na Yunia, washari wako, walepfungo hamwi na inyi, wandu waichio kyiiṙi kya wasu; nawo walengyisongoya inyi iwa Wakristiano.

Waroma 16:9

Ngyiiṟikyiṟienyi Urubano, mndu aiṟunda hamwi na inyi kyiiṙi kya Kristo, na Stakyisi, mkunde oko.

Waroma 8:1

Kyasia-ng'u, wulalu, kuwoṙe ianduyo lya ngapo ko iwo wakyeri kyiiṙi kya Kristo Yesu-pfo.

1 Wakorinto 1:30

Indi kui oe nyoe moiṙima iwa kyiiṙi kya Kristo Yesu, alefeo koṙu cha wuṟango wuwukyie ko Ruwa, na wusumganyi, na wuele, na wukyiṟo;

2 Wakorinto 11:11

Kyitewe ny' kyi? Ngyesa nyi kyipfa nygilamukundi nyoe? Ruwa naichi.

2 Wakorinto 13:5

Kuruwe-ruwenyi muwenyi kye mukyeri iiṙikyienyi. Kuṟingyishienyi muwenyi. Ang'u muichi muwenyi kye Yesu Kristo nakyeri mrimenyi konyu? Sile molego.

2 Wakorinto 5:17

Na kyawa kye, mndu kakaa kyiiṙi kya Kristo nawa mndu mhya; sha kacha shaiṙa, shoose shawa shihya.

2 Wakorinto 5:21

Oe alaichi wunyamaṟi nalemmbuta kyipfa kyaṙu, kundu soe luiṙime iwa wusumganyi wo Ruwa kui oe.

Wagalatia 1:22

Kyaindi ngyilewono kyaam kyako nyi siṟi tsa Uyuda tsiwekyeri kyiiṙi kya Kristo-pfo;

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

Wafilyipi 4:10

Na icho alesoka nyi oe aleirio wuye mnu kuta ngyina tsoose, kundu naichuṟe shindo shoose.

1 Watesalonikye 4:17

Naaho-ng'u soe lui ho na moo, luletsugaa ho, Ruwa nechilurakuo na iluṙosia handu hamwi mapuchinyi; kundu luambilyie Mndumii ruwewu; na kuṙo lochikaa hamwi na Mndumii mlungana.

Waebrania 4:14

Kyasia, kokooya luwoṙe Mkohanyi ang'anyi kuta woose aleiṙa na ruwewu, Yesu Mono-Ruwa, luoshe mnu shilya lokyeṟingyishia.

Waebrania 9:24

Cha kyipfa Kristo aleiṙa na handu haele haleachikyio nyi wandu-pfo, nyicho mfano o handu haele ha loi; indi naleiṙa na ruwewu ya loi nawono wulalu mbele ya Ruwa kyipfa kyaṙu.

Ulogo 1:10

Mumuyo nalecha na koko mfiri o Ruwa. Ngaicho ṟui lying'anyi numa yako, cha ṟui lya iganda,

Ulogo 12:5

Na oe kafee mana o kyisoṟo, ulya echichilyia masanga goose kui upoi lo kyichakari. Na mana-cho okye malaika kamrakuo mṟasa ko Ruwa, na kyitimenyi kyakye kya mng'ano.

Ulogo 4:2

Na cha ilyi Mumuyo kacha na koko; na hakawoneka kyitima kya mng'ano kyikyiwikyie ruwewu na mndu umwi nawekyiṙamilyie.