2 Wakorinto 11:3 - Kivunjo New Testament 1999

³ Kyaindi ngyiowuo; chandu njoka iya ilelemba Eva kui ngyeṟo tsayo, ilachenyamaṟa makusaṟo ganyu, mukoṙa wunyotsu na wucha wonyu ko Kristo.

2 Wakorinto 11:3 ပူးပေါင်းရင်းမြစ်များ

Matayo 24:24

Cha kyipfa wechiwoneka makristo wa wongo, na weonguo shisuku ga wongo, nawo wechiwuta ṟigo tsing'anyi na shiṟiyisho; waiṙime imuṙetsa, cha kyikaiṙimika, mṟasa wai wasambuṟe.

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Waroma 12:8

motutuma, kyiiṙi kya itutuma lyakye; motarama oṙoe, kui mrima mkyesi; mogoṟokyia, kui wuragari; mosaṟia, kui sia.

2 Wakorinto 1:12

Cha kyipfa ikushela lyaṙu nyi ilyi, iṟingyishia lya kyilya mrima yaṙu iwonyi kye kyikyicha, kye kui wuele na ngoo ngyiilyi iwukyie ko Ruwa; chi kui wuṟango wo mmbiu-pfo, indi kui isaṟia lya Ruwa; lulewaṙa mchumie wuyanenyi, na ngoseṟa konyu nyoe.

2 Wakorinto 11:20

Kyipfa mokyeṙuana na mndu echimmbika wutumonyi, na immbutia shindo shiwicho sha orio mbaṟe maa imukapa ipfo kyaam.

2 Wakorinto 11:29

Nyi wui akyeri mfofo, na inyi ngyilawe mfofo? Nyi wui aletewo na mndu inyamaṟa na inyi ngyilawihiyo?

2 Wakorinto 2:17

Cha kyipfa soe chi kyimwi na wandu wafoi wekyekapa mbucha na ulogo lo Ruwa-pfo. Soe luonguo ulogo lo Ruwa kui wuwaṙami wo mrima cha wandu waleṙumo nyi Ruwa, luwalungye na Kristo.

2 Wakorinto 4:2

Kyaindi lulelega mbonyi tsa sonu tsikuṟiikyie, maa luichumia kui mtambo-pfo, maa isanza-sanza Ṙeṙo lya Ruwa na wongo, indi kui iṟingyishia loi lukuloṟa kye luwoṙe wusumganyi, kyilya mrima ya wandu iwonyi kye kyikyicha kyeluṟingyishia mbele ya Ruwa.

Wagalatia 1:6

Ngyimṟiyie kyipfa muiṙa iwinyi kuṙo ulya alemulaga isaṟienyi lya Kristo, na igalukyia malosho ga mbaṟe ingyi gaigambo kye nyi ndumi ngyicha.

Wagalatia 2:4

Indi kyipfa kya wandu walekuloṟa kye waiṙikyie Yesu na kunu waweiṙikyie-pfo, wandu walekulunga na soe kui kyiṟika kundu wamanye mbonyi tsaṙu soe lulawachilyie nyi kyindo kyiiṙi kya Kristo Yesu, kundu ilyi numa waluwikye wusingyenyi.

Wagalatia 3:1

Lanyoe Wagalatia mulawoṙe wuṟango, nyi wui alemloga, nyoe walya Yesu Kristo alemuloṟa na pata kye nalekapio msalabenyi?

Wagalatia 4:11

Ngyikusaṟa mnu kyipfa kyanyu, kyilawe kofia ngyilekuwinisha wulya kyipfa kyanyu.

Wafilyipi 4:14

Kundu lulawe-se wana watutu, lochiwiyitso ipfo na ipfo, na iṙoo nyi orio mkuma o malosho geṙetsa, kui ngyeṟo tsa wandu, kui mbiṟi, lochiosha njia tsa wulembi.

Wafilyipi 4:22

Ṙenyi mbonyi tsa mchumie o kuwooka o mndu o kacha, okyenyamaṟika kui iosha lango tsekyelemba.

Wafilyipi 6:24

Isaṟia lyikae na woose wakundi Mndumii oṙu Yesu Kristo kui njia ilawoṙe inyamaṟika.

Wakolosai 2:18

Mndu alamusokye wori wonyu, kui iindia chandu akukundia amonyi tikyi, na iindia malaika, echikuloṟa shindonyi amloṟe indi shilai sha loi echikushela, kui wuṟango wokye wo kyimmbiu.

Wakolosai 2:4

Ngyigamba mbonyi-tsi, mndu alachemulemba kui maṙeṙo ga wulembi.

Wakolosai 2:8

Mndu alachemuṙetsa kui wuṟango wokye na wulembi wulawoṙe kyiira, kui mbaṟe ya malosho ga shilya wandu wekyeambilyia ko waku wawo, kui mbaṟe ya malosho ga kuwooka ga wuyana, maa chi kui mbaṟe ya Kristo-pfo.

1 Watesalonikye 3:5

Koikyo na inyi kyiyeri ngyilaleiṙima ikarishia-se, ngyileṙuma mndu kundu ngyimanye iiṙikyia lyanyu, Satana alache namuyeshe, na ilya wukyiwa lyanyu lyikawa lyiwoṙe kyiira-pfo.

1 Timoteo 1:3

Ngyilekuterewa ukae Efeso, kyiyeri ngyiweiyenda Makyedonia, kundu uime wandu wengyi walaloshe shindo shingyi.

1 Timoteo 2:14

Maa Adamu alelembo-pfo, indi mndu mka nalelembo nakamwi kaṙeko.

2 Timoteo 3:13

Kyaindi wandu wawicho na walya wekyelemba wechiengyeṟika, na iengyeṟa iwa wawicho, wechilemba na ilembo.

Tito 1:10

Cha kyipfa kuwoṙe wandu wafoi walawoṙe wuindi, wawoṙe mbonyi tsa wutondo, walembi, na ngoseṟa Wayuda waiṙikyie Yesu.

Waebrania 13:9

Maa mulaṟaisho nyi malosho ga mbaṟe tsingyi, na mayenu; kyipfa nyi kyicha mrima ukarisho kui isaṟia, maa chi kui shelya shilya walya waleyenda nasho walalewona kyiira-pfo.

2 Petiro 3:17

Kyasia, wakunde, mukosonguo imanya isho, kuringyenyi mrima yanyu, mulacheṙoo nyi maṙeko ga wanyamaṟi-wo, mukooloka na iṙa kyilya muiṙikyie.

2 Petiro 3:3

Mochimanya kuwooka kyindo-kyi kye mfirinyi yefurumia wandu wekyetaluo wechicha na italuo lyawo, wekyeosha lango tsawo wawenyi,

1 Yohane 2:18

Wana wako, nyi kyiyeri kya mafurumionyi; na chandu muleicho kye mowingana na Kristo naicha, maa wulalu wewingana na Kristo wafoi wamuwoneka. Kyipfa kya ikyo luichi kye nyi kyiyeri kya mafurumionyi.

1 Yohane 4:1

Wakunde, mulaiṙikyie orio mndu agamba kye nawoṙe Mumuyo, indi wayeshenyi mumanye kokooya mumuyo-yo waigamba wawoṙe iwukyie ko Ruwa; cha kyipfa weonguo shisuku wa wongo wafoi wammboneka wuyanenyi.

Yuda 1:4

Kyipfa kuwoṙe wandu walekuwika pfo kui kyiṟika, wandu waleṟeio wookyia kacha ianduyo-lyi, mando mawicho, gekyegaluo isaṟia lya Ruwa oṙu lyiwe ukoe, nawo wekyemkana icho akyeri Ruwa amonyi tikyi, na Mndumii oṙu Yesu Kristo.

Ulogo 12:15

Njoka ikawuta ṙumbunyi koyo, numa ya mndu mka ulya, mṟinga cha pichi, kundu naṙoo nyi pichi-lyo.

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.

Ulogo 20:2

Kawaṙa injoka lyilya, injoka lyilya lya kacha, Mokyiriinzi ang'u Satana, kalyipfunga maka kyiku.