2 Wakorinto 11:20 - Kivunjo New Testament 1999

²⁰ Kyipfa mokyeṙuana na mndu echimmbika wutumonyi, na immbutia shindo shiwicho sha orio mbaṟe maa imukapa ipfo kyaam.

2 Wakorinto 11:20 ပူးပေါင်းရင်းမြစ်များ

Mariko 12:40

Wekyesoka wakusu shindo shawo, na kui wukulembecheṟi iterewa shiterewo shileshi. Iwa wechiwona ianduyo lying'anyi.”

Luka 6:29

Mndu kakukapa ura lumwi, mgalutsie ura lo kawi, na mndu akusoka ijoho lyapfo, ulamwime maa iwale.

1 Wakorinto 4:11

Maa kyiyeri kya wulalu, luwoṙo nyi njaa na nyoṙa, lukyeri kyiṟanguoe, lukapo nzina, lyingyi-se luwoṙe kanyi-pfo.

2 Wakorinto 1:24

Chi kye luichilyia iiṙikyia lyanyu-pfo; indi lukyeri watarami wa sia yanyu; kyipfa kui iiṙikyia lyanyu mugoṟokyi.

2 Wakorinto 10:5

lochinyamaṟa makusaṟo na orio kyindo kyekyeshingyia, kyekyeshingyia wuṟango wo Ruwa, na lochichilyia orio mndu naiṙime iindia Kristo.

2 Wakorinto 11:3

Kyaindi ngyiowuo; chandu njoka iya ilelemba Eva kui ngyeṟo tsayo, ilachenyamaṟa makusaṟo ganyu, mukoṙa wunyotsu na wucha wonyu ko Kristo.

2 Wakorinto 12:16

Kyaindi kyikuwiie kuṙo, inyi ngyilewa ṟio konyu-pfo; indi nyoe muigamba kye kui iwa mṟango ngyilewawaṙa kui ngyeṟo.

Wagalatia 2:4

Indi kyipfa kya wandu walekuloṟa kye waiṙikyie Yesu na kunu waweiṙikyie-pfo, wandu walekulunga na soe kui kyiṟika kundu wamanye mbonyi tsaṙu soe lulawachilyie nyi kyindo kyiiṙi kya Kristo Yesu, kundu ilyi numa waluwikye wusingyenyi.

Wagalatia 4:25

Kyipfa Hajiri nyi cha fumvu lya Sinai lyikyeri urukyenyi lo Waarabu, lyilyingananyi na Yerusalemu ya wulalu; cha kyipfa nekyeṟunda hamwi na wana.

Wagalatia 4:3

Na wuṙo na soe, kyiyeri luwekyeri wana watutu, lukowa watumo wa mumuyo ichilyie wuyana.

Wagalatia 4:9

Indi wulalu mommanye Ruwa, ang'u ngoseṟa Ruwa imumanya nyoe, nyi kyikyi kyitewe kyewiyilyia malosho ga mawookyionyi gamafofo, gai mti, galya mukundi igaṟundia-se?

Wagalatia 5:1

Kyiiṙi kya iwa wana wa mka o wolyi Kristo nalelugaluo wandu walakyeri wuchilyinyi wo kyindo kyoose. Koikyo maa mulalolome, maa ichilyio-se nyi wutumo.

Wagalatia 5:10

Kyiiṙi kya Mndumii ngyikusaṟie kye moiṙima iwaṙa makusaṟo ga mbaṟe ingyi-pfo. Kyaindi mndu oose aimuenenga wuowu nechianduyo.

Wagalatia 6:12

woose wakundi iwono kye nyi wandu wecha ko mbonyi tsa mmbiu nyiwo waimuitika iṙino; kundu walalyiso wukyiwa nyi msalaba o Kristo tikyi.

Waefeso 3:19

Mafurumionyi gawo nyi irumatso, ruwa owo nyi lango tsa mmbiu, wekyekushelyia shindo sha sonu, na iwinia shindo sha kunu wuyanenyi.

1 Watesalonikye 2:5

Kyipfa chandu muichi lulewaṙa maṙeṙo gepfula ikundo maa kyiyeri kyifuhi-pfo. Maa maṙeṙo gemuiring'ishia kya wongo gawewoṙe kyimaṙuma kyeṟika wuehi wo mrima yaṙu-pfo, na Ruwa nyi oe mṟingyishi.