2 Wakorinto 11:18 - Kivunjo New Testament 1999

¹⁸ Cha kyipfa wafoi waikushela kui mbaṟe ya kyimndu na inyi ngyekushela.

2 Wakorinto 11:18 ပူးပေါင်းရင်းမြစ်များ

1 Wakorinto 4:10

Soe luwatondo kyipfa kya Kristo, kyaindi nyoe muwoṙe wuṟango kyiiṙi kya Kristo. Soe luwafofo, kyaindi nyoe muwoṙe pfinya; nyoe muwoṙe kyiṟumi, indi soe luindio-pfo.

2 Wakorinto 1:17

Kyasia, kyiyeri ngyilekunda iwuta isho, ngyesa ngyileilacha kyilya ngyiweteṟie? Ang'u isho ngyikundi iwuta ngyikundi ishiwuta kui mbaṟe ya mmbiu kye shiwe kuṙi koko, igamba “Yee, yee,” na chi “Ote, ote-pfo?”

2 Wakorinto 11:12

Kyaindi kyindo ngyiwuta ngyekyiwuta, kundu ngyiwingane na iwo waipfula ṙaawa walawone, kundu kyindo-kyo waikushelyia wawono wakyeri cha soe.

2 Wakorinto 12:1

Kyangyikooya ikushela, maa chandu kyilakyicha; kyaindi ngyegamba shindo Mndumii alengyiloṟa ngyikyeri cha mndu ailoṙo na ingyishukuya.

2 Wakorinto 12:11

Ngawa tondo, nyi nyoe mulengyitewe. Kyipfa kyiwekyiwaṟi nyoe mungyiṟumishe, kyipfa kuwoṙe kyindo wasu wang'anyi walengyiiṟa nakyo-pfo, maa chandu ngyilakyeri kyindo.

2 Wakorinto 12:9

Na oe kangyiwia, “Isaṟia lyako lyikushikyie; kyipfa wuiṙimi woko wokyeafukyia wufofonyi.” Kyasia ngyekushelyia wufofo woko kui sia ing'anyi, kundu wuiṙimi wo Kristo wukae na inyi.

2 Wakorinto 5:16

Na kyawa soe wookyia wulalu luichi mndu oose kui mbaṟe ya mmbiu-pfo. Maa chandu soe lulemanya Kristo kui mbaṟe ya mmbiu, kyaindi wulalu lumwichi-se kuṙo-pfo.

1 Petiro 1:24

Kyipfa, “Mmbiu oose nyi cha maṟa, na mng'ano ocho nyi cha kyiwaṟo. Maṟa gekyeuma na shiwaṟo shekyeoloka.