2 Wakorinto 10:7 - Kivunjo New Testament 1999

⁷ Ambuyenyi shikyeri mbele ya meso ganyu. Mndu kawona oe amonyi kye nyi mndu o Kristo, nawekusaṟe kuṙi taa mrimenyi kokye, kye chandu oe akyeri mndu o Kristo, nyi wuṙo na soe.

2 Wakorinto 10:7 ပူးပေါင်းရင်းမြစ်များ

Matayo 23:5

Lyingyi-se mmbutie yawo yoose nyi kundu wawono nyi wandu; cha kyipfa shichonyi-sho shishiṟeie maṙeṙo ga Ruwa wekyeṟaa shaamunyi shawo na mawoko nyi shing'anyi mnu, na makyechu ga mkoṟoṟi yawo gangyilesheṟe mnu.

Luka 16:15

Kawawia, “Nyoe mokyekushelyia wusumganyi mbele ya wandu, kyaindi Ruwa naichi mrima yanyu; cha kyipfa kyindo kyang'anyiso ko wandu kyekyewa wusutsu mbele ya Ruwa.

Yohane 7:24

Kyasia mulaanduye mndu kui imwambuya ipfo kyanja, indi anduyenyi wandu kui sungusinyi.”

1 Wakorinto 1:12

Kyasia, kyindo ngyigamba nyi ikyi, kye orio mndu o konyu nekyegamba, “Inyi nyi o ura lo Paulo,” na “Inyi nyi o ura lo Apolo,” na “Inyi nyi o ura lo Kyefa,” na “Inyi nyi o ura lo Kristo.”

1 Wakorinto 14:37

Mndu kakuwona kye oe nyi moonguo shisuku ang'u mndu o kyimrima, namanye isho ngamuṟeia, kye nyi mawawaso ga Mndumii.

1 Wakorinto 15:23

Kyaindi orio umwi handu hakye; o kuwooka iṟuka ko wapfu nyi Kristo; numa walya wakyeri wa Kristo, kyiyeri echicha.

1 Wakorinto 3:23

Na nyoe nyi wandu wa Kristo, na Kristo nyi o Ruwa.

1 Wakorinto 9:1

Ngyesa inyi chi mndu alamchilyie nyi kyindo kyoose-pfoe? Inyi chi msu-pfoe? Inyi ngyilewona Yesu Mndumii oṙu-pfoe? Nyoe chi kyilyimu kya inyi iṟundia Mndumii-pfoe?

2 Wakorinto 10:1

Kyasia, inyi Paulo ngyimonyi ngyimuterewa kui wuhoo na wuyendelyi wo Kristo, inyi ngyikyeri msimiri ngyikyeri hamwi na nyoe, indi ngyilakyeri ho ngyiwoṙe wuṟango na wukari konyu.

2 Wakorinto 11:18

Cha kyipfa wafoi waikushela kui mbaṟe ya kyimndu na inyi ngyekushela.

2 Wakorinto 11:23

Wo nyi waṟundi wa Kristo? (Ngyiṙeṙa cha msuko), inyi nyi ngoseṟa. Wukyiwenyi nyi ngoseṟa mnu; shipfungonyi nyi ngoseṟa mnu; kyiiṙi kya ikapo nyi ngoseṟa na kuta; kyiiṙi kya ikyia upfu kyiyeri kyileshi.

2 Wakorinto 11:4

Kyipfa mndu oose kacha eonguo Yesu ungyi lulalemwonguo soe, ang'u mukoambilyia mumuyo ungyi alakyeri cha ulya muleambilyia, ang'u ndumi ngyicha ingyi ilakyeri cha iya muleambilyia, muwuta necha iṙuana na oe!

2 Wakorinto 12:11

Ngawa tondo, nyi nyoe mulengyitewe. Kyipfa kyiwekyiwaṟi nyoe mungyiṟumishe, kyipfa kuwoṙe kyindo wasu wang'anyi walengyiiṟa nakyo-pfo, maa chandu ngyilakyeri kyindo.

2 Wakorinto 13:3

Cha kyipfa muipfula chandu Kristo akyeri, icho aiṙeṙa mrimenyi koko, ulya alakyeri mfofo konyu, indi nawoṙe pfinya mrimenyi konyu.

2 Wakorinto 5:12

Kyipfa luikushela luwenyi mbele yanyu-se-pfo, indi lumuenenga kyimaṙuma kya ikushela kyipfa kyaṙu, kundu muiṙime iwaṙa kyindo kyeloṟa mbele ya iwo waikushela ko shindo sha nja tikyi, maa chi shindo sha mrimenyi-pfo.

Wagalatia 3:29

Na kokooya nyoe nyi wandu wa Kristo, kyasia mowa wana wa Abrahamu, na weoṟa iṙuana na kyaasa.

1 Yohane 4:6

Soe luwoṙe mumuyo uwukyie ko Ruwa. Ulya aichi Ruwa nekyeluaṙanyia; ulya alawoṙe mumuyo uwukyie ko Ruwa ekyeluaṙanyia-pfo. Kyipfa kya ikyo luichi Mumuyo o loi, na mumuyo o wuṙetsi.