2 Wakorinto 10:18 - Kivunjo New Testament 1999

¹⁸ Kyipfa mndu moiṙikyio chi ulya ekyekushela-pfo, indi nyi ulya ekyeṟumisho nyi Mndumii.

2 Wakorinto 10:18 ပူးပေါင်းရင်းမြစ်များ

Luka 16:15

Kawawia, “Nyoe mokyekushelyia wusumganyi mbele ya wandu, kyaindi Ruwa naichi mrima yanyu; cha kyipfa kyindo kyang'anyiso ko wandu kyekyewa wusutsu mbele ya Ruwa.

Yohane 12:43

Cha kyipfa walekunda iṟumisho nyi wandu kuta iṟumisho nyi Ruwa.

Mawuto Ga Wasu 2:22

“Nyoe wasoṟo wa Isiraelyi, aṙanyienyi mbonyi-tsi: Yesu awukyie Nasareti, mndu Ruwa alemloṟa konyu kui ṟigo na shindo sheṟiyisha, Ruwa aletsiwuta amonyi, chandu nyoe muichi.

Waroma 14:18

Kyipfa ulya aiṟundia Kristo mbonyi-tso tsekyechihiṟa Ruwa, na lyingyi-se nekyeiṙikyio nyi wandu.

Waroma 16:10

Ngyiiṟikyiṟienyi Apele, amwiṙikyie kyiiṙi kya Kristo. Ngyiiṟikyiṟienyi wandu wa kanyi ko Aristobulo.

Waroma 2:29

Indi oe nyi Myuda ai Myuda o mrimenyi; na iṙino nyi lya mrima, Mumuyonyi o Ruwa, chi shiṟeionyi-pfo. Uwawaso-lo kyiṟumi kyalo kyilekyewuka ko wandu indi ko Ruwa.

1 Wakorinto 11:19

cha kyipfa kyiwaṟi konyu kuwaṙe iṙeṙa wongo; kundu walya wawalage loi wamanyikye konyu.

1 Wakorinto 4:5

Kyasia nyoe mulangyianduye kye ngyimmbicho kyipfa kya kyindo kyoose kyiyeri kyilashika, mṟasa ilyi Mndumii echicha; ulya echiloṟa shilya shikuṟiikyie meemenyi, na iloṟa makusaṟo gakyeri mrimenyi; nyi lyo-ndu orio mndu echiwona kyiṟumi kyakye ko Ruwa.

2 Wakorinto 10:12

Cha kyipfa lochikaria ikutala hamwi na wandu waata wa iwo wekyekushela wawenyi, maa ikulyingatsana nawo-pfo. Wandu wekyekuloṟa kye wo nyi kyiyeṟo kyekuyeṟa, na wandu wekyekulyingatsana wo wenyi ko wenyi nyi matondo.

2 Wakorinto 13:7

Na soe luiterewa Ruwa, maa mulawute kyindo kyoose kyiwicho. Chi kundu soe lukuloṟe kye luwaiṙikyie-pfo, indi nyoe muwute kyilya kyikyicha, maa chandu soe lukyeri cha wandu walelego.

2 Wakorinto 3:1

Ngyesa luwooka-se ikushela luwenyi? Ang'u lukundi-se cha iwo wengyi, paruo tsiwoṙe kyiṟumi tsiche na konyu, ang'u iwuka konyu?

2 Wakorinto 5:12

Kyipfa luikushela luwenyi mbele yanyu-se-pfo, indi lumuenenga kyimaṙuma kya ikushela kyipfa kyaṙu, kundu muiṙime iwaṙa kyindo kyeloṟa mbele ya iwo waikushela ko shindo sha nja tikyi, maa chi shindo sha mrimenyi-pfo.

2 Wakorinto 6:4

Indi orio kyindonyi luiwuta luwone kyiṟumi kyicha, cha waṟundi wa Ruwa; kui wusimiri wung'anyi, wukyiwenyi, fowenyi, matuuronyi.

2 Timoteo 2:15

Pfuṟukana iloṟa kye numwiṙikyie nyi Ruwa, mṟundi alawoṙe kyitewe kyerigo nyi sonu, na ilosha necha Ndumi Ngyicha.

1 Petiro 1:7

Kundu kye iyesho kui iiṙikyia lyanyu, lyilya lyiwoṙe woguru wung'anyi kuta sahapu yekyenyamaṟika, maa chandu sahapu-yo yekyeyeṟo kui moṙo; muambilyie iṟumisho na kyiṟumi mfiri ulya Yesu Kristo echiloṟo.