2 Wakorinto 10:1 - Kivunjo New Testament 1999

¹ Kyasia, inyi Paulo ngyimonyi ngyimuterewa kui wuhoo na wuyendelyi wo Kristo, inyi ngyikyeri msimiri ngyikyeri hamwi na nyoe, indi ngyilakyeri ho ngyiwoṙe wuṟango na wukari konyu.

2 Wakorinto 10:1 ပူးပေါင်းရင်းမြစ်များ

Matayo 11:29

Waṙilyienyi iṟunda-lyi ngyimṙambika, mukuloshe koko; kyipfa inyi ngyimhoo na muindi mrimenyi; na nyoe mochiwaṙa ufoṟo mrimenyi konyu.

Matayo 21:5

“Wienyi mṟi o Sion, mangyi opfo naicha na kopfo, namhoo, na oe naṙamie wuye ya nzoi. Na igache lya nzoi, mana o nzoi.”

Mawuto Ga Wasu 8:32

Na kyifunjoe kya shiṟeio shiele aweisoma nyi ikyi: “Naleṙoo handu heshinjia cha ondo, na chandu ondo lyekyetsia sau mbele ya ulya ailyiṙumbuo mberi, na wuṙo oe alaiṙeṙa kyindo.

Waroma 10:20

Na Yesaya awoṙe wuṟango na wukari wung'anyi, naigamba, “Ngyilekooyo nyi iwo walekyengyipfula, ngyileṟingyishio ko iwo walaiwesa mbonyi tsako.”

Waroma 12:1

Kyasia, wana wa wama wako, ngyimuterewa, kui ihooṟia lya Ruwa, wutenyi mmbiu yanyu iwe kyiṙaso kyiwoṙe moo, kyiele, kyechihiṟa Ruwa, ilyi nyilyo iindia na iterewa Ruwa lyilyicha na lya loi.

Waroma 15:15

Indi ngyimuṟeia, kui wukari ngoseṟa ngyuurenyi tsingyi tsa paruo-i, cha imukumbuṟa, kui isaṟia lyilya ngyileenengo nyi Ruwa,

1 Wakorinto 2:3

Na inyi ngyiwekyeri konyu wufofonyi na wuowunyi na iṙeṙema lying'anyi.

1 Wakorinto 4:10

Soe luwatondo kyipfa kya Kristo, kyaindi nyoe muwoṙe wuṟango kyiiṙi kya Kristo. Soe luwafofo, kyaindi nyoe muwoṙe pfinya; nyoe muwoṙe kyiṟumi, indi soe luindio-pfo.

1 Wakorinto 4:21

Mukundi kuṙa? Ngyiche na konyu na msengye, ang'u ngyiche ikundenyi na mrimenyi o wuhoo?

2 Wakorinto 10:10

Kyipfa wekyegamba, paruo tsakye tsingyikari na tsioweshie; indi akyeri amonyi kyimmbiu namfofo, na maṙeṙo gakye chi kyindo-pfo.

2 Wakorinto 10:2

Yee, ngyiterewa kye ngyikyeri ho ngyilawaṙe wuṟango na wukari cha wulya ngyiwoṙe ko walya wekyelushitakyi kye soe lokyeosha shindo sha kyiwuyana.

2 Wakorinto 10:7

Ambuyenyi shikyeri mbele ya meso ganyu. Mndu kawona oe amonyi kye nyi mndu o Kristo, nawekusaṟe kuṙi taa mrimenyi kokye, kye chandu oe akyeri mndu o Kristo, nyi wuṙo na soe.

2 Wakorinto 11:21

Ngyiṙeṙa kui mbaṟe ya wufofo cha ilyi luwewafofo. Kyaindi kokooya mndu awoṙe wuṟango na wukari kyindonyi kyoose (ngyiṙeṙa kyitondo), maa inyi ngyiwoṙe wuṟango na wukari.

2 Wakorinto 11:30

Kyikangyikooya ikushela, ngyekushelyia wufofo woko.

2 Wakorinto 12:5

Ko mbonyi tsa mndu cha icho ngyekushela; kyaindi kyipfa kyako ngyekushela-pfo, sile mbonyinyi tsa wufofo woko.

2 Wakorinto 3:12

Kyasia, kyipfa luwoṙe iweṙelyia lya mbaṟe-i luwika wuragari na wukari wung'anyi.

2 Wakorinto 5:20

Kyasia soe luiṙeṙa handu ha Kristo, cha ilyi Ruwa naiterewa kui maṙumbu gaṙu, lumuterewa nyoe kyipfa kya Kristo musanzo na Ruwa.

2 Wakorinto 6:1

Na soe lukoṟunda handu hamwi na oe lumuterewa maa mulaambilyie isaṟia lya Ruwa wulya.

2 Wakorinto 7:4

Ngyiwoṙe wukari wung'anyi konyu; ngyiwoṙo nyi ikushela lying'anyi kyipfa kyanyu. Ngyiichuo nyi iwiyiṟio moo, wukyiwenyi woṙu woose ngaichuo sia ya ngosera.

Wagalatia 4:13

Kyaindi muichi kye ngyilemuongoya Ndumi Ngyicha lya kuwooka kyipfa kya wufafa wo mmbiu.

Wagalatia 5:2

Inyi Paulo ngammbia nyoe kye, mukoṙino, Kristo echiwaṙa kyiira konyu-pfo.

Wafilyipi 3:1

Kyipfa kya ikyo inyi Paulo nyi mpfungo o Kristo Yesu kyipfa kyanyu nyoe wandu mulaiṙikyie Ruwa;

Wafilyipi 4:1

Koikyo ngyimuterewa, inyi ngikyeri mpfungo kyiiṙi kya Mndumii, mukae chandu kyiwaṟi kyilya mulelagio.

Waefeso 4:5

Wuhoo wonyu wumanyikye ko wandu woose. Mndumii nakyeri kufuhi.

Wakolosai 1:23

Mukokuwaṙa na isaṟia lyilya tikyi, muwawikye wuye ya urende, mukokarisho; mulandeilacho na iṙa ikusuria lya Ndumi Ngyicha muleicho mbonyi tsayo, ileongoyo ko shindo shoose shigumbe shikyeri wuyanenyi, ikyeri kye inyi Paulo ngyiwekyeri mṟundi oyo.

2 Watesalonikye 3:17

Shiiṟikyiṟo shako inyi Paulo, inyi ngyimonyi. Ikyi nyikyo kyindo kyeloṟa orio paruo; nyi kuṙo ngyekyeṟeia.

Filemon 1:19

Inyi Paulo ngaṟeia kui kuwoko koko ngyimonyi, inyi ngyechitaa. Ngyikuwia kye nuwoṙe sile yako kyipfa ngyilekukyiṟa kyimrima-pfo.

Filemon 1:9

kyaindi kyipfa kya ikunda ngyikuterewa, cha kyipfa nyi chandu ngyikyeri, Paulo ngyikyeri meeku, na wulalu mpfungo o Kristo Yesu taa.

1 Petiro 2:11

Wakunde, ngyimuterewa cha wandu waiiṙa na wakyaro, lekanenyi na lango tsa mmbiu tsekyewingana na mrima.

Ulogo 1:9

Inyi Yohane, mono-wama onyu ekyelya wukyiwa hamwi na nyoe, na Wumangyi na iweṙelyia Yesu Kristo, ngyiwekyeri kyiṟingyitinyi kyekyelago Patimo, kyipfa ngyilekongaonguo Ṙeṙo lya Ruwa na wuṟingyishi wuleloṟo nyi Yesu.