2 Wakorinto 1:9 - Kivunjo New Testament 1999

⁹ Yee, soe luwenyi luwewoṙe ianduyo lya upfu mrimenyi koṙu, kundu lulachekusuria kya mrima yaṙu, indi lukusurie Ruwa, moṟutsa wapfu.

2 Wakorinto 1:9 ပူးပေါင်းရင်းမြစ်များ

Luka 18:9

Kawia mfano wandu walekuloṟa kye wo nyi wandu wawoṙe wusumganyi, wechipiṟa wengyi woose.

Waroma 8:36

Chandu kyikyiṟeie kye, “Kyipfa kyapfo luiwoogo kyingoto puti, luwatale cha moondo geshinja.”

2 Wakorinto 1:10

Alelukyiṟa soe upfunyi lung'anyi kuṙo; lyingyi-se nelukyiṟa. Ulya lulekusuria kye neengyeṟa ilukyiṟa.

2 Wakorinto 1:8

Kyipfa, wana wa wama, lukundi muṙe mulamanya mbonyi tsa wukyiwa wulya wung'anyi wulelukooya kulya Asia-pfo. Kye lulelemio mnu kuta chandu luwechiiṙima, mṟasa lukopfiiyo nyi mṙoe kye luwechiiṙima-se ikaa na moo-pfo.

2 Wakorinto 3:5

Chi kye soe lochiiṙima iwuta kyindo kyoose kui pfinya tsaṙu luwenyi-pfo, wuiṙimi woṙu woose wuwukyie ko Ruwa.

2 Wakorinto 4:7

Kyaindi luwoṙe wunjama-wu shindonyi sha teri, kundu pfinya ing'anyi ya wuiṙimi iwe ko Ruwa, maa chi iwuka koṙu-pfo.

Waebrania 11:19

echiwona kye Ruwa neiṙima imṟutsa iwuka ko wapfu; Abrahamu kawona-se Isakyi iwuka upfunyi kui mfano.