2 Wakorinto 1:7 - Kivunjo New Testament 1999

⁷ Na ikusuria lyaṙu kyipfa kyanyu lyilolomie-pfo, lochimanya kye chandu muwekyeri wandu walewetuuro nyi matuuro galya, na wuṙo mulewewutio iwiyiṟio moo lyilya.

2 Wakorinto 1:7 ပူးပေါင်းရင်းမြစ်များ

Matayo 23:30

na igamba, ‘Kokooya soe luwekyeri pfo kyiyeri kya kacha kya waku waṙu, luwechisanza nawo ipusuo samu ya weonguo shisuku-pfo.’

1 Wakorinto 10:13

Nyoe muleyesho, sile kyiyesho kyilya kyekyecha na ko wandu woose-pfo. Indi Ruwa nekyeafutsia shilya ateṟia. Ruwa ulya alechimuṙa nyoe muyesho kuta wuiṙimi wonyu. Kyaindi hamwi na kyiyesho kyilya nechiwika na moongo o fumia, kundu muiṙime ikarishia.

2 Wakorinto 1:14

Na wuṙo chandu muleṟingyishia mbonyi tsaṙu kyitutu, kye soe nyi kyimaṙuma kya ikushela lyanyu, chandu nyoe mukyeri koṙu, mfiri ulya Mndumii oṙu Yesu echicha lya kawi.

2 Wakorinto 12:20

Kyipfa ngiowuo, ngyilachemukooya chandu ngyilakundi imukooya mukongyiwona konyu chandu mulawekusurie ingyiwona ngyilachekooya kofia nyi wuṟiingyi na wunyeng'i, na nyashi, na maluyano, na iiriana wongo, na iṙeṙana, na makushelo, na kyituṟu.

2 Wakorinto 7:9

Wulalu ngyimchihiye, chi kyipfa kya nyoe iwona fowa-pfo, indi kyipfa kya ilyi mulewona fowa, mṟasa mukoṙumbuya wunyamaṟi. Kyipfa mulewona fowa kyipfa kya Ruwa, kundu mulaṙetse kyindo kyipfa kya kyindo lulewuta soe.

2 Timoteo 2:12

Kokooya losimiria, lochichilyia hamwi na oe. Kokooya lomkana oe, na oe nelukana soe.

2 Timoteo 3:11

na ikunda, na ikarishia. Lyingyi-se na ngyuukyiwa na matuuro gako. Shindo shilengyikooya kulya Antiokyia, kulya Ikonio, na kulya Lyistira. Orio mbaṟe ya wukyiwa wung'anyi ngyilekarishia; na Mndumii nalengyikyiṟa iwuka isho shoose.

Yakobo 1:12

Agusu mndu ekyekarishia shiyesho; cha kyipfa kamwiṙikyio neambilyia wori wo moo, wulya Mndumii aṟeyeṟie walya wamkundi.

Ulogo 1:9

Inyi Yohane, mono-wama onyu ekyelya wukyiwa hamwi na nyoe, na Wumangyi na iweṙelyia Yesu Kristo, ngyiwekyeri kyiṟingyitinyi kyekyelago Patimo, kyipfa ngyilekongaonguo Ṙeṙo lya Ruwa na wuṟingyishi wuleloṟo nyi Yesu.