2 Wakorinto 1:18 - Kivunjo New Testament 1999

¹⁸ Kyaindi chandu Ruwa ai msimiri, ṙeṙo lyaṙu konyu chi “Yee” na “Ote-pfo.”

2 Wakorinto 1:18 ပူးပေါင်းရင်းမြစ်များ

Yohane 7:28

Kyasia Yesu kakuilenga kulya hekalunyi, kalosha echigamba, “Inyi mungyiichi, na kundu ngyiwukyie muichi; maa ngyilecha kui wuchilyi woko ngyimonyi-pfo. Ulya alengyiṙuma nyi o loi indi mumwichi-pfo.

Yohane 8:26

Ngyiwoṙe shindo shifoi shegamba na sheanduya kyipfa kyanyu; kyaindi ulya alengyiṙuma nyi o loi, na inyi shilya ngyileicho kokye nyisho ngyishionguo iha wuyanenyi.”

1 Wakorinto 1:9

Ruwa nekyeafutsia shilya agamba, ulya alemulaga nyoe mukae handu hamwi na Mono-kye, Yesu Kristo Mndumii oṙu.

2 Wakorinto 1:23

Kyaindi inyi ngyilaga Ruwa nawe mṟingyishi o mrima oko, kye, kui iwawonia wukyiwa ngyilandeshikye Korinto-pfo.

2 Wakorinto 11:31

Ruwa, Awu o Mndumii Yesu, awaṟi kyiṟumi mṟasa mlungana, naichi kye ngyiṙeṙa wongo-pfo.

2 Wakorinto 2:17

Cha kyipfa soe chi kyimwi na wandu wafoi wekyekapa mbucha na ulogo lo Ruwa-pfo. Soe luonguo ulogo lo Ruwa kui wuwaṙami wo mrima cha wandu waleṙumo nyi Ruwa, luwalungye na Kristo.

2 Wakorinto 6:8

Kui kyiṟumi na sonu; kui iṙeṙo uwicho na iṙeṙo necha; cha wandu wailemba, indi lukyeri wandu wa loi.

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.

Ulogo 3:14

“Na ko malaika o siṟi ikyeri Laodikyia ṟeia: ‘Ishi nyisho agamba ulya akyeri Amen. Mṟingyishi ekyeafutsia shilya ateṟia na o loi, mawookyionyi ga shindo shoose Ruwa agumbie.

Ulogo 3:7

“Na ko malaika o siṟi ikyeri Filadelyifia ṟeia: ‘Ishi nyisho agamba ulya akyeri mweele, na akyeri o loi, awoṙe na upfunguo lo Dawidi, ulya mopfunguo maa kulawoṙe mopfunga, na oe nekyepfunga maa kuwoṙe ekyepfunguo-pfo. Ngyiichi mawuto gapfo.