2 Wakorinto 1:12 - Kivunjo New Testament 1999

¹² Cha kyipfa ikushela lyaṙu nyi ilyi, iṟingyishia lya kyilya mrima yaṙu iwonyi kye kyikyicha, kye kui wuele na ngoo ngyiilyi iwukyie ko Ruwa; chi kui wuṟango wo mmbiu-pfo, indi kui isaṟia lya Ruwa; lulewaṙa mchumie wuyanenyi, na ngoseṟa konyu nyoe.

2 Wakorinto 1:12 ပူးပေါင်းရင်းမြစ်များ

Mawuto Ga Wasu 23:1

Paulo kaitukuya wandu walya wa halya mengyenyi karii, kagamba, “Wana wa wama wako, inyi kui mrima muyendelyi nakamwi ngyilekaa mbele ya Ruwa mṟasa inu.”

Mawuto Ga Wasu 24:16

Na inyi ngyekyetambagana iichiwia kyindo-kyi ngyiwaṙe mrima ulawoṙe mti mbele ya Ruwa na mbele ya wandu mfiri yoose.

Waroma 9:1

Ngyiṙeṙa loi kyiiṙi kya Kristo, ngyiṙeṙa wongo-pfo, mrima oko ongyiṟingyishia Mumuyonyi Mweele,

1 Wakorinto 1:17

Kyipfa Kristo alengyiṙuma kundu ngyipatise-pfo, indi ngyionguo Mbonyi Ngyicha; maa chi kui wuṟango wo maṙeṙo-pfo, upfu lo Kristo msalabenyi lulacheewa lo wulya.

1 Wakorinto 12:8

Kyipfa mndu umwi kui Mumuyo namwenengye wunyotsu; na ungyi iṙeṙa kui wuṟango chandu Mumuyo ulya ulya akundi.

1 Wakorinto 15:10

Kyaindi kui isaṟia lya Ruwa ngawa kuṙi chandu ngyikyeri; na isaṟia lyikyeri koko chi wulya-pfo, indi ngyileengyeṟa mnu iṟunda kuta wo woose; maa chi inyi-pfo, indi nyi isaṟia lya Ruwa hamwi na inyi.

1 Wakorinto 2:13

Na isho lushionguo, chi kui maṙeṙo gamaloshe kui wuṟango wo kyimndu-pfo, indi gamaloshe nyi Mumuyo, lochitambuluo mbonyi tsa mrimenyi kui maṙeṙo ga mrimenyi.

1 Wakorinto 4:4

Kyipfa ngyiwoṙe kyimaṙuma kyewona kye ngyiwoṙe wuwicho mrimenyi koko-pfo, kyaindi ngyiwono kye ngyiwoṙe wusumganyi kyipfa kya ikyo-pfo; indi ekyengyianduya inyi nyi Mndumii.

1 Wakorinto 5:8

Kyasia luwaṙe mṟumoe, chi kui chachu ya kacha-pfo, maa kui chachu ya wuwicho-pfo, indi kui shindo shilechitarang'ia, nyiwo wuilyi wo mrima na wuloi.

2 Wakorinto 1:17

Kyasia, kyiyeri ngyilekunda iwuta isho, ngyesa ngyileilacha kyilya ngyiweteṟie? Ang'u isho ngyikundi iwuta ngyikundi ishiwuta kui mbaṟe ya mmbiu kye shiwe kuṙi koko, igamba “Yee, yee,” na chi “Ote, ote-pfo?”

2 Wakorinto 11:3

Kyaindi ngyiowuo; chandu njoka iya ilelemba Eva kui ngyeṟo tsayo, ilachenyamaṟa makusaṟo ganyu, mukoṙa wunyotsu na wucha wonyu ko Kristo.

2 Wakorinto 2:17

Cha kyipfa soe chi kyimwi na wandu wafoi wekyekapa mbucha na ulogo lo Ruwa-pfo. Soe luonguo ulogo lo Ruwa kui wuwaṙami wo mrima cha wandu waleṙumo nyi Ruwa, luwalungye na Kristo.

2 Wakorinto 4:2

Kyaindi lulelega mbonyi tsa sonu tsikuṟiikyie, maa luichumia kui mtambo-pfo, maa isanza-sanza Ṙeṙo lya Ruwa na wongo, indi kui iṟingyishia loi lukuloṟa kye luwoṙe wusumganyi, kyilya mrima ya wandu iwonyi kye kyikyicha kyeluṟingyishia mbele ya Ruwa.

2 Wakorinto 8:8

Ngyiṙeṙa kundu ngyimutsindikye-pfo, indi kui wuragari wo wandu wengyi ngyimanye wusimiri wo ikunda lyanyu.

Wagalatia 6:4

Kyaindi orio mndu naeneng'ene iṟunda lyakye amonyi, nyi lyo-ndu eiṙima iwaṙa kyimaṙuma kyekushela mrimenyi kokye tupu, maa chi ko oṙoe-pfo.

Wafilyipi 6:14

Kyasia goṟokyenyi, mukuinewie loi shitsinyi, na iṟaa wusumganyi kyipootenyi,

Waefeso 1:10

muiṙime iambilyia gai mecha; kundu muiṙime iwaṙa mrima ilawoṙe ukoe, kulawoṙe ṙeko, mṟasa mfiri ulya Yesu Kristo echiwuya;

1 Watesalonikye 2:10

Nyoe nyi waṟingyishi, na Ruwa taa, chandu lulekaa konyu nyoe muiṙikyie Yesu, kui wuele, na kui wusumganyi, kulawoṙe igamba kye lowuta kyindo kyiwicho.

1 Timoteo 1:5

Kyaindi kyimaṙuma kya iwawaso-lyo nyi ikunda lyiwukyie mrimenyi mwilyi na makusaṟonyi mecha, na iiṙikyia lyilawoṙe wukulembecheṟi.

Tito 2:7

shindonyi shoose, iyoe kumonyi ochiloṟa mfano o mawuto mecha, na maloshonyi gapfo ochiloṟa wuloi na kulawoṙe temo,

Waebrania 13:18

Luterewienyi; kyipfa luiṙikyie kye luwoṙe makusaṟo mecha mrimenyi, lukundi iwaṙa mkaṟo mcha shindonyi shoose.

Yakobo 4:6

Kyaindi nekyelutarama soe isaṟia lyiengyeṟikyie; koikyo nekyegamba, “Ruwa nekyewingana na walya wekyekuṙosa, indi nekyeenenga isaṟia wekyekutitiṟa.”

1 Petiro 3:16

Na nyoe muwaṙe makusaṟo mecha mrimenyi, kundu orio kyindo mochiirio, warigo nyi sonu walya wekyegamba kye mkaṟo onyu ummbicho maa chandu mulandewute kyindo kyoose kyiwicho.

1 Petiro 3:21

Mfano o shindo-sho nyi wupatiso, wokyemukyiṟa nyoe taa mfiri ya wulalu; (chi kui iwikyia kuleshi ukoe o mmbiu-pfo, indi kyaasa kyilya lokyewikyia Ruwa kya iafutsia shilya loteṟia, lukyeri wandu wekyeosha Yesu), kui iṟuka lya Yesu Kristo.