2 Timoteo 4:8 - Kivunjo New Testament 1999

⁸ Numa ya iho Ruwa nangyikoomie oṟo ya wusumganyi, iya Mndumii moanduya awoṙe wusumganyi echingyienenga mfiri ulya, maa chi inyi tupu-pfo, indi na wandu woose taa wakundi iwona iloṟo lyakye.

2 Timoteo 4:8 ပူးပေါင်းရင်းမြစ်များ

Matayo 24:36

“Kyaindi mbonyi tsa mfiri ulya na saa iya kuwoṙe aichi-pfo, maa malaika wakyeri ruwewu, maa Mana, sile Awu amonyi.

Matayo 7:22

Wafoi wechingyiwia mfiri ulya, ‘Mndumii, Mndumii, luleonguo shisuku kui rina lyapfo, na kui rina lyapfo iwuta waṟufui wawicho, na kui rina lyapfo iwuta shindo shifoi sha maṟiyisho?’

Luka 10:12

Ngammbia kye mfiri ulya kyechiwa kyaangu uruka lo Sodoma ihooṟio maṙeko kuta mṟi-cho.”

Waroma 2:5

Indi kyipfa kya wuumu wopfo, na kui mrima opfo ulawoṙe iṙumbuya wunyamaṟi, nuiengeṟa nyashi ya Ruwa kopfo mfiri ulya o nyashi ya Ruwa na iloṟo lya chandu Ruwa ekyeanduya kulawoṙe ikundia.

Waroma 8:23

Maa chi wuṙo tikyi-pfo, indi maa soe luwenyi luwoṙe shindo shikyeri ndunda tsa kuwooka tsa Mumuyo, soe taa luiwawio mrimenyi koṙu, lochiweṙelyia iwa wana, nyi kyimwi na wukyiṟo wo mmbiu yaṙu.

1 Wakorinto 2:9

Kyaindi, chandu kyikyiṟeie, “Shindo shilya riso lyilaleshiwona, maa kuṙwi kulaleshiicho (Maa iiṙa na mrimenyi ko mndu), shindo shilya Ruwa aleṟeyeṟia wamkundi.”

1 Wakorinto 3:13

Kyipfa mfiri ulya o ianduyo ochiloṟa iṟunda-lyo na pata cha kyipfa lyechiloṟo moṙonyi; na moṙo ulya ochiyesha iṟunda lya orio mndu, nyi lya mbaṟe iha.

1 Wakorinto 9:25

Na orio mndu ekyeṙicha nekyekuima shindo shifoi. Kyasia iwo wekyewuta kuṙo kundu waambilyie iṟikoso lyekyenyamaṟika; indi soe lokyeambilyia iṟikoso lyilekyenyamaṟika.

2 Wakorinto 5:2

Kyipfa kyiiṙi kya numba-i luiwawio lochilanga mnu ienengo kanyi koṙu kuwukyie ruwewu;

Waefeso 3:11

kundu ngyiiṙime kui njia yoose ishika mfiri o iṟutso lya wapfu.

Wakolosai 1:5

Kyipfa kya ikusuria mulewikyio kyiseyesoe ruwewu; muleicho mbonyi tsalyo kacha ko mbonyi tsa loi tsa Ndumi Ngyicha;

1 Watesalonikye 1:10

Na iweṙelyia Mono-kye iwuka Ruwewu, ulya alemṟutsa iwuka ko wapfu, na oe nyi Yesu, echilushingyia lulaolokyio nyi nyashi ya Ruwa iya iicha.

1 Watesalonikye 5:4

Indi nyoe, wana wa wama, mukyeri meemenyi, mṟasa Yesu nache kyiyeri mulakyikusaṟie chandu mbafu yekyewuta-pfo.

2 Watesalonikye 2:8

Iho nyi ho-ndu eloṟo-ng'u ulya alewie Ruwa, ulya Mndumii Yesu emmbaaga kui mṟufui o ṙumbu lyakye, na imrumatsa kui iloṟo lya oe ikaa pfo.

1 Timoteo 6:19

kunu wechikooma kyiseyesoe kyiwe urende lucha ko kyiyeri kyiicha, kundu wawone moo o loi.

2 Timoteo 1:10

Na wulalu lyiṟingyishio kui iloṟo lya Mkyiṟa oṙu Kristo Yesu; alegalutsa upfu, na ishukuo moo na kulawoṙe inyamaṟika, kui Ndumi iya Ngyicha;

2 Timoteo 1:12

Kyipfa kya ikyo ngyileolokyio matuuro-ga maa ngyirigo nyi sonu-pfo; kyipfa ngyiichi icho ngyimwiṙikyie, na imanya piu kye neiṙima iringa kyilya ngyilekooma kokye mṟasa mfiri ulya.

2 Timoteo 1:18

Mndumii namwenengye iwona isaṟia mbele ya Mndumii mfiri ulya o ianduyo. Na chandu alengyiṟundia kulya Efeso, iyoe nuichi mnu.

2 Timoteo 2:5

Maa mndu kawingana temonyi ekyeenengo kyindo kyeloṟa nammbinzi, sile awingana kulawoṙe ngyeṟo-pfo.

2 Timoteo 4:1

Ngyikuwia mbele ya Ruwa na Kristo Yesu, echianduya wai na moo na wapfiie; kui iloṟo lyakye na kui Wumangyi wokye,

Tito 2:13

Lochiambuya ikusuria lyiwoṙe mboṟa na iloṟo kyiṟumi kya Kristo Yesu, Ruwa ang'anyi na Mkyiṟa oṙu;

Waebrania 12:11

Orio ngapo ikyeri kyindo kyekyeende sia-pfo, indi kya fowa; kyaindi kyiyeri kya numa yekyeendie walya wawatoṟishe nyi ngapo-yo ndunda tsa wusumganyi tsiwoṙe ufoṟo.

Waebrania 9:28

na wuṙo Kristo na oe, ammbuto iwa kyiṙaso lyimwi tupu na iṙuo ngyuunyamaṟi tsa wandu wafoi; nechicha-se lya kawi, kulawoṙe wunyamaṟi, ko walya waimmbeṙelyia nachewakyiṟa.

Yakobo 1:12

Agusu mndu ekyekarishia shiyesho; cha kyipfa kamwiṙikyio neambilyia wori wo moo, wulya Mndumii aṟeyeṟie walya wamkundi.

1 Petiro 1:4

Luwone na kyioṟa kyilekyenyamaṟika, kyilawoṙe ukoe, kyilekyesia, kyilekoomo ruwewu kyipfa kyanyu.

1 Petiro 5:4

Na kyiyeri Mlyisi ang'anyi echiloṟo, mochiambilyia iṟikoso lya kyiṟumi, lyilya lyilekyenyamaṟika.

Ulogo 1:7

Kristo naicha iwinyi akyeri mapuchinyi; na orio riso lyechimmbona, na iwo walemmbaaga, na mbaṟe tsoose tsa wandu wa wuyana tsechikapa ṟanyi kyipfa kyakye. Yee. Amen.

Ulogo 19:11

Numa ya iho ngawona mapuchi gaseia, na farasi ya uwiṟo, na ulya aiṙamilyie, ekyelago Msimiri na O-loi, na oe kui wusumganyi nekyeanduya na ikapana shiṙa.

Ulogo 2:10

Ulaowuoe shindo shechikukooya. Manya kye Mokyiriinzi-cho nechiṟukucha wengyi kyiiṙi kyanyu kyipfungonyi kundu muyesho, na nyoe mochilya wukyiwa mfiri ikumi. Uwe msimiri mṟasa ipfa, na inyi ngyechikuenenga oṟo ya moo.

Ulogo 22:20

Ulya moṟingyishia ishi, nagamba, “Yee loi; ngyiicha iwinyi.” Amen. Nnjo Mndumii Yesu.

Ulogo 4:10

nyi lyo-ndu wameeku-wo makumi gawi na waana wekyeoloka mbele yakye oe aṙamie kyitimenyi kya mng'ano. Nawo wekyepfiria ndi ulya ai na moo mṟasa mlungana na mlungana. Nawo wekyewiyitsa oṟo tsawo mbele ya kyitima kyilya kya mng'ano, wechigamba,

Ulogo 4:4

Na shitima makumi gawi na shiina shileringyichia kyitima kyilya kya mng'ano, na wuye ya shitima shilya ngyilewona wameeku makumi gawi na waana, waṙamie, wawaṟikye nguwo tsa uwiṟo; na mṙoenyi kowo wawewoṙe oṟo tsa sahapu.